REMAK: Enfòmasyon sa yo se apati 5 Dawout 2024 yo soti. Nou eseye mete yo ajou lè gen chanjman enpòtan, men li te kapab gentan chanje paske lwa imigrasyon Etazini yo chanje trè rapid. Enfòmasyon sa a se pou edikasyon nou men yo pa de konsèy legal.

Ki sa ki CBP One App?

CBP One se yon aplikasyon mobil gratis ki kreye pa gouvènman Ameriken. Moun ki nan fwontyè peyi Etazini ak Meksik jeneralman bezwen sèvi ak aplikasyon an pou jwenn yon randevou pou antre Ozetazini nan yon pwen antre.

Pifò moun bezwen yon randevou CBP One pou yo ka mande pou yo rantre Etazini nan yon pò antre sou fwontyè Etazini ak Meksik. Se sèlman anviwon 1450 randevou ki disponib chak jou. Anpil moun rete tann anpil tan pou jwenn yon randevou epi yo oblije kontinye eseye chak jou.

Jwenn yon randevou atravè CBP One gratis. Kominikasyon ki ofri randevou CBP One ki mande lajan gen anpil chans pou yo se fwod.

Etap pou itilize CBP One

Telechaje aplikasyon CBP One nan Apple App Store oswa Google Play Store.

Louvri aplikasyon an, chwazi KONEKTE OSWA ENSKRI. CBP One pral voye w sou yon sit entènèt ki rele login.gov. Apre sa, kreye yon kont oswa konekte.
Si ou wè yon paj ki rele "Tèm ak Kondisyon yo", klike sou "Aksepte" nan pati anba.
Si ou gen yon kont klike sou "Konekte". Si ou PA gen yon kont klike sou "Kreye yon kont."
Nan seksyon "Ki moun ou ye", chwazi "Vwayajè".
Nan seksyon "Seleksyone metòd vwayaj la" chwazi si wap vwayaje sou tè, anlè oswa lanmè.

Nòt: Si ou nan sant oswa nan nò Meksik epi w vle antre Etazini pa mwayen terès, tankou mache oubyen kondwi, seleksyone "Vwayajè" ak "Tè".

Nan seksyon "Soumèt Enfòmasyon davans" si wap vwayaje pa mwayen terès epiw vle mande yon randevou nan yon pò antre, ou dwe konplete etap sa yo:

Anrejistre tout moun kap vwayaje ansanm - se sèlman moun ki nan lis kòm vwayajè yo ki ka ale ansanm pou yon randevou;
Chwazi lang ou. Opsyon yo se Anglè, Panyòl ak Kreyòl Ayisyen.
Apre, aplikasyon an pral mande w pèmisyon poul jwenn aksè poul lokalizew. Klike “Aksepte.” Ou dwe nan vil Meksik ak nan nò oswa Guadalajara. Tanpri note ke nan dat 4 Dawout 2024 la CBP te anonse ke imigran yo pral kapab pa lontan pran randevou tou nan eta Tabasco ak Chiapas. Nou pa konnen ki lè sa a pral rive men nou ap mete ajou atik sa a lè CBP anonse yon dat.
Mande yon randevou. Ou dwe konplete yon enskripsyon epi li dwe gen ladan tout moun kap vwayaje ansanm anvan ou mande yon randevou.
Yo ta dwe baw yon randevou. Souvan konn pa gen randevou ki disponib;
Aksepte epi pran yon randevou; epi,
Rive nan pò antre a nan yon moman randevou ki kòrèk.

Enstriksyon detaye yo disponib sou sit gouvènman Ameriken.

Kijan yon moun ka mande yon randevou?

Apati 10 me 2023, gen yon nouvo pwosesis pou pran randevou sou aplikasyon CBP One la:

Ou dwe nan Vil Meksik oswa nan nò Meksik pouw mande ak pwograme yon randevou.
Chak jou, ou ka mande yon randevou apati 10 a.m. MST/ nan lè Ciudad Juarez jiska 9:59pm MST/Ciudad Juarez.
Soti 9 a.m. - 10 a.m. MST/ nan lè Ciudad Juarez, ou paka mande randevou.
A 10 a.m. chak jou nan lè MST/Ciudad Juarez, yo bay kèk randevou ak moun ki te mande randevou nan jou anvan an. Men, anpil moun ki te mande randevou nan jou avan an pap jwenn yon randevou. Wap jwenn yon imel ak yon mesaj notifikasyon kap parèt si yo baw yon randevou nan yon pò antre.
Ou gen 23 èdtan pou w aksepte randevou a. Klike sou "aksepte randevou" nan aplikasyon an.
Si ou bezwen plis tan, ou ka mande pou yon enkstansyon 24 èdtan nan aplikasyon an pouw aksepte randevou a.
Apre ou fin aksepte randevou a, pran videyo tèt ou ( oswa "eskanè figi"). Epi klike sou "pwograme randevou" nan aplikasyon an.
Apre ou fin konfime yon randevou, wap wè randevou ki konfime a nan aplikasyon an.

Ki kote randevou yo ye?

Randevou yo disponib nan pò antre sa yo:

Texas: Matamoros, Piedras Negras, Nuevo Laredo, Ciudad Juárez, Reynosa.Brownsville, Eagle Pass, Hidalgo, Laredo, ak El Paso (Texas)
Arizona: Nogales Nogales (Arizona)
California: Mexicali, Tijuana Calexico ak San Ysidro (California)

Ou ka mande yon randevou nan yon vil diferan. Sepandan, sa ka difisil pou rezon sa yo:

Diferan Pò Antre yo ka byen lwen younn lòt. Pou egzanp, Pò Antre nan Nogales/Mariposa se plis pase 7 èdtan lwen nan machin soti nan Ciudad Juarez.
Ou bezwen dokiman valab pouw vwayaje anndan Meksik, sa ki ka rann li difisil pouw ale nan yon lòt vil.
Kondisyon nan diferan Pò Antre ka trè danjere. Vwayaje ka danjere tou.

CBP One ap voye imèl pou ou lè randevou w la konfime. Eseye enprime imel la epi pote l nan randevou a. Si li pa posib pou w enprime imel la, ou ka montre imel konfimasyon randevou a oswa yon foto imel la sou telefòn ou lè w parèt nan randevou a.

Èske gen moun ki gen pwoblèm pou itilize aplikasyon an?

Wi. Moun yo gen anpil pwoblèm. Pa egzanp, li difisil pouw eskane figiw ak pran yon foto (malerezman, espesyalman pou moun ki gen po pi fonse). Epi, aplikasyon an konn souvan retel pa fonksyone, ou dwe chanje modpas la souvan, aplikasyon an souvan bezwen mizajou, epil difisil pou w telechaje fichye yo.
Men kèk solisyon:
- Itilize yon telefòn ki konpatib ak aplikasyon an. (aplikasyon an pa mache sou kèk telefòn ki pi ansyen).
- Itilize yon bon koneksyon wifi.
- Souvan mete aplikasyon an ajou (mete li ajou anvan ou kòmanse pwosesis enskripsyon an).
Aplikasyon an ka difisil pouw itilize. Epi tou, pa gen ase randevou pou tout moun k ap chèche antre Etazini.

Lòt Resous:

Gid Itilizatè CBP One - Anglè (disponib tou an Panyòl ak Kreyòl Ayisyen)

CBP One Flyer - Anglè (disponib tou an Panyòl ak Kreyòl Ayisyen)

Aplikasyon mobil CBP One™. Ladwàn Etazini ak Pwoteksyon Fwontyè (CBP)