Ինչպե՞ս կարող են Շվեդիայում փախստականները կամ լրացուցիչ պաշտպանություն ունեցողները վերամիավորվել իրենց հարազատների հետ: – Փախստականների օգնության միջազգային ծրագիր

Միջազգային Փախստականների Օգնության Ծրագիրը (IRAP) անվճար իրավաբանական օգնություն է տրամադրում որոշ փախստականներին և տեղահանված անձանց։

IRAP-ը օգնում է որոշ մարդկանց գտնել ծառայություններ և պատրաստել փախստականի կամ վիզայի դիմումներ։
IRAP-ը չի պատկանում որևէ կառավարությանը, Միջազգային Միգրացիոն Կազմակերպությանը (IOM) կամ ՄԱԿ-ի Փախստականների Գերագույն Հանձնակատարի Գրասենյակին (UNHCR)։
IRAP-ը չի կարող տրամադրել փախստականի կարգավիճակ կամ վիզա և չի կարող արագացնել գործերի ընթացքը։
IRAP-ը չի կարող ֆինանսական օգնություն տրամադրել, գտնել կամ վճարել բնակարանի համար, կամ գտնել աշխատանք։
IRAP-ի բոլոր օգնությունները անվճար են։ IRAP-ի հետ կապված որևէ անձ իրավունք չունի ձեզնից գումար կամ այլ ծառայություն պահանջելու։

IRAP-ը որոշում է օգնել մարդկանց՝ ելնելով նրանց կարիքներից և ներգաղթի կարգավիճակի համապատասխանությունից։ IRAP-ը չի որոշում օգնել մարդկանց՝ հիմնվելով սոցիալական, քաղաքական կամ կրոնական այլ չափանիշների վրա։

Այս կայքը տրամադրում է ընդհանուր տեղեկատվություն որոշ փախստականների համար հասանելի իրավական գործընթացների մասին։ Այն նախատեսված չէ որպես իրավաբանական խորհրդատվություն անհատական դիմումների համար։

Պահանջները կարող են փոփոխվել։ Միշտ ստուգեք ներկայիս պահանջները կառավարությունից կամ ձեր դիմումը որոշող կազմակերպությունից։

Եթե դուք փախստականների հետ կապված արտակարգ իրավիճակում եք, խորհուրդ ենք տալիս կապ հաստատել ձեր բնակության երկրի ՄԱԿ-ի Փախստականների Գերագույն Հանձնակատարի գրասենյակի հետ։

Ընդհանուր ակնարկ

Եթե դուք փախստական եք (flykting) կամ լրացուցիչ պաշտպանություն ունեցող (alternativt skyddsbehövande) Շվեդիայում, ապա դուք կարող եք դիմել ձեր ընտանիքի որոշ անդամների կացության թույլտվության համար: Ձեր ընտանիքի անդամները կարող են օգտագործել այս կացության թույլտվությունը Շվեդիա մեկնելու և այնտեղ մնալու համար:

Եթե դուք ունեք մշտական կացության թույլտվություն կամ ժամանակավոր կացության թույլտվություն՝ ավելի երկար ժամանակով կացության թույլտվություն ստանալու ողջամիտ հեռանկարով, ապա դուք կարող եք դիմել, որպեսզի ձեր ամուսինն ու երեխաները միանան ձեզ: Եթե դուք 18 տարեկանից փոքր եք, կարող եք դիմել, որպեսզի ձեր ծնողները միանան ձեզ: Սա կոչվում է հովանավորություն հարազատի համար: Դուք հովանավորն եք (նաև կոչվում է «երաշխավոր»):

Ձևաթուղթը լրացնելիս պատասխանեք հովանավորի վերաբերյալ հարցերին ձեր անձնական տվյալներով: Ձեր հարազատն է «դիմումատուն»: Դիմումատուն պարտավոր չէ ապացուցել, որ իրեն հետապնդել են իր երկրում:

«Բացառիկ հանգամանքների» առկայության դեպքում դուք կարող եք հովանավորել այլ հարազատների, որոնք կախված են ձեզնից ֆինանսական, հոգեբանական կամ էմոցիոնալ աջակցության հարցում: Իրավասությունը հաստատելու համար դուք պետք է ձեր դիմումում ներկայացնեք այդպիսի կախվածության ապացույցներ: Այսպիսի դեպքերում հնարավոր է՝ կարողանաք հովանավորել այլ հարազատների, ինչպիսիք են 18 տարին չլրացած ձեր քույրերը ու եղբայրները, իսկ եթե չափահաս եք, կարող եք հովանավորել ձեր ծնողին:

Ո՞վ է իրավասու:

Դիմումատուի իրավասության ընդհանուր պահանջներ

Դիմումատուն պետք է հաստատի իր անձը: Սովորաբար դիմումատուն պետք է ներկայացնի վավեր պետական անձնագիր: Սակայն, եթե դիմումատուն համապատասխանում է ստորև բերված պահանջներին, նա կարող է անձնագրի փոխարեն ներկայացնել ԴՆԹ թեստ․
- Դիմումատուն և հովանավորը ընդհանուր երեխաներ ունեցող ընտանիքի անդամներ են։ Եթե դիմումատուն Շվեդիայում բնակվող հովանավորի ծնողը կամ երեխան է, ապա նրանք պետք է կենսաբանորեն կապված լինեն միմյանց հետ: Եթե դիմումատուն Շվեդիայում բնակվող հովանավորի ամուսինն է, ապա նրանք պետք է ունենան ընդհանուր երեխաներ:
- Դիմումատուն «հավանական է դարձրել իր ինքնության հաստատումը»: Դիմումատուն հարցազրույց կունենա Շվեդիայի դեսպանատանը: Հարցազրույցի ժամանակ դիմումատուն պետք է բացատրի, թե ով է և որտեղից է: Շվեդական միգրացիոն գործակալությունը (SMA) կորոշի, թե արդյոք դիմումատուն համապատասխանում է այս պահանջին:
- Դիմումատուն և հովանավորը տալիս են «համահունչ տեղեկություններ» դիմումատուի անձի մասին։
- Դիմումատուն չի կարող անձնագիր կամ անձը հաստատող այլ փաստաթուղթ ստանալ, քանի որ կանգնած է իր հայրենի երկրի իշխանությունների կողմից հետապնդման վտանգի առաջ։ Դիմումատուն կարող է նաև համապատասխանել այս պահանջին, եթե Շվեդիան չի ճանաչում դիմումատուի հայրենի երկրի փաստաթղթերը: Շվեդիան չի ճանաչում Սոմալիի փաստաթղթերը։ Ներկայումս Շվեդիան ճանաչում է բոլոր մյուս երկրների փաստաթղթերը:
- Եթե դիմումատուն հովանավորի ամուսինն է, ապա նրանք պետք է Շվեդիայից դուրս որպես զույգ միասին ապրած լինեն նախքան հովանավորի Շվեդիա գալը։

Դիմում ամուսնու կամ զուգընկերոջ համար

Դուք կարող եք դիմել ձեր ամուսնու կամ զուգընկերոջ համար հետևյալ երեք դեպքերից որևէ մեկում:
- ա) եթե օրինականորեն ամուսնացած եք:
- բ) եթե դուք գրանցված քաղաքացիական զուգընկերության մեջ եք:
- գ) եթե դուք «համակեցության» մեջ եք և ցանկանում եք միասին ապրել Շվեդիայում:
  - Հնարավոր է լինեք համակեցության մեջ, եթե ամուսնացած չեք եղել, բայց միասին ապրել եք այնպես, ինչպես ամուսիններ: Եթե դուք միասին եք ապրել միայն կարճ ժամանակով, հնարավոր է, որ չկարողանաք ապացուցել, որ համակեցության մեջ եք:
  - Նաև հնարավոր է, որ ստանաք կացության թույլտվություն, եթե նախատեսում եք ամուսնանալ կամ համատեղ բնակվել, սակայն չեք կարողացել դա անել ձեր հայրենի երկրում։ Այս դեպքում պետք է ապացուցեք, որ ձեր երկրում արդեն հաստատված, լուրջ հարաբերություններ եք ունեցել, բայց ձեզ այնտեղ թույլ չեն տվել միասին ապրել։
- Երեխաների ամուսնությունները սովորաբար չեն ճանաչվում Շվեդիայում։ Դա այն ամուսնությունն է, որը կնքվել է կնքվել է 18 տարին չլրացած հասակում։
- Հիմնականում դուք և ձեր ամուսինը կամ զուգընկերը պետք է ամուսնացած լինեք առնվազն 21 տարեկանում: Որոշ դեպքերում կարող են լինել հանգամանքներ, որոնց պարագայում կացության թույլտվություն կարող է շնորհվել 21 տարին չլրացած զույգի։ Այդպիսի հանգամանքներից մեկը կարող է լինել համատեղ երեխան։
- Շվեդիան չի ճանաչում վստահված անձի միջոցով կնքված որոշ ամուսնություններ: Եթե դուք կամ ձեր ամուսինը ամուսնության արարողության ժամանակ նույն տեղում չեք եղել, ապա հնանարավոր է, որ դուք վստահված անձի կամ պայմանագրի միջոցով կնքված ամուսնություն եք ունեցել:
- Դուք պետք է գրանցեք ձեր ամուսնությունը Շվեդիայի հարկային գործակալության մոտ նախքան ընտանիքի վերամիավորման դիմում ներկայացնելը: Սա պարտադիր չէ, բայց կարող է օգտակար լինել:

Դիմում երեխայի համար

Դիմումի ներկայացման ժամանակ ձեր երեխան պետք է լինի չամուսնացած և 18 տարին չլրացած: Սակայն եթե ձեր երեխայի 18 տարին լրանում է նրա դիմումի վերաբերյալ Շվեդիայի միգրացիոն գործակալության պատասխանին սպասելու ընթացքում, նա դեռ իրավասու է համարվում՝ որպես կախյալ երեխա:

Դիմում ծնողի համար

Եթե դուք Շվեդիայում մենակ ապրող երեխա եք և ցանկանում եք, որ ձեր ծնողները ձեզ հետ ապրեն, ապա կարող եք հովանավորել ձեր ծնողներին:
Ապաստան հայցելու ժամանակ դուք պետք է չամուսնացած և 18 տարեկանից փոքր լինեիք։
- Եթե ձեր 18 տարին լրացել է ապաստան հայցելուց հետո, ապա դուք պետք է դիմեք ձեր ծնողների համար՝ ոչ ավելի, քան երեք ամիս ձեր ապաստանի դիմումի որոշումը ստանալուց հետո:
Դուք պետք է Շվեդիա ժամանած լինեիք առանց ձեր ծնողների կամ այլ խնամակալների կամ լքված լինեիք Շվեդիա ժամանելուց հետո:
Դուք չեք կարող հովանավորել ձեր ծնողներին, եթե ստացել եք Շվեդիայի քաղաքացիություն:

Այլ պահանջներ

Հնարավոր է՝ ձեզ հարկավոր լինի համապատասխանել որոշակի բնակարանային և ֆինանսական պահանջների: Այս պահանջները փոխվում են կախված դրանից, թե քանի տարեկան եք և երբ եք ներկայացնում ձեր դիմումը։

Եթե դուք՝ Շվեդիայում գտնվող հովանավորը, 18 տարեկանից փոքր եք, ապա ձեզ հարկավոր չէ համապատասխանել որևիցե բնակարանային և ֆինանսական պահանջների:

Եթե դուք՝ Շվեդիայում գտնվող հովանավորը, 18 տարեկան եք կամ դրանից մեծ, և դիմում եք ընտանիքի վերամիավորման համար Շվեդիայում փախստականի կարգավիճակ ստանալուց սկսած 3 ամսվա ընթացքում, ապա բնակարանային և ֆինանսական պահանջները հիմնականում չեն կիրառվում։ Լրացուցիչ պաշտպանության շահառուի կարգավիճակով կացության թույլտվություն ստացած անձանց համար գործող բացառությունը դադարել է գործել 2023 թվականի դեկտեմբերից։ Արդյունքում Շվեդիայում լրացուցիչ պաշտպանության ներքո գտնվող անձանց համար ապահովման միջոցների պահանջը գործում է թույլտվության առաջին իսկ օրվանից։ 3-ամսյա ժամկետը սկսվում է, երբ Շվեդիայի միգրացիոն ծառայությունը ծանուցում է ձեզ, որ դուք ստացել եք միջազգային պաշտպանություն և Շվեդիայում կացության թույլտվություն: Եթե դուք վերաբնակեցվել եք Շվեդիա, ապա 3-ամսյա ժամանակահատվածը նույնպես սկսվում է ձեր կացության թույլտվությունը ստանալու օրվանից։

When you apply, the Swedish government will assess if you and your family can safely resettle in another country where you and your family have ties. If they determine that resettlement is possible, you must meet the housing and financial requirements. These financial requirements also apply if you and your family have not lived together abroad for an extended period, or if it is unclear that your relationship is well-established.

Երբ դուք դիմեք, Շվեդիայի կառավարությունը կգնահատի՝ արդյոք դուք և ձեր ընտանիքը կարող եք ապահով կերպով վերաբնակեցվել մեկ այլ երկրում, որի հետ դուք կամ ձեր ընտանիքը կապեր ունեք: Եթե կառավարությունը որոշի, որ վերաբնակեցումը հնարավոր է, ապա դուք պարտավոր կլինեք համապատասխանել բնակարանային և ֆինանսական պահանջներին: Այս ֆինանսական պահանջները նաև կիրառելի են, եթե դուք և ձեր ընտանիքը արտերկրում երկարաժամկետ միասին չեք բնակվել կամ եթե պարզ չէ, որ ձեր հարաբերությունները ամուր և հաստատված են։

Սա «ապահովման պահանջն» է: Պահանջը բաղկացած է երկու մասից.

Նախ, դուք պետք է ցույց տաք, որ կարող եք ֆինանսապես աջակցել ձեր հարազատներին՝ նրանց Շվեդիա ժամանելուց հետո:
Երկրորդ, դուք պետք է ցույց տաք, որ ձեր բնակարանը բավականաչափ մեծ է, որպեսզի ձեր հարազատները կարողանան ձեզ հետ ապրել Շվեդիայում:

Շվեդիայի կառավարությունն ստանդարտներ է սահմանել այս երկու պահանջների համար:

Շվեդիայի միգրացիոն գործակալությունը (SMA) ուսումնասիրում է Շվեդիայում ձեր տան վարձի արժեքը և ամսական գումարը՝ կախված ձեր ընտանիքի չափից: 2024 թվականի ամսական գումարները բերված են ստորև: Ամեն տարի, հունվարի 1-ից սկսած դրանք փոքր-ինչ կավելանան.

Միայնակ չափահաս	6,090 SEK
Միասին ապրող զույգ	10,061 SEK
0-6 տարեկան երեխաներ	3,255 SEK
7-10 տարեկան երեխաներ	3,906 SEK
11-14 տարեկան երեխաներ	4,558 SEK
15 տարեկան և դրանից ավելի մեծ երեխաներ	5,208 SEK

Եթե դուք ստանում եք երեխայի hամար նպաստ կառավարությունից, կարող եք հանել այդ գումարը, երբ հաշվարկեք ֆինանսական պահանջը: Դուք կարող եք ավելին իմանալ այս պետական նպաստի մասին Շվեդիայի կառավարության այս կայքում:

Օրինակ՝ եթե դուք Շվեդիայում բնակվող փախստական եք և ցանկանում եք հովանավորել ձեր ամուսնուն և երկու երեխաներին (6 և 12 տարեկան, ձեզ անհրաժեշտ կլինի.

10,061 SEK ձեր և ձեր ամուսնու համար, գումարած
3,255 SEK ձեր 6 տարեկան երեխայի համար, գումարած
4,558 SEK ձեր 12 տարեկան երեխայի համար, գումարած
ձեր տան վարձի արժեքը, իսկ հետո հանած
ցանկացած երեխայի համար պետական նպաստ, որը ստանում է ձեր ընտանիքը:

Երբ ավարտեք ձեր հաշվարկը, դուք կունենաք ամսական ընդհանուր գումար: Եթե ձեր եկամուտը ավելի բարձր է, քան ընդհանուր ամսական գումարը, ապա դուք կարող եք համապատասխանել ֆինանսական պահանջին:

Բնակարանի պահանջը կփոխվի՝ կախված ձեր ընտանիքի չափից: Ձեր ընտանիքը ներառում է ձեր այն հարազատներին, որոնք այժմ ապրում են ձեզ հետ Շվեդիայում, գումարած ընտանիքի այն անդամներին, որոնց ցանկանում եք բերել Շվեդիա: Երեխա չունեցող երկու չափահասների համար տունը բավականաչափ մեծ է, եթե այն ունի խոհանոց կամ մինի-խոհանոց (kitchenette, кухонный уголок) և առնվազն մեկ սենյակ: Եթե տանը ապրելու են երեխաներ, ապա պետք է ավելի շատ սենյակներ լինեն: Երկու երեխա կարող են կիսել մեկ ննջասենյակ:

Շվեդիայի միգրացիոն գործակալությունը կուսումնասիրի այն, թե արդյոք դուք համապատասխանում եք եկամտի և բնակարանային պահանջներին: Դուք պետք է համապատասխանեք պահանջներին տարբեր ժամանակներում:

Նախ, դուք պետք է համապատասխանեք պահանջներին դիմումը ներկայացնելիս:
Երկրորդ, դուք պետք է համապատասխանեք պահանջներին այն ժամանակ, երբ կառավարությունը ձեր դիմումի մասին որոշում կայացնի:
Երրորդ, դուք պարտավոր եք ցույց տաք, որ կշարունակեք համապատասխանել պահանջներին որոշումից մեկ տարի հետո:

Սա հաճախ դժվարություն է հանդիսանում, քանի որ Շվեդիայի միգրացիոն գործակալությունը երկար ժամանակ է պահանջում որոշում կայացնելու համար: Եթե դուք ունեք աշխատանք, կարող է օգտակար լինել, եթե դուք դառնաք գործազրկության նպաստների հիմնադրամի անդամ, այն է՝ դիմեք գործազրկության ապահովագրություն համար:

Եթե վերամիավորման գործընթացի ընթացքում ձեր ընտանեկան իրավիճակը փոխվի, դուք պետք է տեղեկացնեք Շվեդիայի միգրացիոն գործակալությանը:

Եթե փոխեք ձեր աշխատանքը, դուք պետք է տեղեկացնեք Շվեդիայի միգրացիոն գործակալությանը ձեր աշխատավարձի փոփոխության մասին: Անպայման նրանց ուղարկեք ձեր նոր աշխատանքային պայմանագիրը:
Եթե դուք կամ ձեր ընտանիքի անդամներից որևէ մեկը երեխա է ունենում, կարևոր է ձեր ընտանիքի չափի փոփոխության մասին տեղեկացնել Շվեդիայի միգրացիոն գործակալությանը (SMA):
Եթե տեղափոխվեք, տեղեկացրեք Շվեդիայի միգրացիոն գործակալությանը ձեր նոր բնակարանի չափի և վարձի չափի մասին:

Ինչպես դիմել

Ո՞վ կարող է առցանց դիմել

Դուք (հովանավորը) կարող եք դիմել առցանց, եթե դուք համապատասխանում եք հետևյալ պահանջներին.

Դուք և դիմումատուն 18 տարեկան եք կամ դրանից ավելի մեծ։
Դուք էլեկտրոնային փոստի հասցե ունեք:
Դիմումի վճարը կարող եք վճարել Visa կամ MasterCard քարտով:
Դուք կարող եք սկանավորել կամ լուսանկարել պահանջվող փաստաթղթերը:

Եթե դուք երեխա եք Շվեդիայում և դիմում եք ձեր ծնողների համար, ապա պարտադիր չէ, որ ձեր 18 տարին լրացած լինի: Հնարավոր է նաև առցանց դիմել ծնողի հետ միասին դիմող երեխաների համար: Առցանց դիմումի ձևաթուղթը լրացնելու ցուցումները հասանելի են այս հղումով:

Առցանց դիմելու համար այցելեք այս կայք։

Եթե դուք իրավասու եք առցանց դիմելու, բայց չեք կարողանում, ապա դուք պետք է լրացված դիմումը և բոլոր լրացուցիչ ապացույցները ուղարկել այս հասցեով.

Migrationsverket

Box 3100

903 03 Umeå

Եթե դիմումատուն դիմը ներկայացնում է դեսպանատանը կամ հյուպատոսությունում, նա վճարը կվճարի դիմումն անձամբ հանձնելիս:

Դիմումի վճարներ

Որոշ դիմումատուներ պարտավոր չեն վճարել դիմումի վճարները: Եթե դիմում եք ձեր ամուսնու, համատեղ ապրող զուգընկերոջ, գրանցված զուգընկերոջ կամ անչափահաս չամուսնացած երեխաների համար, ապա վճարներ չկան:

Եթե դուք դիմում եք ձեր ծնողների կամ եղբայրների կամ քույրերի համար, նրանք պետք է վճարներ վճարեն:

Դուք կարող եք ավելին իմանալ ընտանիքի վերամիավորման գործընթացի վճարների մասին այս կայքում:

Դիմումի համար հարկավոր փաստաթղթեր

Հարազատի հետ հարաբերության ապացույց

Եթե դուք դիմում եք ձեր ամուսնու կամ զուգընկերոջ համար, դուք ձեր դիմումի մեջ պետք է ներառեք հետևյալ փաստաթղթերը։

Ձեր ամուսնու կամ զուգընկերոջ վավեր անձնագիր կամ անձը հաստատող այլ փաստաթուղթ:
Ամուսնության վկայական (եթե ամուսնացած եք):
Եթե ձեր ամուսինը կամ զուգընկերը իրենց հայրենիքում չէ, ապա պետք է ներառել փաստաթղթեր, որոնք հաստատում են նրա օրինական կարգավիճակ ունենալն այնտեղ, որտեղ ապրում են (օրինակ՝ ՄԱԿ ՓԳՀ-ի փախստականի քարտ):
Չնայած դա պարտադիր չէ (բացառությամբ այն դեպքերի, երբ Շվեդիայի միգրացիոն գործակալությանը կասկածի տակ է դնում հարաբերությունների գոյությունը), խորհուրդ ենք տալիս ներկայացնել այլ փաստաթղթեր, որոնք ցույց են տալիս ձեր ընթացիկ հարաբերությունները: Այդ փաստաթղթերը կարող են իրենցից ներկայացնել, օրինակ, հարսանիքի լուսանկարներ, հաղորդակցություններ, դրամական փոխանցումներ և նամակ, որտեղ նկարագրված է, թե ինչպես եք ծանոթացել և ինչ հանգամանքների բերումով եք առանձնացել իրարից: Լավ կլինի, եթե պահեք և արձանագրեք ձեր հարաբերությունների ապացույցները վերոնշյալ կերպով։ Նաև խիստ կարևոր է հետևել, որ Շվեդիայի միգրացիոն գործակալությանը չտրամադրեք հակասող տեղեկություններ կամ ապացույցներ։

Եթե դուք դիմում եք ձեր անչափահաս երեխայի համար, ձեր դիմումի մեջ պետք է ներառեք հետևյալ փաստաթղթերը.

Ձեր երեխայի վավեր անձնագիր կամ անձը հաստատող այլ փաստաթուղթ:
Ծննդյան վկայական, որտեղ նշված եք որպես ծնող:
- Եթե այս փաստաթուղթը հասանելի չէ, դուք կարող եք ներկայացնել կրոնական փաստաթուղթ (օրինակ՝ մկրտության վկայական) կամ օրինական փաստաթուղթ, որտեղ նշված եք որպես երեխայի օրինական խնամակալ:
Դատարանի որոշում, եթե երեխայի խնամակալությունը միայն դուք եք կրում, կամ մահվան վկայական, եթե երեխայի մյուս ծնողը մահացել է:
Եթե ձեր երեխան մենակ է ճանապարհորդելու՝ առանց մյուս ծնողի, ապա ծնողը, ով մնում է այնտեղ, պետք է այս ձևաթուղթի միջոցով համաձայնություն տա, որ երեխան մեկնի Շվեդիա։
Որդեգրման փաստաթղթեր, եթե երեխան որդեգրված է.

Ապացույց, որ դուք բավարարում եք ֆինանսական և բնակարանային պահանջները

Եթե ունեք փախստականի կարգավիճակ և դիմում եք ներկայացնում Շվեդիայում միջազգային պաշտպանության կարգավիճակ ստանալուց ավելի քան 3 ամիս հետո, կամ եթե ունեք լրացուցիչ պաշտպանություն, ապա պետք է ներառեք փաստաթղթեր, որոնք ապացուցում են, որ համապատասխանում եք ֆինանսական և բնակարանային պահանջներին: Լրացուցիչ տեղեկություններ այսպիսի փաստաթղթերի վերաբերյալ կարելի է գտնել այս հղումով:

Անպայման պահեք ձեր լրացրած դիմումի պատճենը՝ մինչև այն ներկայացնելը կամ փակելը։

Ի՞նչ է տեղի ունենում դիմելուց հետո:

Երբ դուք դիմեք, դուք (հովանավորը) էլեկտրոնային փոստով կստանաք հարցաշար Շվեդիայի միգրացիոն գործակալությունից: Այն կունենա հարցեր ձեր եկամտի, բնակարանի և դիմումատուի (ձեր ազգականի) հետ հարաբերությունների վերաբերյալ: Դուք պետք է լրացնեք հարցաշարը և ուղարկեք այն Շվեդիայի միգրացիոն գործակալությանը 14 օրվա ընթացքում:

Շվեդիայի միգրացիոն գործակալությունը սովորաբար 12-ից մինչև 24 ամսում է որոշում կայացնում։ Կարող է քիչ թե շատ ժամանակ պահանջվել ընտանիքի տարբեր անդամների (ամուսիններ, երեխաներ և այլն) կամ տարբեր երկրների քաղաքացի հանդիսացող անձանց համար:

Ձեր գործի փոփոխությունների մասին Շվեդիայի միգրացիոն գործակալությանը տեղեկացնելու համար կարող եք էլեկտրոնային նամակ ուղարկել migrationsverket@migrationsverket.se հասցեով: Գործակալությանը նամակ ուղարկելիս ներառեք ձեր գործի համարը կամ հսկիչ (control) համարը:

Ժամադրություններ Շվեդիայի դեսպանատանը

Այն բանից հետո, երբ Շվեդիայի միգրացիոն գործակալությունը նախնական որոշում կայացնի, դուք (հովանավորը) կստանաք էլեկրոնային նամակ։ Նամակում կբացատրվի, թե ինչպես կարող եք հերթագրել դիմումատուին Շվեդիայի դեսպանատանը հանդիպման համար: Կարող է տևել մինչև մեկ տարի, մինչև դեսպանատունը հանդիպման ժամադրություն նշանակի։

Բոլոր դիմումատուները, ներառյալ երեխաները, պետք է մասնակցեն հանդիպմանը: Հարցազրույցի ընթացքում դեսպանատան պաշտոնյան դիմումատուներին (ձեր հարազատներին) հարցեր կտա ձեզ՝ հովանավորի հետ նրանց հարաբերության վերաբերյալ: Դիմումատուները հանդիպմանը պետք է բերեն հետևյալ փաստաթղթերը.

Իրենց անձնագրերը կամ անձը հաստատող որևիցե այլ փաստաթղթեր, որոնք ունեն։
Դիմումին կից ներկայացված փաստաթղթերի բնօրինակները (ամուսնության վկայական, ծննդյան վկայական և այլն):

Եթե ձեր երեխան պետք է միայնակ մասնակցի դեսպանատան հանդիպմանը, հարցազրույցին պետք է գա խնամակալի հետ: Ձեր երեխայի խնամակալը պետք է ցույց տա իր անձը հաստատող փաստաթուղթը և վավեր լիազորագիր դեսպանատանը։

Որպես ընդհանուր կանոն, հարցազրույցը տեղի կունենա Շվեդիայի դեսպանատանը կամ հյուպատոսարանում՝ դիմումատուի հայրենի երկրում կամ այն երկրում, որտեղ օրինական բնակություն են հաստատել։ Այնուամենայնիվ, կան բացառություններ այս կանոնից: Այս կայքը ունի ավելի շատ տեղեկություններ այն մասին, թե որտեղ կարող է տեղի ունենալ հարցազրույցը:

Օգտագործեք այս կայքը ստուգելու համար, թե արդյուք հասանելի դեսպանատուն կամ հյուպատոսություն կա այն երկրում, որտեղ ապրում է ձեր հարազատը։

Շվեդիայի դեսպանատանը հանդիպումից հետո

Շվեդիայի միգրացիոն գործակալությունը կկապվի ձեզ հետ, եթե հարկավոր լինի լրացուցիչ տեղեկություններ կամ փաստաթղթեր ստատնալ ձեզանից: Նրանք ձեզ հետ էլեկտրոնային փոստով կկապվեն և ցուցումներ կտան:

Դուք նամակ կստանաք, երբ Շվեդիայի միգրացիոն գործակալությունը վերջնական որոշում կայացնի ձեր գործի վերաբերյալ:

Եթե Շվեդիայի միգրացիոն գործակալությունը բավարարում է դիմումը, ապա դիմումատուն պետք է կապ հաստատի դեսպանատան կամ հյուպատոսության հետ՝ իր կացության թույլտվությունը ստանալու համար: Շվեդիայի միգրացիոն գործակալությունը այդ մասին ձեզ ցուցումներ կտա որոշման նամակում:

Եթե Շվեդիայի միգրացիոն գործակալությունը մերժում է դիմումը, որոշումը կարող է բողոքարկվել: Դուք պետք է բողոքարկեք որոշումը այն ստանալուց հետո 3 շաբաթվա ընթացքում: Շվեդիայի միգրացիոն գործակալությունը բողոքարկելու ընթացակարգի մասին տեղեկություն կներկայացնի որոշման նամակում:

Օգնություն խնդրելով

Դուք կամ ձեր հարազատը կարող է ցանկանալ միգրացիոն փաստաբանի դիմել օգնության համար այս գործընթացում: Ահա մի քանի ռեսուրսներ.

Օգտակար հղումներ