د کډوالو مرستې نړيواله پروژه (آی ار ای پي) ځينو کډوالو او بې ځايه شويو خلکو ته وړيا قانوني مرستې چمتو کوي.
- آی ار ای پي له ځينو خلکو سره مرسته کوي، چې خدمات پيدا کړي، او د کډوالۍ يا ويزې غوښتنو لپاره چمتوالي ونيسي
- آی ار ای پي د هيڅ دولت، آی او ايم، يا يو اين ايچ سي ار برخه نه ده
- آی ار ای پي نه شي کولای چاته د کډوالۍ حيثيت، يا ويزه ورکړي، يا يې قضيې چټکې کړي
- آی ار ای پي نه شي کولای مالي مرستې چمتو کړي، د هستوګنځي لپاره پيسې ورکړي، يا دندې پيدا کړي
- د آی ار ای پي ټولې مرستې وړيا دي. هيڅوک چې له آی ار ای پي سره شريک دی دا حق نه لري چې له تاسې څخه د پيسو يا نورو خدماتو غوښتنه وکړي.
آی ار ای پي پرېکړه کوي چې له خلکو سره د کډوالۍ د حيثيت لپاره د هغوی د اړتياوو او وړتياوو پر اساس مرستې وکړي. آی ار ای پي دا پرېکړه نه کوي چې له خلکو سره د نورو ټولنيزو يا سياسي يا مذهبي معيارونو پر اساس مرسته وکړي.
دا ويبپاڼه د قانوني پروسو په هکله چې ځينو کډوالو ته مهيا دي، عمومي معلومات ورکوي. دا د انفرادي غوښتنو لپاره د قانوني مشورې په معنی نه دی.
غوښتنې ممکن بدلون ومومي. تل د حکومت یا ادارې څخه وروستي معلومات وګورئ چې ستاسو د غوښتنې په اړه پریکړه کوي.
که تاسو د کډوالۍ په بیړني حالت کې یاست، موږ وړاندیز کوو چې تاسو په هغه هیواد کې د UNHCR دفتر سره اړیکه ونیسئ چیرې چې تاسو اوسیږئ.
دا اجرائیوي فرمان ستاسو په قضیه څه اغېز لري؟
ایا زه کولی شم د USRAP نوې قضیه پرانیزم؟
ایا دا ځنډ د "Welcome Corps" پروګرام اغېزمنوي؟
ایا دا ځنډ د هغو افغانانو قضیې اغېزمنوي چې د افغان P-1 / P-2 پروګرام له لارې غوښتنه کوي؟
د هغو قضیو ډولونه چې پروسس کول به یې دوام لري
د هغه قضیو ډولونه چې ځنډېدلي دي:
آیا دغه ځنډ د د ملګرو ملتونو د کډوالو عالي کمیشنری (UNHCR) سره مربوطه قضیو ته اغېز رسوي؟
لنډیز:
دا مقاله د هغو اشخاصو لپاره ده چې د نوي اجرائیوي فرمان "executive order" په اړه پوښتنې لري، کوم چې د ۲۰۲۵ کال د جنورۍ په ۲۰مه د ولسمشر ټرمپ لخوا د " د متحده ایالاتو د کډوالو د منلو پروګرام بیا تنظیمولو " تر سرلیک لاندې لاسلیک شوی. دغه فرمان د متحده ایالاتو د کډوالو د بیا میشتېدنې پروګرام ځنډوي.
دا واضح کوي چې یاد اجرائیوي فرمان څه وايي او دا بدلونونه د هغو کسانو لپاره څه معنی لري چې ممکن تر اغېز لاندې راشي، لکه اوسني یا احتمالي د کډوالۍ غوښتونکي.
دا "اجرائیوي فرمان" څه دی؟
د امریکا د کډوالو د بیا میشتیدنې پروګرام ته د متحده ایالاتو د کډوالو د منلو پروګرام یا "USRAP" ویل کیږي.
"اجرائیوي فرمان" یو رسمي سند دی چې د ولسمشر له خوا پکې له حکومت غوښتل کیږي چې ځانګړي کارونه ترسره کړي.
د ۲۰۲۵ کال د جنورۍ په ۲۰مه، ولسمشر ټرمپ یو اجرائیوي فرمان[executive order] صادر کړ چې د "د متحده ایالاتو د کډوالو د منلو پروګرام بیا تنظیمولو" تر سرلیک لاندې دی. دې فرمان کې ویل شوي چې د امریکا حکومت باید د کډوالو داخلېده موقتي وځنډوی او همدارنګه باید د کډوالی پرانستو غوښتنلیکونو په اړه فیصلې کول وځنډوي.
که څه هم د امریکا حکومت په دې اړه تفصیلي معلومات نه دي خپاره کړي چې څنګه به پدې لارښوونوعمل وکړي، دوی د دې متن پر مهال نوي د کډوالۍ غوښتنلیکونو منل بن کړی. حکومت همدارنګه د موجوده غوښتنلیکونو د پروسې په مخته وړلو کی ګامونه نه اخلي.
دا اجرائیوي فرمان ستاسو په قضیه څه اغېز لري؟
که تاسو په دې پروګرام کې یو پرانستی د کډوالۍ غوښتنلیک لرئ، نو اوس ستاسو قضیه ځنډېدلې ده. د متحده ایالاتو حکومت د کډوالۍ لاندینۍ ټولې مرحلې ځنډولې دي:
- د نوو مراجعینو منل
- د نوو قضیو جوړول
- د مرکو مهالویش جوړول
- د طبي معایناتو مهالویش جوړول
- د هغو خلکو لپاره د الوتنو مهالویش جوړول چې ټولې مرحلې یې بشپړې کړي دي
موږ نه پوهیږو چې دا ځنډ به څومره وخت دوام وکړي. کله چې دا ځنډ پای ته ورسیږي، تاسو ممکن ځینې مرحلې بیا تکرار کړئ.
ایا د دې تعلیق لپاره استثناوې شته؟ ایا داسې قضیې شته چې دا نوي مقررات پرې نه تطبیقېږي؟
په دې فرمان کې ویل شوي چې استثناوې ممکن واوسي. خو دا نه دي ویل شوي چې کوم ډول قضیې باید استثنا ترلاسه کړي.
فرمان وايي چې حکومت یوازې هغه وخت استثنا ورکولی شي که دا پرېکړه د "ملي ګټو" لپاره وي او که که چیري یو کډوال "د متحده ایالاتو امنیت یا هوساینې ته خطر نه جوړوي."
په فرمان کې دا نه دي واضح شوي چې دا څه معنا لري، او د امریکا حکومت تر اوسه پورې دا نه دي روښانه کړي چې څنګه یو کس کولی شي د استثنا غوښتنه وکړي.
ایا زه کولی شم د USRAP نوې قضیه پرانیزم؟
نه، د امریکا حکومت د USRAP له لارې د کډوالۍ ټول نوي غوښتنلیکونه ځنډولي دي.
ایا دا ځنډ د "Welcome Corps" پروګرام اغېزمنوي؟
هو، د امریکا حکومت د "Welcome Corps" پروګرام ټولې برخې ځنډولي دي. دا پروګرام نوي غوښتنلیکونه نه مني او نه د خلاصو قضیو پروسس ته دوام ورکوي.
زه د افغانستان یا عراق د ځانګړي کډوالۍ ویزې (SIV) غوښتونکی یم. ایا دا تعلیق یا د ټرمپ د ادارې نور بدلونونه به زما پر SIV غوښتنلیک اغېز ولري؟
ممکن.
د غوښتنلیک سپارل، مرکې، او نور پروسس :د افغان او عراقی SIV غوښتنلیکونه، مرکې، او د سفارتونو او قونسلګریو له لارې د غوښتنلیک پروسس کول د تعلیق تر اغېز لاندې نه دي، ځکه چې دا د USRAP برخه نه ده.
سفر: د کډوالو نړیوال سازمان (IOM) د افغان او عراقي SIV لرونکو لپاره الوتنې ځنډولې دي. خو د SIV لرونکي لا هم کولی شي خپل سفر پخپله تنظیم کړي.
د کډوالو مرستې :د ټرمپ د ادارې د بلي پرېکړي له امله، هغه SIV لرونکي چې امریکا ته رسېږي، ممکن د کډوالو د بیا میشتېدنې ادارو لپاره د تمویل د ځنډ له امله اغېزمن شي. د لا زیاتو معلوماتو لپاره، مهرباني وکړئ د دې لارښود لاندې برخه ولولئ چې د کډوالو د مرستو په اړه توضیحات وړاندې کوي.
ایا دا ځنډ د هغو افغانانو قضیې اغېزمنوي چې د افغان P-1 / P-2 پروګرام له لارې غوښتنه کوي؟
هو، د ټولو کډوالو غوښتنلیکونه ځنډول شوي، چې پکې د افغان P-1 / P-2 پروګرام له لارې راجع شوي قضیې هم شاملې دي.
آیا د ټرمپ ادارې د افغانانو لپاره له افغانستان څخه د امریکا د حکومت د وتلو د مرستې ("CARE relocation") پروګرام ځنډولی دی؟
د ۲۰۲۵ کال د جنورۍ له ۲۸مې راهیسې، د امریکا حکومت له افغانستانه د وتلو د مرستې الوتنې درولي دي. احتمال شته چې د امریکا حکومت دا الوتنې د هغو افغانانو لپاره بېرته پیل کړی چې د USRAP غوښتنلیکونه نه لري.
زما د کورنۍ غړي زما لپاره غوښتنلیک ورکړی چې ورسره په متحده ایالاتو کې یوځای شم. آیا زه لا هم کولی شم ولاړ شم؟
موږ نشو کولی د یو ځانګړي شخص د قضیې په اړه حتمي ځواب ورکړو. خو موږ پوهیږو چې دا فرمان به څنګه مختلفی قضیی اغېزمني کړي.
د هغو قضیو ډولونه چې پروسس کول به یې دوام لري
- که ستاسو خپلوان د پناه غوښتونکی (Asylee) وي او د I-730 ("د پناه غوښتونکي سره یوځای کېدو") پروسې له لارې یې غوښتنلیک ورکړی وي چې تاسو متحده ایالاتو ته راولي: نو ستاسو قضیه نه اغېزمنه کیګی.
- پناه غوښتونکي (Asylees) هغه کسان دي چې متحده ایالاتو ته له راتګ وروسته یې د پناهندګی وضعیت ترلاسه کړی وي. د پناه غوښتونکو هغه کورنۍ غړي چې د I-730 پروسې له لارې د متحده ایالاتو لپاره غوښتنلیک ورکوي، د دې اجرائیوي فرمان تر اغېز لاندې نه راځي، ځکه چې د دوی قضیې دUSRAP برخه نه ده.
- د پناه غوښتونکو لپاره د I-730 پروسې په اړه نور معلومات دلته موندلی شئ. here.
- I-130 : که ستاسو خپلوان د I-130 فورمې (د کورنۍ پر بنسټ د مهاجرت فورمی) له لارې غوښتنلیک ورکړی وي چې تاسو امریکا ته راولي، نو ستاسو قضیه تر اغېز لاندې نه ده.
- د I-130 د کورنۍ پر بنسټ د مهاجرت پروسه د هغو کسانو لپاره ده چې د امریکا تابعیت لري یا قانوني دایمي اوسېدونکي LPRs)، یا "ګرین کارت لرونکي(" دي، او غواړي خپل مستحق خپلوان امریکا ته راولي. دا پروسه د USRAP برخه نه ده.
- د I-130 پروسې په اړه نور معلومات دلته موندلی شئ . here
د هغه قضیو ډولونه چې ځنډېدلي دي:
- که ستاسو خپلوان پناه غوښتونکی ( refugee) وي او د I-730 ("د پناه غوښتونکی سره د یوځای کېدو ") پروسې له لارې ستاسو لپاره متحده ایالاتو ته د راتلو غوښتنه کړې وي: ستاسو قضیه ممکن اغېزمنه شي. د ځنډ له امله، متحده ایالاتو ته سفر او دې پروسې ځینې اړوند مراحل به ځنډېدلي وي. موږ لا تر اوسه نه پوهېږو چې ایا ځنډ به د پروسس نورو پړاوونو باندې اغېز وکړي که نه.
- په دې شرایطو کې، پناه غوښتونکي ( refugee) هغه کسان دي چې د امریکا متحده ایالاتو د USRAP له لارې ځای پر ځای شوي دي، دا پدې معنا چې دوی متحده ایالاتو ته د ننوتلو مخکې د پناهندګۍ وضعیت ترلاسه کولو لپاره غوښتنه کړې او منل شوی وه.
- د پناهندګانو لپاره د I-730 په اړه نور معلومات دلته موندلی شي . here
- که ستاسو خپلوانو د "Priority 3" (P-3) د کورنۍ بیا یوځای کولو پروګرام له لارې متحده ایالاتو ته ستاسو د راوستلو غوښتنه کړې وي: ستاسو قضیه به اغېزمنه شي. P-3 پروګرام د USRAP یوه برخه ده.
- که تاسو عراقي یا سوریایي یاست او ستاسو خپلوان د ځانګړي USRAP I-130 پروګرام له لارې ستاسو د راوستلو غوښتنه کړې وي: ستاسو پناهندګي قضیه به وځنډېګی. خو د I-130 عادي پروسې له لارې د کډوال ویزه پروسس کول به اغېزمن نه شي.
- که ستاسو خپلوان یا بل څوک ستاسو د راوستلو لپاره د Welcome Corps له لارې غوښتنه کړې وي: ستاسو قضیه به ځنډېدلې وي. د Welcome Corps پروګرام اوس مهال ځنډېدلی دی.
- که ستاسو خپلوانو د "Central American Minors (CAM)" پروګرام له لارې د متحده ایالاتو ته ستاسو د راوستلو غوښتنه کړې وي: ستاسو پناهندګي قضیه به وځنډېګی، ځکه چې CAM پناهندګۍ قضیې د USRAP یوه برخه دي. موږ لا تر اوسه نه پوهېږو چې د CAM پارول قضیې به څنګه اغېزمنې شي.
آیا دغه ځنډ د د ملګرو ملتونو د کډوالو عالي کمیشنری (UNHCR) سره مربوطه قضیو ته اغېز رسوي؟
نه، ځنډ د UNHCR پروسیجرونو یا د پناهندګۍ وضعیت یا بیا استوګنې په اړه د UNHCR پرېکړو باندې اغېز نه رسوي. خو، که چیری UNHCR تاسو د بیا استوګنې لپاره متحده ایالاتو ته راجع کړی واوسۍ او اوس ستاسو د USRAP قضیه ولری، نو ستاسو د متحده ایالاتو د بیا استوګنې قضیه به وځنډېګی.
که زه د USRAP له لارې متحده ایالاتو ته انتقال شوی واوسم او اوس په متحده ایالاتو کې یم، آیا دا ځنډ زما وضعیت اغیزمن کوي؟
ځنډ یوازې هغو پناه غوښتونکو ته اغېزمن دی چې د متحده ایالاتو څخه بهر دي او غواړي د USRAP له لارې متحده ایالاتو ته راشي. که تاسو په متحده ایالاتو کې یاست، نو دغه ځنډ ستاسو وضعیت نه اغېزمن کوي. مهرباني وکړئ پورته ذکر شوی برخه ولولئ ترڅو وګورئ که تاسو د خپلوانو لپاره د کورنۍ د یو ځای کیدو غوښتنه کوئ، ترڅو پوه شئ چې ایا دا به اغېزمن شي.
که چیری زه د USRAP له لارې متحده ایالاتو ته انتقال شوی واوسم یا د SIV ویزې له لارې داخل شوی واوسم او د پناه غوښتونکو مرستې ترلاسه کوم، آیا د ټرمپ ادارې لخوا د پناه غوښتونکو د بیا میشتیدنې ادارو لپاره د تمویل ځنډ به پر ما اغیز ولري؟
شونې ده. د USRAP له ځنډولو علاوه، د ټرمپ ادارې د بیا میشتیدنې اداراتو ته ویلي چې د امریکا د حکومت له خوا ورکړل شوی ځینې مالي منابع د پناه غوښتونکو د خدمتونو لپاره ونه کاروي. موږ لا نه پوهېږو چې د تمویل ځنډ به دقیقاً څه اغېز ولري، خو ځینې د بیا میشتیدنې ادارې لا هم خدمات وړاندې کوي، او ممکن ځینې خدمات بند یا بدل شي.
اضافي معلومات او سرچینې
How can I check the status of my U.S. refugee application?
زه څنګه کولی شم د متحده ایالاتو د خپلې پناه غوښتنې وضعیت وڅیړم؟
What is the UNHCR resettlement process?
د UNHCR د بیا میشتیدنې پروسه څه ده؟