Depi 20 janvye 2025, gouvènman ameriken an fè anpil chanjman politik ki afekte moun ki sou fwontyè Etazini ak Meksik la. Anpil nan chanjman sa yo toujou trè pote konfizyon, alafwa pou avoka ak pou moun ki ap eseye antre nan peyi Etazini sou fwontyè a. Men sa nou konnen jiskaprezan:

CBP One pa disponib ankò

Aplikasyon Mobil CBP One lan pa disponib pou pran randevou sou fwontyè a ankò. Gouvènman ameriken an anile tout randevou yo. Pa gen nouvo randevou ki disponib. Pa gen okenn lòt fason pou pran randevou pou ale nan fwontyè Etazini kounye a.

Politik MPP a oswa "Rete Meksik" la.

Gouvènman ameriken an di politik MPP a oswa "Rete Meksik" la ap tounen. MPP se te yon politik ki te fè moun tann Meksik pou dosye tribinal imigrasyon Etazini yo. Kounye a, nou pa konnen ki moun ki oswa ki pral nan pwogram nan. Nou pa konnen kijan detay pwogram nan pral fonksyone fwa sa a, men nou pral mete paj sa a ajou lè nou konnen plis.

Lòt Aksyon ki afekte fwontyè Etazini ak Meksik la

Gouvènman ameriken an fè konnen fwontyè Etazini ak Meksik la fèmen. Nou pa konnen egzakteman sa sa vle di. Sanble gouvènman ameriken an di yo gen dwa pou yo mete deyò, oswa pou yo voye tounen, moun ki sou fwontyè a san okenn pwosesis jiridik. 

Nou konnen trè byen gouvènman ameriken an ap travay pou depòte moun trè vit. Souvan sa rann li trè difisil pou moun yo egzèse dwa yo, ansanm ak dwa yo pou yo chèche azil. Nou pa konnen kijan moun ka aplike pou azil sou fwontyè Etazini ak Meksik kounye a. 

Nou pral mete paj sa a ajou pandan n ap aprann plis

Ankò, bagay yo trè ensèten e ap chanje byen vit kounye a. Sepandan, IRAP pral fè tout sa li kapab pou pataje enfòmasyon pandan n ap aprann yo. 

Nou pral mete paj sa a ajou lè nou gen plis enfòmasyon.