Ինչպե՞ս կարող են Ֆրանսիայում փախստականները կամ լրացուցիչ պաշտպանություն ունեցողները վերամիավորվել իրենց հարազատների հետ:

Ընդհանուր ակնարկ

Ֆրանսիայում փախստականները և հատուկ պաշտպանության կարգավիճակ ունեցող անձինք ունեն ընտանիքի վերամիավորման իրավունքը: Սա նշանակում է, որ նրանք կարող են դիմել նրանց ընտանիքի որոշ անդամների վիզայի համար: Այս վիզան հնարավորություն կտա նրանց ընտանիքի անդամներին Ֆրանսիա մեկնելու և այնտեղ մնալու համար:

Եթե փախստական եք, կամ լրացուցիչ պաշտպանության կարգավիճակ ունեք, կամ քաղաքացիություն չունեցող անձ եք, ապա դուք կարող եք դիմել, որպեսզի ձեր ամուսինն, ծնողները, և անչափահաս երեխաները միանան ձեզ Ֆրանսիայում: Եթե այդ դրության մեջ գտնվուղ առանց ուղեկցության երեխա եք, կարող եք դիմել որպեսզի ձեր ծնողները և նրանց անչափահասները ձեզ միանան Ֆրանսիայում: Դուք հովանվորն եք: Արտասահմանում գտնվող ձեր հարազատը դիմումատուն է:

Նշում. Ֆրանսիայում ընտանիքի վերամիավորման համար նաև մեկ այլ գործընթաց կա: Այս տարբերակը բաց է գործող կացության թույլտվություն ունեցող Ֆրանսիայում ԲՈԼՈՐ արտասահմանցիների համար: Փախստաններ կամ լրացուցիչ պաշտպանոություն ունեցող անձնինք ովքեր ամուսնացել են, կամ նրանք, ովքեր երեխաներ են ունցել Ֆրանսիայում ապաստան հայցելուց հետո, կարող են փոխարեն այս գործընթացից օգտվել: Եթե ցանկություն ունեք ավելին իմանալ այս դիմումի տարբերակի մասին, կարող եք կարդալ նրա մասին ֆրանսիական կառավարության կայքում:

Ո՞վ է իրավասու:

Զուգընկերոջ կամ ամուսնու համար իրավասության պահանջներ

• Դուք և ձեր զուգընկերը կամ ամուսինը գոնե 18 տարեկան եք:
• Ձեր հարաբերությունը Ֆրանսիայում ձեր դիմումից առաջ առկա է եղել: Այսինքն, Ֆրանսիա մեկնել ու ապաստան հայցելուց առաջ դուք կամ արդեն ամուսնացած էիք, կամ արդեն լուրջ և կայուն հարաբերություն էիք սկսել:

Երեախայի (այդ թվում՝ որդեգրված երեխայի) իրավասության պահանջներ

• Ձեր հարաբերությունից երեխան պետք է լինի 19 տարեկանից փոքր դիմումի ժամանակ: Դիմումի ժամանակն այն է, երբ ձեր հարազատը դիմումը ներկայացնում է դեսպանատանը:
• Նախկին հարաբերությունից երեխան պետք է լինի 18 տարեքանից փոքր դիմումի ժամանակ: Երեխան պետք է ձեր կամ ձեր ներկայիս զուգընկերոջ խնամակալության տակ լինել, և օտարերկրյա դատարանից խնամակալության որոշում պետք է ներկայացվի: Եթե նման փաստաթուղթ չունեք, դուք պարտավոր եք ապացուցել, որ ընտանեկան կապը հիմնավորված է միայն ձեր կամ ձեր ներկայիս զուգընկերոջ նկատմամբ, կամ որ մյուս ծնողը մահացել է, կամ որ մյուս ծնողը ծնողական իրավունքից հրաժարվել է: Եթե մյուս ծնողը դեռևս կենդանի է, դուք պարտավոր եք նաև ապացուցել, որ դուք ունեք նրա թույլտվությունը երեխային բերել Ֆրանսիա:

Ծնողների, քույրերի, և եղբայրների իրավասության պահանջներնը

• Ձեր ծնողները կարող են ձեզ միանալ Ֆրանսիայում եթե դուք առանց ուղեկցության երեխա եք, այսինքն, 18 տարեկանից փոքր եք և Ֆրանսիայում մենակ եք ապրում:
• Ձեր քույրերը և եղբայրները կարող են ձեզ միանալ Ֆրանսիայում եթե 18 տարեկանից փոքր են: Ֆրանսիա տեղափոխելիս նրանք ձեր ծնողներին պետք է ուղեկցեն:

Ինչպես դիմել

Ընտանիքի վերամիավորման դիմելու համար, դուք պարտավոր եք «երժարաժամկետ» վիզայի ձևաթուղթ լրացնել յուրաքանչյուր ընտանիքի անդամի համար: Երկարաժամկետ վիզայի փաստաթուղթը լրացնելու համար պետք է հաշիվ գրանցել առցանց: Մանրամասները լրացրեք առցանց՝ France Visa կայքում այստեղ:

Ձևաթուղթը լրացնելուց ու ներկայացնելուց հետո, անհրաժեշտ է ժամադրություն ամրագրել ձեր ընտանիքի համար Ֆրանսիայի հյուպատոսությունում: Հանդիպումը դուք պետք է ամրագրել այն երկրում, որտեղ ձեր ընտանիքը բնակվում է: Դուք կարող եք համապատասխան հյուպատոսությունը գտնել այստեղ: Այս կայքը ցույց է տալիս թե արդյոք կարող եք հանդիպումը առցանց ամրագրել: Եթե չեք կարող, ուրեմն հանդիպումը ամրագրելու համար դուք պետք է կամ էլեկտրոնային նամակ ուղարկել հյուպատոսության հասցեին, կամ զանգահարել հյուպատոսությունը: Յուրաքանչյուր հյուպատոսությունը տարբերվում է, և միշտ չէ, որ հնարավոր է առցանց հանդիպում ամրագրել ձեր ընտանիքի համար:

Կարող է Ֆրանսիայի հյուպատոսություն չլինի այն երկրում, որտեղ ձեր ընտանիքն է բնակվում: Այս դեպքում, ձեր ընտանիքը պետք է մեկնել մի այլ հյուպատոսություն հարևան երկրում:

Երբ դիմել

Հենց որ ստանում եք փախստականի կարգավիճակը կամ լրացուցիչ պաշտպանության կարգավիճակը Ֆրանսիայում, կարող եք ընտանիքի վերամիավորման համար դիմել: Դա այն պահն է, երբ դուք որոշում եք ստանում Փախստականների և քաղաքացիություն չունեցող անձանց պաշտպանության գրասենյակից (ՓՔՉԱՊԳ) [ֆրանս. Ofpra] ձեր ապաստան գործի վերաբերյալ:

Դիմումի համար հարկավոր փաստաթղթեր

Հանդիպմանը ձեր ընտանիքը իր հետ հարկավոր է բերել հետևալ փաստաթղթերը:

• 2 լրացրած երկարաժամկետ բնակության վիզայի ձևաթղթեր: Ձևաթուղթը հասանելի է այս հղումով (ֆրանսերենով, արաբերենով, կամ անգլերենով):
• Նրանց անձնանգիրը, կամ, եթե անձնագիր չունեն ու չեն կարող ձեռք բերել, նույնականացման այլ փաստաթուղթ
• 2 անձնագրային լուսանկարներ վիզայի դիմումի մաս կազմող յուրաքանչյուր հարազատից
  • Եթե դիմումատուներից որևէ մեկը շղարշ է կրում, շղարշը պետք է հանված լինի անձնագրային լուսանկարում: Սա ֆրանսիական կառավարության կանոնակարգերի պատճառն է:
• ՓՔՉԱՊԳ (OFPRA) որոշումը, որը ձեզ պաշտպանություն է տալիս Ֆրանսիայում:
• Տեղական տարադրամով €99 ամեն անձից
• Հարազատի հետ հարաբերության ապացույց (տես՝ ստորև)

Հարազատի հետ հարաբերության ապացույց

​​Ձեր ամուսնու կամ զուգընկերոջ համար դիմելիս անհրաժեշտ է ներկայացնել ձեր հարաբերությունը հաստատող փաստաթղթեր ու ապացույցներ: Դրանք ներառում են.

• Ամուսնության վկայականը, կամ
• ՓՔՉԱՊԳ (Ofpra)-ից Քաղացիական կարգավիճակի փաստաթղթեր

Ձեր երեխայի համար դիմելիս, անհրաժեշտ է ներկայացնել ձեր հարաբերությունը հաստատող փաստաթղթեր ու ապացույցներ: Դրանք ներառում են.

• Ծննդյան վկայականը, որտեղ նշված եք որպես ծնող 
• Եթե ծննդյան վկայական չունեք, կարող եք կրոնական փաստաթուղթ կամ այլ իրավական փաստաթուղթ ներկայացնել, որտեղ նշված եք որպես նրա օրինական խնամակալը, օրինակ՝ մկրտության վկայականը:

Ձեր ծնողների համար դիմելիս (եթե անչափահաս եք), անհրաժեշտ է ներկայացնել ձեր հարաբերությունը հաստատող փաստաթղթեր ու ապացույցներ: Դրանք ներառում են.

• Ծննդյան վկայականը, որտեղ նշված է որպես ծնող 
• Եթե ծննդյան վկայական չունեք, կարող եք կրոնական փաստաթուղթ կամ այլ իրավական փաստաթուղթ ներկայացնել , օրինակ՝ մկրտության վկայականը:

Դուք պետք է նաև այլ փաստաթղթեր ներկայացնել, որոնք ապացուցում են ձեր ընտանեկան հարաբերությունը, օրինակ՝

• Ձեր ապաստանի դիմումը
• Ապաստանի հարցազրույցի արձանագրությունը
• Ընտանիքի անդմաների ցուցակի ձևաթուղթը, որը լրացվել է ձեզ պաշտպանություն տրամադրելուց հետո
• Լուսանկարներ, որոնք պատկերում են ձեր հարսանիքը / զուգընկերը / երեախան / ծնողները / քույրերը / եղբայրները
• Հաղորդակցություն ձեր զուգընկերոջ / երեխաների / ծնողների / քույրերի / եղբայրների հետ
• Դրամական փոխանցումներ, որոնք ցույց են տալիս, որ դուք ֆինանսապես աջակցում եք նրանց
• Նամակ, որը բացատրում է թե ինչպես եք իրար հանդիպել և ինչպես եք առանձնացվել
• Նամակ այն մարդկանցից, որոնք ձեզ ու ձեր հարազատներին ճանաչում են: Նամակը պետք է ձեր հարաբերությունը բացատրի 
• Այցերի պացույցներ, եթե նրանք ձեր ծագման երկրում չեն այլևս 

Ի՞նչ է տեղի ունենում դիմելուց հետո:

Ձեր ընտանիքի վիզայի համար դիմելուց հետո, հյուպատոսությունը կտեղակացնի փախստական ընտանիքների գրասենյակը Ֆրանսիայի Նանտ (Nantes) քաղաքում: Փախստական ընտանիքների գրասենյակը Ֆրանսիայի ներքին գործերի նախարարության կազմի մեջ է մտնում: Գրասենյակը կհաստատի, որ ձեր հարազատները (դիմումատուները) Ֆրանսիայում գրանցված են որպես ձեր ընտանիքի անդամները: Հյուպատոսությունը նաև վավերացնելու է ձեր ներկայացված փաստաթղթերի իսկությունը:

Դուք (հովանավորը) կստանաք ձևաթուղթը, որը պահանջում է տեղեկություններ ձեր ընտանիքի անդամների մասին: Անհրաժեշտ է, որ ձեր տրամադրված տեղեկությունը լինի նույնը, ինչ ձեր հարազատներն են գրել նրանց դիմումում:

Ֆրանսիական կառավարությունը պահանջելու է նաև.

• Ձեր կացության քարտի երկու կողմերի պատճեն
• Ձեր ճամփորդական փաստաթղթի բոլոր էջերի պատճեն
• Ձեր հիմնական բնակության վայրի ապացույց (օրինակ՝ կոմունալի վճարում, վարձակալության պայմանագիրը, ևայլն)
• Հարազատների հետ հարաբերության ապացույց, օրինակ՝
  • Ընտանեկան լուսանկարներ
  • Ձեր հարազատներին ուղղված դրամական փոխանցումներ, որոնք ցույց են տալիս, որ դուք ֆինանսապես աջակցում եք նրանց
  • Հեռախոսազանգերի տեղեկամատյաններ (телефонные записи) և այլ հաղորդակցության տեղեկամատյաններ 
• Ձեր ընտանիքի անդամների քաղաքացիական կարգավիճակի փաստաթղթերի պատճենները՝ անհրաժեշտության դեպքում թարգմանված ֆրանսերեն
• Ընտանեկան նպաստի միջոցներ (caisses d'allocations familiales) ստանալու ապացույց
• Ֆրանսիայում սոցիալական ապահովության ձեր իրավունքի հաստատման պատճենը

Հենց որ ստանում եք հարցաթերթիկը, պետք է լրացնել դա: Այնուհետև պետք է ուղարկեք հարցաթերթիկը և մնացած բոլոր փաստաթղթերը այս հասցեին.

Ministry of the Interior

Directorate of Immigration

Office of Refugee Families

BP 43605 - 44036 NANTES cedex 1

Ֆրանսիական կառավարությունը պետք է 2-ից մինչև 4 ամսվա ընթացքում որոշում կայացնել ձեր դիմումի վերաբերյալ: Անհրաժեշտության դեպքում կառավարությունը կարող է երկարաձգում պահանջել: Որոշ հյուպատոսություններում այս երկարաձգումը ինքնաբերաբար (ավտոմատ) է: Ձեր ընտանիքի անդամները որոշման մասին տեղեկացվելու են: Եթե փախստական ընտանիքների գրասենյակին դիմումը ուղարկելուց 2 ամսվա ընթացքում որոշում չի կայացվել, կարող եք հյուպատոսության հետ կապվել որոշման մասին հարցնելու համար:

Եթե կառավարությունը ընդունում է վիզայի դիմումը , ապա ձեր հարազատները վիզա կստանան: Եթե անձնագիր չունեն, ապա ֆրանսիական կառավարությունը նրանց ժամանակավոր ճամփորդական փաստաթուղթ կտրամադրի: Վիզա տրամադրելու համար պահանջները կախված են հյուպատոսությունից: Որոշ դեպքերում, հյուպատոսությունը ձեր ընտանիքի անդամներին վիզա ու ճամփորդական փաստաթղթեր տրամադրելուց առաջ թռիչքի ամրագրում կպահանջի:

Օգնություն խնդրելով

Դուք կամ ձեր հարազատը կարող է ցանկանալ միգրացիոն փաստաբանի դիմել օգնության համար այս գործընթացում: IRAP-ն (Փախստականների աջակցության միջազգային ծրագիր) ունի սահմանափակ կարողություններ աջակցել Ֆրանսիայում ընտանիքի միավորման գործեր: Տեղեկություն IRAP-ից օգնություն խնդրելու մասին կա այստեղ:

Օգտակար հղումներ

• Ֆրանսիական ինֆոգրաֆիկա (տեղեկապատկեր) որն ամփոփում է ընտանիքի վերամիորման գործընթացը
• Ֆրանսիական կառավարության տեղեկությունները ընտանիքի վերամիավորման իրավունքի մասին
  • Ոլորեք ներքև՝ անգլերեն, արաբերեն, փուշթու, տիգրինյա և դարի լեզուներով տեղեկություններ ստանալու համար