ይህ ጽሁፍ መጨረሻ የታደሰው ሓምሌ (July) 14 ቀን 2026 ነው።

አጭር መግለጫ

በአሜሪካን አገር የሚገኙ አንዳንድ ሰዎች አገር ቤት ያሉ ዘመዶቻቸው ወደ አሜሪካ መጥተው ከእነሱ ጋር እንዲቀላቀሉ ለማድረግ ማመልከት ይችላሉ። ይህ መመርያ፤ ከቤተሰብ ጋር ለመቀላቀል የሚያስችሉ የማመልከቻዎችን ዓይነቶች ይዘረዝራል። ይሁንና ይህ በቤተሰብ ላይ የተመሰረቱ  ፕሮግራሞችን በሙሉ አይገልጽም። 

ከቤተሰብ ጋር ለመቀላቀል ለሚያስችሉ ፕሮግራሞች ብቁ ሆኖ መገኘት  በአብዛኛው በሚከተሉት ሁኔታዎች ላይ ይመረኮዛል፡ 

• አሜሪካን አገር ውስጥ ያለው ሰው ህጋዊ የመኖርያ ሁኔታ
• በአሜሪካን አገር ባለው ሰውና ሊያስመጣው በሚፈልገው ሰው መካከል ያለው ዝምድና

በተጨማሪም የሚከተሉትን መረዳት አስፈላጊ ነው፡

• ይህንን በተመለከተ ያሉት ፕሮግራሞች በሙሉ፤  በአሜሪካ ውስጥ የሚገኘው ሰው፤ ዘመዱን ለማስመጠት ብቁ መሆኑን የሚያሳዩ ዶኩመንቶችና ሌሎች ማረጋገጫዎችን ማቅረብ እንዳለበት ያሳያሉ።
• አንዳንድ ፕሮግራሞች ደግሞ ማመልከቻዎች የሚቀርቡበት ልዩ የግዜ ገደብ አላቸው እንዲሁም  የሚከፈል ክፍያ ይኖራቸዋል። ያንኑ አንዱን ዘመዳቸውን  ለመርዳት አንዳንድ ሰዎች ከአንድ ፕሮግራም በላይ  ሊያመለከቱ ይችላሉ።   
• በአያሌ ሁኔታዎች ውስጥ ግን የሩቅ  ዘመዶችን ለመርዳት የሚያስችል ፕሮግራም  የለም።

ይህ መመርያ፤ ለእያንዳንዱ ፕሮግራም  ተጨማሪ መረጃ ለማግኘት የሚያስችል መገናኛ ( links) ይሰጣል። 

የአሜሪካ ዜጎች እና ህጋዊ የሆነ የመኖርያ ፍቃድ ያላቸው ሰዎች የቤተሰብ አባሎች

የአሜሪካ ዜጎችና ህጋዊ የመኖርያ ፈቃድ ያላቸው ሰዎች ( ግሪን ካርድ green card ያላቸው)፤ የቤተሰባቸው አባላት ወደ አሜሪካን አገር እንዲመጡ ሊያመለክቱላቸው ይችላሉ። በአንዳንድ ሁኔታዎች ምክንያት ግን፤  እነኚህ ዘመዶች ወደ አሜሪካን አገር ለመምጣት አያሌ ዓመታት ሊፈጅባቸው ይችላል። 

ህጋዊ ና ዘላቂ የመኖርያ ፈቃድ ያላቸው ሰዎች (Lawful permanent residents (ኤል ፒ አር LPRs፤ እነኚህ  ግሪን ካርድ ያላቸው (green card holders) በመባልም ይታወቃሉ። እነኚህ ግሪን ካርድ ያላቸው ሰዎች የትዳር ጓደኛቸው ወይም ያላገቡ ልጆቻቸውን ወደ አሜሪካ ማስመጣት ከፈለጉ ማመልከት ይችላሉ።  

የአሜሪካ ዜጎች የትዳር ጓደኛቸው ወይም በማንኛውም የዕድሜ ክልል ያሉ ያገቡም ያላገቡም ልጆቻቸው  ወደ አሜሪካን አገር እንዲመጡ ማመልከት ይችላሉ። 

አይ-130 ( I-130) የተሰኘ ፎርም በመሙላት የማመልከቻቻውን ሂደት መጀመር ይችላሉ። ስለዚህ አይ-130 ( I-130) የተባለ ፎርም ተጨማሪ መረጃ እዚህ ማግኘት ይቻላል።  

በመጨረሻም የአሜሪካ ዜጋ ከሆኑ ከእጮኛዎ ጋር ገና ከመጋባታችሁ በፊት እጮኛዎን ወደ አሜሪካ ለማስመጣት ማመልከት ይችላሉ። ለዚህም  አይ -129ኤፍ ( I-129F) የተሰኘ ፎርም በመሙላት ሂደቱን መጀመር ይችላሉ። ስለዚሁ እጮኛን በተመለከተ የሚሰጥ ቪዛ ተጨማሪ መረጃ ከፈለጉ እዚህ ማየት ይችላሉ።  

በአሜሪካን አገር ውስጥ የሚገኙ የስደተኞችና የጥገኞች ቤተሰቦች 

ጥገኞች(Asylees)

በአሜሪካን አገር ውስጥ ህጋዊ የጥገኛ ወረቀት ያሎት ጥገኛ ከሆኑ፤ የትዳር ጓደኛዎን ለማስመጣትና ከትዳር ጓደኛዎ  ጋር ለመቀላቀል የሚያስችሎት ማመልከቻ ማስገባት ይችላሉ። የልጆችዎ ዕድሜና  የትዳር ሁኔታ ግምት ውስጥ ገብቶ ከልጆችዎም ጋር ለመቀላቀል ማመልከቻ ማስገባት ይችላሉ።  ይህንንም ማደረግ የሚችሉት፤ አይ -730 (I-730) የተሰኘ ፎርም በመሙላት ነው። ይህንን ፎርም ለመሙላትና ለማስገባት የሁለት ዓመት የግዜ ገደብ ይሰጦታል። ስለዚህ የ አይ -730 (I-730) ፎርም ሂደት ተጨማሪ መረጃ  እዚህ ይገኛል።  

ስደተኞች (Refugees)

በአሜሪካን አገር ውስጥ የምትኖሩት እንደ ስደተኛ ከሆነ አይ-730 ( I-730 Form) የተባለ ፎርም በመሙላት ከትዳር ጓደኛዎና ዕድሜያቸው ከ 21 ዓመት በታች ከሆኑና ካላገቡ ልጆችዎ ጋር መቀላቀል ይችላሉ። ይሁንና በጥር ወር (January) 2025 ላይ፤ ፕሬዚደንት ትራምፕ የአሜሪካን የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) የተሰኘውን ፕሮግራም አንዲቆም የሚያደረግ ትእዛዝ አስተላለፉ። ይህም ዘመድዎን ሊያስመጣ ያስችል የነበረውን የአይ -730 (I-730) ፎርም  የሚያደናቅፍ ነው።  ስለዚሁ  የአይ -730 (I-730) ፎርም ጉዳይ ተጨማሪ መረጃ እዚህ ይገኛል እንዲሁም በወቅቱ ስለቆመው የመልሶ መቋቋም ፕሮግራም ተጫማሪ መረጃ እዚህ ይገኛል።     

የስደተኛና የጥገኛ ወረቀት ያላቸው ሰዎች፤ “ፕራዮሪቲ 3” (Priority 3) የተባለና ቤተሰብንና የአፍጋንና የኢራቅ ኤስ አይ ቪ (SIV)ን ወደ አሜሪካን አገር ማስመጣት የሚያስችል ሌላ ፕሮግራምም አለ። ይሁንና በጥር ወር (January) 2025 ላይ፤ ፕሬዚደንት ትራምፕ የአሜሪካን የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) የተሰኘው ፕሮግራም አንዲቆም የሚያደረግ ትእዛዝ አስተላለፉ። በአሁኑ ወቅት ይህ ፕራዮሪቲ 3 (Priority 3 ) የሚባለው ፕሮግራም አዲስ ማመልከቻዎችን አይቀበልም። ስለዚሁ ፕራዮሪቲ 3 (Priority 3 ) የሚባለው ፕሮግራም ተጨማሪ መረጃ እዚህ ይገኛል። እንዲሁም  ስለወቅቱ የመልሶ መቋቋም ፕሮግራም ተጨማሪ መረጃ እዚህ ይገኛል።

በአሜሪካን አገር ውስጥ የሚገኙ የኢራቅና የአፍጋን ቤተሰቦች (Iraqi and Afghan ኤስ አይ ቪ SIV) 

ለኢራቃውያንና ለአፍጋን ዜጎች የ ልዩ ስደተኛ ቪዛ ተቀባይ (Iraqi and Afghan Special Immigrant Visa (ኤስ አይ ቪ) SIV) ከሆኑ፤ ባለቤትዎና ልጆችዎ ወደ አሜሪካ መጥተው ከእርሶ ጋር እንዲቀላቀሉ በአንዳንድ ሁኔታዎች ውስጥ ማመልከት ይችላሉ።  ይህም “ ለመቀላቀል መከተል”  “following to join”  በመባል ይታወቃል። ይሁንና በአሁኑ ግዜ መንግስት ለአፍጋን የ ኤስ አይ ቪ (SIV) አመልካቾች ይሰጥ የነበረው ቪዛ እንዲቆም አድርጓል። ስለዚሁ ስለ የኤስ አይ ቪ (SIV) ተቀባዮች ዘመዶች ጉዳይ ተጨማሪ መረጃ በ ኢራፕ (IRAP) መመርያ ውስጥ ይገኛል።  

ለስደተኞች የሚደረጉ ከቤተሰብ ጋር ልቀላቅሉ የሚችሉ ሌሎች ልዩ ፕሮግራሞች 

ከአሁን ቀደም፣ የአሜሪካን መንግስት፤ በልዩ የአሜሪካ ሰደተኞች የመልሶ መቋቋም ፕሮግራሞች፤ አንዳንድ ሰዎች ከቤተሰባቸው ጋር እንዲቀላቀሉ ይፈቅድ ነበር። ይሁንና በጥር ወር (January) 2025፣ ፕሪዚደንት ትራምፕ የአሜሪካን የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) የተሰኘው ፕሮግራም አንዲቆም የሚያደረግ ትእዛዝ አስተላለፉ። በአሁኑ ወቅትም  መንግስት አዲስ ማመልከቻዎችን በመቀበልም ሆነ ቀደም ሲል የተቀበላቸውን አዲስ ማመልከቻዎችን በማየት ላይ አይገኝም።  ስለዚሁ የስደተኞች መልሶ የማቋቋም ፕሮግራም መቆም ተጨማሪ መረጃ እዚህ ይገኛሉ።   

ስለነዚህ አንዳንድ ልዩ ፕሮግራሞች በዝርዝር ከወደታች ቀርቧል። 

በአሜሪካን አገር ዘመዶች ያሏቸው የሶርያና የኢራቅ ስደተኞች

ከአሁን ቀደም (ከላይ በተገለጸው መሰረት) ህጋዊ የሆነ የ አይ-130 (I-130) ፈቃድ ያለው የኢራቅ ወይም የሶርያ ዜጋ፤ የስደተኛ ወረቀት ለማግኘት በልዩ ፕሮግራም ማመልከት ይችል ነበር።  ይሁንና  በጥር ወር (January) 2025 ላይ፤ ፕሬዚደንት ትራምፕ የአሜሪካን የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) የተሰኘው ፕሮግራም አንዲቆም የሚያደረግ ትእዛዝ አስተላለፉ።  እነኚህ የኢራቃውያንና የሶርያውያን ቀጥታዊ የአገባብ ፕሮግራሞችም (Iraqi and Syrian Direct Access Programs) የ ዩ ኤስ አር ኤ ፒ  (USRAP) አካል በመሆናቸው እነሱም ቆመዋል። ይህም ማለት በአሁኑ ግዜ የአሜሪካን መንግስት በዚህ ፕሮግራም አዲስ ማመልከቻዎችን አይቀበልም ማለት ነው።  

ተጨማሪ መረጃ ስለ ስደተኞች መልሶ መቋቋም ፕሮግራም መቆም እዚህ ይገኛል።  

ተጨማሪ መረጃ የተፈቀደ አይ -130 (I-130) ያላቸው ኢራቃውያንና ሶርያውያንንን በሚመለከት ስለሚሰጥ ዳይሬክት አክሰስ ፕሮግራም ( Direct Access Program) እዚህ ይገኛል። 

በአሜሪካን አገር ቤተሰብ ያላቸው የኢራን የሃይማኖት አናሳ አባሎች 

የሎተንቡርግ ፕሮግራም (Lautenberg Program) በሚባለው ፕሮግራም አማካኝነት፤ በአሜሪካን አገር በህጋዊ መንገድ የሚቀመጡ ሰዎች፣ የኢራን የሃይማኖት አናሳ አባሎች የሆኑ ዘመዶቻቸውን ወደ አሜሪካን አገር ለማስመጣት የሚያስችል የመልሶ መቋቋም ፎርም ነበር። ይሁንና በጥር ወር (January) 2025 ላይ፤ ፕሬዚደንት ትራምፕ የአሜሪካን የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) የተሰኘው ፕሮግራም አንዲቆም የሚያደረግ ትእዛዝ አስተላለፉ። የሎተንበርግ ፕሮግራምም  (Lautenberg Program) የዩ ኤስ አር ኤ ፒ (USRAP) አንድ አካል ነው። እሱም አዲስ ማመልከቻዎችን በመቀበል ላይ አይደለም።  ስለዚሁ  የሎተንበርግ ፕሮግራም  (Lautenberg Program) የሚባለው ፕሮግራም ተጨማሪ መረጃ እዚህ ይገኛል። እንዲሁም  ስለወቅቱ የመልሶ መቋቋም ፕሮግራም ተጨማሪ መረጃ እዚህ ይገኛል።

በአሜሪካን አገር ዘመዶች ያሏቸው የ ኤል ሳልቫዶር (El Salvador)፣ የጓቴማላ (Guatemala) እና ሆንዱራስ (Honduras) ተወላጆች 

የመካከለኛው አሜሪካ የልጆች ፕሮግራም ( Central American Minors (ካም CAM) የተባለ ፕሮግራም በ ኤል ሳልቫዶር፣ በጓቴማላና በሆንዱራስ የሚገኙ ልጆችና ሌሎች የቤተሰብ አባላት በአሜሪካን አገር ካሉ ዘመዶቻቸው ጋር ሊቀላቀሉ የሚያስችል መንገድ ነበር። ይሁንና ፕሬዚደንት ትራምፕ ጥር (January) 2025 ላይ የአሜሪካ የስደተኞች መቀበያ ፕሮግራም (U.S. Refugee Admissions Program (ዩ ኤስ አር ኤ ፒ USRAP) እንዲቆም የሚያደርግ ትእዛዝ አስተላለፉ።  ይህ የካም  (CAM) ፕሮግራም የ ዩ ኤስ አር ኤ ፒ  USRAP) አካል በመሆኑ በአሁኑ ግዜ አዲስ ማመልከቻዎችን በመቀበል ላይ አይደለም።  ስለዚሁ  የካም  (CAM) ፕሮግራም ተጨማሪ መረጃ ከፈለጉ  እዚህ ይገኛል፣ እንዲሁም ስለ ወቅታዊ የመልሶ መቋቋም ፕሮግራም ተጨማሪ መረጃ እዚህ ይገኛል። 

እርዳታ ስለመጠየቅ 

ይህንን ሂደት በተመለከተ እርስዎ ወይም ዘመድዎ የኢሚግሬሽን ጠበቃ እርዳታ መጠየቅ ትፈልጉ ይሆናል፤ ከዚህ ቀጥሎ አንዳንድ ምንጮች ይቀርባሉ፡ 

• ከኢራፕ (IRAP) እርዳታ ስለመጠየቅ ያለው መረጃ።
• የሚገኙት ዮርዳኖስ ውስጥ  ከሆነ፤ ፎርሙን በመጠቀም በዮርዳኖስ ውስጥ ካለው ኢራፕ (IRAP)  እርዳታ መጠየቅ ይችላሉ። ለግዜው ፎርሙ ከተዘጋ፣ ሌላ ቀን እንደገና መከፈቱን  ማጣራት ይችላሉ። 
• በአሜሪካን አገር ውስጥ በነጻ፤ ገንዘብ የማይከፈልበት የኢሚግሬሽን ህጋዊ አገልግሎት የሚሰጡ ሰዎች ዝርዝር እዚህ ይገኛል። 
• በአሜሪካን አገር የሚገኙ የግል የኢሚግሬሽን ጠበቃዎች ዝርዝርም እዚህ ይገኛል።