Սոււյն հոդվածը վերջին անգամ թարմացվել է 2025 թվկանի մայիսի 20-ին

Ամփոփ նկարագիր

ԱՄՆ քաղաքացիները (USC-ներ) և օրինական մշտական ​​​​բնակիչները (LPR-ներ, կամ «կանաչ քարտի սեփականատերերը») կարող են օգնել որոշ հարազատների ներգաղթել Միացյալ Նահանգներ` ներկայացնելով ձևաթուղթ, որը հայտնի է որպես «I-130 խնդրագիր»: Սա ուղեցույց է USC-ների և LPR-ների համար, որոնք ցանկանում են ներկայացնել I-130 իրենց հարազատների համար:

Դուք կարող եք իրավասու լինել փախստականների և ապաստան ստացողների դեպքում ընտանիքների վերամիավորման այլ տարբերակների համար:  I-730 ծրագրի մասին տեղեկություններ կարող եք գտնել այստեղ, P-3 ծրագրի մասին՝ այստեղ, իսկ սիրիացիների և իրաքցիների համար ուղղակի մուտքի ծրագրի տեղեկություններ՝ այստեղ։ 

Ո՞րն է գործընթացը:

Գործընթացը սկսվում է I-130 ձևաթուղթը լրացնելով: Դուք նաև պետք է ներառեք այլ փաստաթղթեր, որոնք ապացուցում են, որ դուք USC կամ LPR եք: Դուք նաև պետք է ապացուցեք ձեր հարաբերություններն այն ազգականի հետ, ում ցանկանում եք օգնել ԱՄՆ գալ: Սա կոչվում է խնդրագիր ներկայացնել ձեր հարազատի համար: Դուք խնդրագիր ներկայացնողն եք։ 

Ձևաթուղթը լրացնելիս պետք է խնդրագրի ներկայացնողի վերաբերյալ տրված յուրաքանչյուր հարցի համար տրամադրեք ձեր մասին տեղեկատվություն: 

Ո՞ւմ համար կարող եմ խնդրագիր ներկայացնել:

Եթե ​​դուք օրինական մշտական բնակիչ (LPR) եք, կարող եք դիմել ձեր ամուսնու/կնոջ և ցանկացած տարիքի ձեր երեխայի համար (սակայն միայն այն դեպքում, եթե նրանք ամուսնացած չեն): Եթե ​​դուք ԱՄՆ քաղաքացի (USC) եք, կարող եք փաստաթղթեր ներկայացնել ձեր ամուսնու/կնոջ, ցանկացած տարիքի ձեր երեխայի համար (նրանք կարող են լինել ամուսնացած կամ չամուսնաացած), իսկ եթե դուք 21 տարեկանից բարձր եք, ձեր եղբայրների, քույրերի և ծնողների համար նույնպես: Ձեր ազգականը կամ այն ​​անձը, ում համար խնդրագիր եք ներկայացնում, շահառուն է:

Որտեղի՞ց սկսեմ:

Դուք պետք է ներկայացնեք Ձևաթուղթ I-130, որը հասանելի է այստեղ։ Ձևաթուղթը պահանջում է կենսագրական տեղեկություններ ձեր և ձեր ընտանիքի անդամի մասին:

Եթե ​​դուք օրինական մշտական բնակիչ (LPR) եք, ապա մեկ խնդրագիր կներկայացնեք ձեր հարազատի համար: Եթե ​​նրանք մինչև 21 տարեկան չամուսնացած երեխաներ ունեն, ապա ձեզ հարկավոր չէ առանձին խնդրագիր ներկայացնել: Այնուամենայնիվ, եթե դուք միաժամանակ խնդրագիր եք ներկայացնում ձեր ամուսնու/կնոջ և երեխաների համար, կարող եք առանձին խնդրագրեր ներկայացնել, եթե ցանկանում եք, որ դրանք ինքնուրույն ընթացք ստանան:

Եթե ​​դուք ԱՄՆ քաղաքացի (USC) եք և դիմում եք ներկայացնում ձեր չափահաս կամ ամուսնացած երեխաների կամ ձեր եղբայրների և քույրերի համար, ապա ձեզ հարկավոր չէ առանձին խնդրագիր ներկայացնել նրանց ամուսինների/կանանց և մինչև 21 տարեկան չամուսնացած երեխաների համար: Եթե դուք ԱՄՆ քաղաքացի (USC) եք և դիմում եք ներկայացնում ձեր ծնողների, մինչև 21 տարեկան չամուսնացած երեխաների կամ ամուսնու/կնոջ համար, դուք պետք է առանձին խնդրագիր ներկայացնեք յուրաքանչյուր անձի համար: Մենք խորհուրդ ենք տալիս ներկայացնել ուղեկցող նամակ, որտեղ թվարկված են ձեր ներկայացրած փաստաթղթերը: Այն օգնում է USCIS-ին տեսնել, որ դուք բավարարել եք բոլոր պահանջները:

Ձևաթուղթ ներկայացնելիս այն պետք է ներկայացնել ձեր բնօրինակ ստորագրությամբ կամ ձեր ձեռագիր ստորագրությամբ՝ սկանավորված կամ լուսապատճենված: USCIS-ը չի ընդունի մուտքագրված կամ էլեկտրոնային ստորագրություն: Դուք պետք է պահեք բնօրինակը և գուցե ստիպված լինեք այն տրամադրել USCIS-ին ապագայում:

I-130 ձևաթուղթը ներկայացնելու երկու եղանակ կա` 1) փոստով կամ 2) առցանց՝ USCIS կայքում: Երկու տարբերակների մասին էլ լրացուցիչ տեղեկություններ կարող եք գտնել այստեղ:

Որքա՞ն այն արժե:

2025 թվականի մայիսից սկսած՝ գոյություն են ձևաթղթի լրացման տարբեր վճարներ` կախված նրանից`  դուք ներկայացնում եք ձեր ձևաթուղթը էլեկտրոնային եղանակով, թե փոստով: Եթե դուք ներկայացնում եք ձեր I-130 ձևաթուղթը փոստով, դուք պետք է վճարեք 675.00 ԱՄՆ դոլար վճար: Եթե դուք ներկայացնում եք ձեր I-130 ձևաթուղթը առցանց, պետք է վճարեք 625.00 ԱՄՆ դոլար վճար:

I-130 ձևաթուղթը ոստով ներկայացնողների համար այս վճարն ուղարկվում է  որպես կտրոն կամ դրամական հանձնարարական ԱՄՆ-ում գործող բանկից կամ վճարվում է կրեդիտային քարտով: Կտրոնը կամ դրամական հանձնարարականը հասցեագրվում է «ԱՄՆ ներքին անվտանգության բաժանմունքին»: Բաժանմունքի անվանումը պետք է գրվի ճիշտ այդ ձևով: Դուք չեք կարող կանխիկ վճարել:  Կրեդիտային քարտով վճարելու համար դուք պետք է ներկայացնեք G-1450 ձևաթուղթը, որը հասանելի է այստեղ։ Վճարը և այն վճարելու եղանակը կարող են փոխվել, ուստի նախքան փաստաթղթերը ներկայացնելը ստուգեք USCIS-ի այս կայքէջը, որտեղ նշված են վճարները։

Այնուամենայնիվ, 2023 թվականի հունվարից ի վեր  USCIS-ը չի պահանջում ներկայացնելու որևէ վճար ԱՄՆ քաղաքացիների դեպքում, որոնք դիմում են ներկայացնում իրենց Աֆղանստանի քաղաքացի ամուսնու/կնոջ, մինչև 21 տարեկան, չամունացած երեխայի կամ ծնողի համար: Խնդրագիր ներկայացնողները իրենց ուղեկցող նամակի վերևում կարող են գրել «I-130 Աֆղանստանի քաղաքացիների համար անհապաղ հասանելի վիզայով. վճարումից ազատված»: Վճարից ազատումը գործում է միայն մինչև 2023 թվականի սեպտեմբերի 30-ը:

I-130 ձևաթուղթն առցանց ներկայացնելու համար USCIS առցանց համակարգը ձեզ կուղեկցի ձեր վճարումները կրեդիտային, դեբետային կամ նախավճարային քարտով գործընթացի միջոցով կատարելու: Համակարգն ավտոմատ կերպով ձեզ կուղղորդի անվտանգ կայք՝ pay.gov, որտեղ կարող եք առցանց կատարել ձեր վճարումները: Առցանց վճարումները ներկայացնելու վերաբերյալ լրացուցիչ տեղեկություններ կարող եք գտնել այստեղ:

Ուրիշ ի՞նչ է անհրաժեշտ ներկայացնել I-130 խնդրագրի հետ:

ԱՌԱՋԻՆ. Դուք պետք է ապացուցեք ձեր կարգավիճակը ԱՄՆ-ում

I-130 ձևաթուղթը ձեզ` խնդրագիր ներկայացնողին, կխնդրի ապացուցել ձեր կարգավիճակը ԱՄՆ-ում: Ապացուցելու համար, որ դուք ԱՄՆ քաղաքացի (USC) եք, դուք պետք է ուղարկեք այս փաստաթղթերից ՄԵԿԸ  ձեր I-130 ձևաթղթի հետ միասին.

• Ձեր ծննդյան վկայականի պատճենը, որը ցույց է տալիս, որ դուք ծնվել եք ԱՄՆ-ում
• Ձեր հպատակագրման վկայականի պատճենը
• Ձեր քաղաքացիության վկայականի պատճենը
• FS-240 ձևաթղթի պատճենը, արտերկրում ծննդյան հյուպատոսական զեկույց (CRBA)
• Ձեր անժամկետ ԱՄՆ անձնագրի պատճենը, կամ
• ԱՄՆ հյուպատոսական աշխատակցի բնօրինակ հայտարարություն, որը հաստատում է, որ դուք ԱՄՆ քաղաքացի եք, ով ունի վավերական անձնագիր:

Ապացուցելու համար, որ դուք օրինական մշտական բնակիչ (LPR) եք, ներկայացրեք ձեր գրին քարտի դիմերեսի և դարձերեսի պատճենները: Եթե դեռ չունեք ձեր քարտը, կարող եք ներկայացնել ձեր անձնագրի պատճենները՝ ներառյալ լուսանկարով էջը և էջը, որը ցույց է տալիս մուտքը ԱՄՆ որպես օրինական մշտական բնակիչ (LPR):  Կարող եք նաև ներկայացնել ձեր I-94-ի պատճենը:

ԵՐԿՐՈՐԴ․ Դուք պետք է ապացուցեք ձեր հարազատի հետ հարաբերությունները

I-130 ձևաթուղթը ձեզ՝ խնդրագիր ներկայացնողին, խնդրում է ապացուցել հարաբերությունները ձեր հարազատի՝ շահառուի հետ: Մի՛ ուղարկեք USCIS բնօրինակ փաստաթղթեր: Դուք միշտ պետք է ուղարկեք փաստաթղթերի պատճենները: 

Եթե փաստաթուղթն անգլերեն չէ, ուղարկեք նաև փաստաթղթի` անգլերեն թարգմանությունը: Թարգմանությունը պետք է ունենա թարգմանչի հայտարարությունն այն մասին, որ ինքը վարժ տիրապետում է երկու լեզուներին: 

Եթե ցանկանում եք ձեր ամուսնուն կամ կնոջը բերել ԱՄՆ.

• Ուղարկեք ձեր ամուսնության վկայականի պատճենը:
• Եթե ​​ամուսնացած եք եղել, ուղարկեք փաստաթղթերի պատճենները, որոնք ցույց են տալիս, որ ձեր նախկին ամուսնությունները լուծարվել են: Սովորաբար դրանք ամուսնալուծության կամ մահվան վկայականներ են:
• Ուղարկեք փաստաթղթեր, որոնք ցույց են տալիս, որ սա իսկական ամուսնություն է, և որ դուք չեք ամուսնացել ներգաղթի նպատակներով: Օրինակ՝
  • Դուք կարող եք ուղարկել ձեր երեխաների ծննդյան վկայականները, որոնք ցույց են տալիս, որ դուք և ձեր ամուսինը/կինը նրանց ծնողներն եք: Դուք կարող եք բանկից փաստաթուղթ ուղարկել ձեր երկուսի անուններով նույն հաշվի վերաբերյալ:
  • Դուք կարող եք նաև ներկայացնել վարձակալության պայմանագիր, որը ներառում է ձեր երկուսի անունները: 
• Դուք կարող եք այն մարդկանցից նամակներ ուղարկել, որոնք լավ են ճանաչում ձեզ կամ ձեր ամուսնուն/կնոջը և ձեր ամուսնությունը: Պարտադիր չէ, որ նրանք ԱՄՆ քաղաքացի լինեն։ 
  • • Նրանք պետք է գրեն իրենց լրիվ անունը, հասցեն, ծննդյան ամսաթիվն ու վայրը:
    • Նրանք պետք է նկարագրեն, թե որտեղից գիտեն ձեր հարաբերությունների մասին, օրինակ՝ մասնակցել են ձեր հարսանիքին կամ ժամանակ են անցկացրել ձեզ հետ որպես զույգի:
    • Հնարավորության դեպքում այդ մարդիկ պետք է նամակը նոտարական կարգով վավերացնեն և կնիքով հաստատեն նախքան այն ձեզ ուղարկելը:

 Եթե ​​ցանկանում եք բերել ձեր դստերը կամ որդուն.

•  Եթե ​​դուք մայրն եք, ուղարկեք ծննդյան վկայականի պատճենը, որտեղ նշվում է ձեր անունը և ձեր երեխայի անունը:
• Եթե ​​դուք հայրն եք, ուղարկեք ծննդյան վկայականը, որտեղ նշվում են ձեր անունը և երեխայի մոր անունը: Նաև ուղարկեք ամուսնության վկայականը, որտեղ նշվում է, որ դուք ամուսնացած եք մոր հետ, երբ երեխան ծնվել է կամ մինչև երեխայի 18 տարին լրանալը: Եթե դուք ամուսնացած չեք եղել, կարդացեք USCIS-ի I-130 հրահանգները՝ ձեր հարաբերություններն ապացուցելու մասին լրացուցիչ տեղեկությունների համար:

Եթե ցանկանում եք բերել ձեր եղբորը կամ քրոջը.

• Ուղարկեք ձեր երկուսի ծննդյան վկայականների պատճենները, որոնք ցույց են տալիս, որ դուք ունեցել եք առնվազն մեկ ընդհանուր ծնող:
•  Եթե դուք տարբեր մայրեր եք ունեցել, բայց նույն հայրը, ուղարկեք նաև ձեր հոր ամուսնության վկայականի պատճենը ձեր մայրերից մեկի կամ երկուսի հետ: Եթե ​​ձեր հայրը ամուսնալլուծվել է մայրերից մեկից, ուղարկեք դա հաստատող ամուսնալուծության վկայականը: Եթե ​​ձեր հայրը ամուսնացած չի եղել ձեր մայրերից ոչ մեկի հետ, կարդացեք USCIS-ի I-130 հրահանգները՝ ձեր հարաբերություններն ապացուցելու մասին լրացուցիչ տեղեկությունների համար:

Եթե ​​ցանկանում եք բերել ձեր մորը.

• Ուղարկեք ձեր ծննդյան վկայականը, որում նշված է ձեր մոր անունը:

Եթե ​​ցանկանում եք բերել ձեր հորը.

•  Ուղարկեք ծննդյան վկայականը, որում նշված են ձեր երկու ծնողների անունները:
• Նաև ուղարկեք ամուսնության վկայականը, որը ցույց է տալիս, որ ձեր հայրն ու մայրը ամուսնացած են եղել: Եթե ձեր ծնողները ամուսնացած չեն եղել, կարդացեք USCIS-ի I-130 հրահանգները` ձեր հարաբերություններն ապացուցելու մասին լրացուցիչ տեղեկությունների համար:

Եթե ​​ցանկանում եք բերել ձեր խորթ ծնողին.

• Ուղարկեք ձեր ծննդյան վկայականը:
•  Նաև ուղարկեք ամուսնության վկայականը ձեր իսկական ծնողի և խորթ ծնողի միջև: Նրանք պետք է ամուսնացած լինեն մինչև ձեր 18 տարեկան դառնալը։
• Նաև ուղարկեք փաստաթղթեր ցույց տալու համար, որ եթե նրանցից որևէ մեկը նախկինում ամուսնացած է եղել, ապա այդ ամուսնությունները լուծարվել են: Սովորաբար դրանք ամուսնալուծության կամ մահվան վկայականներ են:

Եթե ​​ցանկանում եք ձեր որդեգրող ծնողին բերել:

•  Ուղարկեք փաստաթղթեր, որոնք ցույց են տալիս, որ ձեր ծնողն օրինական կերպով որդեգրել է ձեզ:
• Նաև ուղարկեք փաստաթուղթ, որը ցույց է տալիս, որ դուք օրինականորեն ապրել եք ձեր որդեգրող ծնողների հետ առնվազն 2 տարի որդեգրումից առաջ կամ հետո:

Ի՞նչ անել, եթե ես չունեմ այս փաստաթղթերից մի քանիսը:

Ահա մի քանի տարբերակ, եթե դուք չունեք անհրաժեշտ փաստաթղթեր.

• Եթե ​​դուք չունեք այս փաստաթղթերը, ապա պետք է փորձեք դրանք ստանալ: Օրինակ` գնացեք դեսպանատուն և խնդրեք պատճենները:
• Պարզեք` կա արդյոք այլ ընդունելի փաստաթուղթ, որը կարող եք օգտագործել պահանջվող փաստաթղթի փոխարեն: ԱՄՆ Պետդեպարտամենտը այս կայքում թվարկում է փաստաթղթերի այլընտրանքային ձևեր։
• Ձեռք բերեք գրություն պետական ​​գրասենյակից կամ դեսպանատնից, որ դուք չեք կարող ստանալ փաստաթուղթը: Դուք նաև պետք է փորձեք ստանալ այլ փաստաթղթեր, ինչպիսիք են.
  • Կրոնական արձանագրություն. Փաստաթղթի պատճենը կրոնական կազմակերպությունից, ինչպիսին է եկեղեցին, մզկիթը, տաճարը կամ սինագոգը: Այն պետք է ցույց տա, որ կրոնական արարողություն է տեղի ունեցել (ինչպես մկրտությունը) ծնվելուց հետո երկու ամսվա ընթացքում: Այն պետք է ներառի ծննդյան ամսաթիվը և վայրը, կրոնական արարողակարգի ամսաթիվը և ծնողների անունները:
    • Դպրոցական արձանագրություն. Կրթական հաստատության, օրինակ` դպրոցի գրության պատճենը: Նրանում պետք է նշվ ած լինի երեխայի` դպրոց ընդունվելու ամսաթիվը, երեխայի ծննդյան ամսաթիվը կամ տարիքը, ծննդյան վայրը և ծնողների անունները:
    • Մարդահամարի արձանագրություն. Պետական ​​արձանագրություններ, որոնք ցույց են տալիս տվյալ անձի անունները, ծննդյան վայրը, ծննդյան ամսաթիվը կամ տարիքը:
  • Ձեռք բերեք երկու կամ ավելի գրություն մարդկանցից, որոնք ողջ են եղել այն իրադարձության պահին, որը դուք փորձում եք ապացուցել:
    • Նրանք պետք է «անձամբ տեղեկություններ» ունենան այդ իրադարձության մասին: Օրինակ՝ հորեղբայրը, ով գնացել է ձեր ծնողի հարսանիքին, կամ մանկաբարձուհին, ով օգնել է ձեզ լույս աշխարհ բերել, կամ լավ ընկեր, ով գիտի ձեր ամուսնու հետ ձեր հարաբերությունների մասին:
    • Պարտադիր չէ, որ երկու գրություններն էլ լինեն ԱՄՆ քաղաքացիների կողմից:
    • Երկու կամ ավելի մարդիկ պետք է գրեն իրենց լրիվ անունները, հասցեները, ծննդյան ամսաթվերն ու ծննդյան վայրերը, ինչ գիտեն տվյալ իրադարձության մասին և մեկնաբանեն, թե ինչպես են իմացել այդ մասին:
    • Հնարավորության դեպքում նրանք պետք է նամակը նոտարական կարգով վավերացնեն և կնիքով հաստատեն նախքան այն ձեզ ուղարկելը:

Որտե՞ղ ուղարկել I-130 ձևաթուղթը և փաստաթղթերը:

I-130 ձևաթղթի ներկայացման վայրը կախված է ձեր բնակության վայրից: Ստուգեք այս կայքը՝ պարզելու համար, թե որտեղ է պետք ուղարկել ձեր I-130 ձևաթուղթը:. Կարող եք նաև առցանց ներկայացնել: 

Նախքան I-130 ձևաթուղթն ու դրան կից փաստաթղթերն ուղարկելը համոզվեք, որ պատճենեք ամբողջ փաթեթը՝ ձեր սեփական ֆայլերում պահելու համար: Նույնիսկ եթե ունեք բնօրինակ փաստաթղթեր, դուք միշտ պետք է ունենաք ձեր ներկայացրած վերջնական հայտի մեկ օրինակ: Հնարավոր է, որ դա ձեզ անհրաժեշտ լինի ապագայում:

Ի՞նչ է տեղի ունենում I-130-ը ներկայացնելուց հետո հետո:

Այն բանից հետո, երբ լրացնեք I-130 ձևաթուղթը և ուղարկեք այն, կից փաստաթղթերը և վճարը USCIS-ին, USCIS-ը ձեզ՝ խնդրագիր ներկայացնողին, ծանուցումներ և նամակներ կուղարկի փոստով: Երբեմն նրանք դրանք կուղարկեն նաև էլեկտրոնային փոստով: Կարևոր է պահպանել բոլոր նամակները:

USCIS-ը նախ ձեզ կուղարկի «I-797, Գործողությունների ծանուցում»: Այստեղ գրված է, որ նրանք ստացել են I-730 խնդրագիրը: Այս նամակը կարևոր է, քանի որ.

•  Այնտեղ նշված է, թե USCIS-ի որ սպասարկման կենտրոնն է աշխատում I-130 ձևաթղթի վրա: USCIS-ի այս կայքը տրամադրում է USCIS-ի դիմումների ընթացքի ժամանակացույցերը:
•  Այն ձեզ տալիս է ձեր գործի անդորրագրի համարը: Այս համարը բաղկացած է երեք տառից, օրինակ՝ EAC, WAC, LIN, SRC, NBC, MSC կամ IOE: Այս տառերից հետո հետևում է 10 թիվ։ Դուք կարող եք օգտագործել այս համարը՝
  • USCIS-ի այս կայքում ձեր գործին հետևելու համար։
  • Այս USCIS -ի կայքում ձեր հասցեն փոխելու համար։
• Այն ձեզ տալիս է առաջնահերթ ամսաթիվ ձեր գործի համար: Սա կարևոր է, քանի որ տեղեկացնում է ձեզ, թե երբ հասանելի կլինի վիզա ձեր հարազատի համար: Դուք կարող եք դիտել վիզաներին սպասելու ժամկետները Պետդեպարտամենտի այս կայքում։

Երբեմն USCIS-ը նամակ է ուղարկելու՝ խնդրելով ձեզ՝ խնդրագիր ներկայացնողին, ուղարկել նրանց լրացուցիչ ապացույցներ: Սա կոչվում է Ապացույցների հայտ («RFE»): RFE-ն ձեզ կտեղեկացնի, թե ինչ փաստաթուղթ է բացակայում, և կտրամադրի ձեզ ամսաթիվ, մինչև որը դուք պետք է ներկայացնեք փաստաթուղթը: Սովորաբար նրանք ձեզ տալիս են 90-ից 120 օր: USCIS-ը կարող է նաև առաջարկել ձեզ անցնել ԴՆԹ թեստ: Սա արյան անալիզ է, որը վերցնում են ձեզնից և ձեր հարազատից՝ շահառուից։ Անալիզը կարող է ապացուցել, որ դուք և ձեր հարազատը արյունակցական կապ ունեք։ Դա պետք է արվի հատուկ լաբորատորիաների կողմից: Դուք կարող եք գտնել այդ ԴՆԹ լաբորատորիաների ցանկը՝ այցելելով այս կայք։  

Հնարավո՞ր է արագացնել I-130 խնդրագիրն այլ ազգականի համար:

Այո', դուք կարող եք խնդրել USCIS-ին արագացնել I-130 հարցման վճիռը անդորրագրի ծանուցում ստանալուց հետո: 

Ինչպե՞ս կարող եմ իմանալ` ես իրավասու եմ արդյոք արագացված ընթացքի համար: 

Արագացված ընթացքի համար դուք պետք է համապատասխանեք այս չափանիշներից մեկին կամ մի քանիսին. 

• Արտակարգ իրավիճակներ և հրատապ հումանիտար պատճառներ, 
• Ընկերության կամ անձի համար ծանր ֆինանսական կորուստ, պայմանով, որ հրատապ գործողությունների անհրաժեշտությունը պայմանավորված չէ նրանով, որ հայցվորը կամ դիմորդները․ 
  • չեն ներկայացրել նպաստի խնդրանքը կամ արագացված խնդրանքը ողջամիտ ժամկետում կամ
  • ողջամիտ ժամկետում չեն պատասխանել լրացուցիչ ապացույցների հարցումներին:
• USCIS-ի ակնհայտ սխալ կամ
• պաշտպանության նախարարության DHS-ի կամ հանրային անվտանգության կամ ազգային անվտանգության այլ շահերի համար):

Ինչպե՞ս կարող եմ արագացված ընթացք պահանջել: 

Արագացված ընթացք պահանջելու համար կարող եք.

•  Զանգահարել USCIS-ի կոնտակտային կենտրոն 1-800-375-5283 հեռախոսահամարով կամ
• Օգտագործել «Հարցրեք Էմմային» զրույցի հնարավորությունը USCIS-ի կայքում՝ uscis.gov։ Դուք կարող եք մուտք գործել այս գործիք` սեղմելով էջի վերևի աջ մասում գտնվող «Հարցրեք Էմմային» պատկերակը: 

Ձեր հարցումը կատարելու համար դուք պետք է ունենաք անդորրագրի համար: USCIS-ը չի կարողանա ծառայության հարցում ուղարկել առանց անդորրագրի համարի: Անդորրագրի համարը կարելի է գտնել I-797C փաստաթղթում, որը USCIS-ն ուղարկել է ձեզ տեղեկացնելու, որ նրանք ստացել են ձեր դիմումը:

Այն բանից հետո, երբ դուք զանգահարեք կամ զրուցեք գործակալի հետ արագացված գործընթաց պահանջելու համար, USCIS-ի կոնտակտային կենտրոնը ծառայության հարցումը կուղարկի ձեր խնդրագրի համար պատասխանատու գրասենյակ: Ձեր հեռախոսազանգից հետո այդ գրասենյակը կարող է լրացուցիչ տեղեկություններ կամ փաստաթղթեր պահանջել: Նրանք կարող են դա անել էլեկտրոնային փոստով կամ հեռախոսով:  

Արդյո՞ք գործընթացն արագացնելու որոշումը կազդի հիմնական դիմումի կամ խնդրագրի վրա 

Արագացված գործընթացի մասին որոշումը չի որոշում, թե ձեր հիմնական դիմումը կամ միջնորդությունը կհաստատվի կամ կմերժվի, թե ոչ: 

Երբ ձեր խնդրագիրը արագացնելու ձեր խնդրանքը բավարարվի, այնուհետև USCIS-ը որոշում կկայացնի ավելի արագ, քան սովորական գործընթացի ժամանակը: Բոլոր հարցումները վերանայվում են յուրաքանչյուր դեպքի հիման վրա, և USCIS-ն ունի հայեցողություն՝ մերժելու կամ արագացնելու հարցումը: 

Լրացուցիչ տեղեկությունների համար տե՛ս USCIS-ի քաղաքականության ձեռնարկ, հատոր 1, Մաս Ա, Հանրային ծառայություններ, Գլուխ 5, Դիմումների կամ խնդրագրերի արագացման հայտեր։

Ի՞նչ անել, եթե կարծում եմ, որ ինչ-որ բան այն չէձւ

ԿԱՐԵՎՈՐ. Խնդրում ենք նկատի ունենալ, որ 2025 թվականի ապրիլից սկսած եղել են հաղորդագրություններ այն մասին, որ Օմբուդսմենի գրասենյակի գործունեությունը դադարեցված է: Սա նշանակում է, որ Օմբուդսմենի գրասենյակը, հավանաբար, այս պահին չի վերանայում հարցումները: Կառավարությունը որևէ պաշտոնական հայտարարություն չի արել այս փոփոխության մասին, և Օմբուդսմենի գրասենյակին առցանց դիմելու կայքէջը դեռևս հասանելի է: Դուք դեռևս կարող եք փորձել ներկայացնել ձեր հարցումները Օմբուդսմենի գրասենյակ և տեսնել, թե պատասխան ստանում եք արդյոք, բայց խորհուրդ ենք տալիս, որ  դուք փորձեք կապվել նաև ձեր Կոնգրեսի ներկայացուցչի հետ՝ օգնություն ստանալու համար: Եթե, այնուամենայնիվ, որոշեք կապվել Օմբուդսմենի գրասենյակի հետ, ստորև ներկայացված են որոշ համապատասխան տեղեկություններ:

Քաղաքացիության և ներգաղթի ծառայությունների օմբուդսմենի գրասենյակն օգնում է լուծել USCIS-ի հետ մարդկանց խնդիրները: Նրանք USCIS-ի մաս չեն կազմում, ուստի չեն կարող հաստատել կամ հերքել գործերը: Այնուամենայնիվ, նրանք կարող են շփվել USCIS-ի հետ ձեզ օգնելու համար, եթե.

• Դուք չեք ստացել USCIS-ի ծանուցում կամ որոշում, սակայն USCIS-ի համակարգում նշվում է, որ նրանք ուղարկել են ձեզ:
• Շահառուն շուտով կարող է «կորցնել» իրավասությունը (ինչը սովորաբար նշանակում է, որ երեխան շուտով կդառնա 21 տարեկան և չի կարողանա հիմնվել իր ծնողների խնդրագրի վրա)։
• Ձեր փաստաթղթերում կան սխալներ։
•  Ձեր գործը հետաձգվել է 60 օրով նորմալ գգործընթացի ժամանակից հետո։
• Առկա են կորցրած ֆայլեր և/կամ ֆայլերի փոխանցման հետ կապված խնդիրներ, կամ
• Դուք կարծում եք, որ USCIS-ը լուրջ սխալ է թույլ տվել։

Օգնություն ստանալու համար դուք կարող եք առցանց դիմել գործի օգնության հարցում: Կարող եք նաև ներբեռնել ձևաթուղթը, որը հասանելի է այստեղ, և այն ուղարկել էլ.փոստի հետևյալ հասցեին` cisombudsman@hq.dhs.gov: Երբեմն ավելի հեշտ է բացել ձևաթուղթը Microsoft-ի Internet Explorer բրաուզերի միջոցով: Մի' կցեք 5 մեգաբայթից ավելի փաստաթղթեր: Ավելի մանրամասն հրահանգների համար տե՛ս Օմբուդսմենի գրասենյակի կայքէջն այստեղ։

Կարող եք նաև խնդրել Կոնգրեսի ձեր անդամին օգնել ձեզ: Կոնգրեսի անդամից օգնություն խնդրելու IRAP-ի ուղեցույցը կարող եք գտնել այստեղ։

Ի՞նչ է տեղի ունենում խնդրագրի հաստատումից հետո

Հաստատված I-130 խնդրագիրն ընտանիքի ներգաղթի գործընթացի առաջին քայլն է: Այս ուղեցույցը սահմանափակվում է այս նախնական քայլով: Թե որքան կտևի մնացած գործընթացը, կախված կլինի ընտանեկան հարաբերությունների տեսակից: Որոշ հարաբերությունների համար վիզան հասանելի է անմիջապես, և ձեր ազգականը կարող է սկսել վիզայի դիմումի գործընթացը, հենց I-130 խնդրագիրը հաստատվի: Այլ հարաբերությունների համար ամեն տարի հասանելի են սահմանափակ թվով վիզաներ, և ձեր ազգականը պետք է սպասի երբեմն տարիներ, մինչև նրանք կարողանան սկսել վիզայի դիմումի փաստացի գործընթացը: Վիզայի սպասման ժամկետների մասին տեղեկատվությունը հասանելի է Պետդեպարտամենտի վիզաների տեղեկագրում։

Երբ մուտքի արտոնագիրը հասանելի է, ձեր հաջորդ քայլերը կախված են նրանից, թե որտեղ է ապրում ձեր հարազատը: Եթե ​​ձեր հարազատն արդեն Միացյալ Նահանգներում է, նրանք կարող են անմիջապես հարմարեցնել իրենց կարգավիճակը օրինական մշտական ​​բնակության: Տեղեկություններ կարգավիճակը  օրինական մշտական ​​բնակության համար փոխելու մասին հասանելի է USCIS-ի կայքէջում։ Եթե ​​ձեր ազգականը գտնվում է Միացյալ Նահանգներից դուրս, նրանք կարող են դիմել ներգաղթային վիզա ստանալու համար՝ Միացյալ Նահանգներ որպես մշտական ​​ռեզիդենտ գալու համար: Ներգաղթային վիզայի դիմումի գործընթացի մասին լրացուցիչ տեղեկություններ կարելի է գտնել Պետդեպարտամենտի կայքէջում։

Եթե ​​ձեր ազգականը Աֆղանստանի քաղաքացի է Աֆղանստանում, այցելեք Պետքարտուղարության Աֆղանստանի ընտանիքների վերամիավորման էջը լրացուցիչ տեղեկությունների համար: