دغه معلومات د 2019 کال د اپریل میاشت کی اصلاح شویدی. اړتیاوی کیدای شی بدلون ومومی.

آی رپ دغه لارښود ددی لپاره چمتو کړی ځکه په تیرو څو کلونو کی ګن شمیر د کډوالۍ ځانګری ویزی درلودنکی متحده ایالاتو ته په رارسیدو سره په هوایی ډګر کی توقیف شویدی. مونږ باور لرو چی د کډوالۍ ځانګړی ویزی درلودنکو لپاره به اړینه وی تر څو دی امکان ته چمتو والی ولری.

د سفر لپاره چمتووالۍ

• متحده ایالاتو کی د یو کس سره د اړیکی نیولو پلان جوړ کړۍ – د رارسیدو وروسته څومره ژر چی وکړای شۍ باید اړیکه ونیسۍ تر څو حد اقل یو کس به پوهیږی چی تاسی په هوایی ډګر کی توقیف شوی یاست. دا کس کیدای شی د کورنۍ غړۍ، ملګری او پخوانی آمر وی.  
  • هغه کس ته د پرواز معلومات ورکړی، چی په هغه کی ورځ، ساعت، او هغه هوایی ډګر ته چی تاسی رارسیږی شاملیږی.
  • تصمیم ونیسی چی هغه کس سره باید څنګه اړیکه ونیسۍ. آیا هغوی ته به د خپل تیلفون څخه زنګ وهۍ؟ آیا هغوی به تاسی ته په هوایی ډګرکی انتظار وی؟
  • هغوی سره د بیړنی پلان په هکله بحث وکړی، دا چی هغوی به څنګه اقدام وکړی که احیانا تاسی توقیف شي: هغوی باید ستاسی کیسه په رسنیو کی ووایی؟ آیا هغوی باید د انتخابی مقاماتو څخه د مرستی غوښتنه وکړی؟ آیا هغوی باید هڅه وکړی چی تاسی ته وکیل پیدا کړی چی ستاسی قضیه په محکمه کی ثبت کړی؟
• دغه اسناد ځان سره په خپل لاسی بکس کی د ځانه سره ولری نه غټو بکسونو یا بګاژونو کی:
  • ستاسی پاسپورت او د سفر اسناد. د سفر هغه اسناد خلاص نکړی چی تاسی ته د متحده ایالاتو سفارت درکړی دی.
  • د کډوالۍ د ځانګړی ویزی د غوښتنلیک اړونده اسناد
  • متحده ایالاتو کی ستاسی د ارتباطی کس د اړیکی معلومات
  • د خپلو حقونو باندی پوه شۍ اسناد.

کډوالۍ تفتیش ته د رسیدو څخه وړاندی

کله چی تاسی لمړی متحده ایالاتو ته راورسیدۍ، د امکان په صورت کی هڅه وکړی چی د خپل ارتباطی کس سره اړیکه ونیسۍ. که چیری تاسی پیغام د تیلفون د نه درلودلو له وجهی نشۍ لیږلۍ، نو هڅه وکړی چی په هوایی ډګر کی د انټرنټ وای فای ته ځان وصل کړی تر څو برښنالیک یا پیغام ولیږل شۍ. تاسی به د تیلفون د استعمال اجازه ونلری کله چی تاسی ګمرک یا د کډوالو ځانګری ساحی ته ورسیدۍ.

د کډوالۍ معاینه کول

د الوتکی څخه د کښته کیدو وروسته، تاسی به د پلټنی لپاره په قطار کی دریږۍ. د پلټنی په لمړی ساحه کی، آفسر ته د سفر اسناد او هغه نا خلاص شوی بسته چی تاسی ته د سفارت لخوا درکړل شوی وه وسپارۍ. پوښتنو ته په ریښتینی توګه ځواب ووایی. 

ستاسو عکس او د ګوتی نښان به اخیستل کیږی. متحده ایالات د دې حق لري چې د ټولو هغه شتمنیو پلټنه وکړي چې تاسی  یې راوړي ترڅو دا معلومه کړي چې ایا تاسی پدی هیواد کی د شتون اجازه باید ولری که نه باید په هیواد کې اجازه ولرئ. دا پدی معنی ده چی افسر کیدای شی ستاسو اسناد، ویډیوګانی او عکسونه چی تاسی په برقی وسایلو لکه مبایل یا کمپیوټر که ذخیره کړیدی وګوری.

ډیرۍ شمیر د د کډوالۍ ځانګری ویزی درلودنکی متحده ایالاتو ته وروسته ددی معاینی څخه د ننه کیږی. ولی ددی امکان شتون لری چی افسر پریکړه وکړی چی تاسی ثانوی معاینی ته د ډیرو پوښتنو لپاره ور وغواړی. که تاسی چیری ثانوی پلټنی لپاره وغوښتل شوۍ، تاسی به بلی کوټی ته بیول کیږی. د انتظار په وخت کی تاسی ددی حق لری چی ډوډی، اوبو، د لمانځه ځای او تشناب ته لاسرسۍ ولرۍ. تاسی باید د افسر ته ووای که چیری تاسی درمل ته د لاسرسی اړتیا لری. که چیری تاسی د ثانوی پلټنی لپاره د دو ساعتو ډیر انتظار یاست، تاسی کیدای شی پوښتنه وکړی که چیری تاسی کولای شی د خپل ارتباطی کس سره اړیکه ونیسی.

که چیری انګلیسی ژبی په مفاهه کی ستونزه لری نو تاسی دا حق لرۍ چی د ژباړونکی غوښتنه وکړۍ.

د پناه غوښتنې ادعا کول که چیرې معلومیږی چې ستاسی دخول به رد کیږی

دا ستاسی لپاره مهمه ده چی پوه شۍ چی تاسی دا حق لرۍ چی په متحده ایالاتو کی پناه غوښتنه وکړی، که چیری ښکاری چی افسران به ستاسو د ننوتلو څخه انکار وکړی.

د پناه غوښتنی ادعا دا معنی لری چی تاسی متحده ایالاتو ته د رسیدو وروسته د کډوال تعریف ته وړ یاست. یو کډوال هغه څوک دی چی د تعقیب او ځورونی څخه ویره لری یا د تیرو نا خوالو چی د نسل، مذهب، تابعیت، په ځانګړی ټولنیز ګروپ کې غړیتوب، یا سیاسي نظر له امله ځورونی سره مخ شوی وی ګڼل کیږی. ځکه تاسی د متحده ایالاتو سره ستاسو د کار له امله جدي ګواښونه یا ځورونې تجربه کړې، تاسی ډیر احتمال لرئ د کډوال تعریف ته وړ کس وګڼل شۍ. که چیری تاسی د خپل میرمنی/ خاوند او ماشومانو سره یو ځای سفرکوۍ، نو په غوښتنلیک کی د هغوی نومونه هم درج کړۍ.

که چیری داسی ښکاری چی ستاسی د دخول څخه به انکار وکړی او تاسی غواړی په متحده ایالاتو کی پاتی شۍ او د پناه غوښتنه وکړی، افسر ته د آی رپ دا ضمیمه شوی لیک ورکړۍ او دا لاندینی ګامونه واخلۍ:

1. د افسر څخه غوښتنه وکړی چی متحده ایالاتوته مجوز درکړی. مجوز، متحده ایالاتو ته یوه موقتی دخولی ده. کله چی تاسی ته دا مجوز درکړل شو، تاسی کولاۍ شی یو وکیل پیدا کړی چی ستاسی قضیی باندی کار وکړی. لطفا افسر ته ووایاست چی تاسی ته باید مجوز درکړی ځکه:

• تاسی متحده ایالاتو ته د کډوالۍ ځانګړی ویزی درلودونکی په توګه د داخلیدا لپاره د دایمی استوګن حالت سره منظورشوی یاست،
• تاسی د متحده ایالاتو لخوا په افغانستان یا عراق کی استخدام شوی وۍ،
• تاسی ښوودلی چی تاسی د جدی ګواښونو اوتعقیب سره په افغانستان او عراق کی د متحده ایالاتو سره د خدمت کولو په تړاو مواجه یاست،
• تاسی د کډوالی د ځانګړی ویزی د امنیتی او صحی معایناتو پروسی څخه تیر شوی یاست،
• (اوکه سم وی:) تاسی د کورنۍ غړی لری چی متحده ایالاتو کی ژوند کوی هغو سره چی تاسی غواړی بیرته یو ځای شۍ.

۲. د سی بی پی آفسر ته ووایاست چی تاسی ډاریږی چی افغانستان یا عراق ته بیرته ستانه شۍ، څرنګه چی ستاسی د کډوالۍ ځانګړی ویزی غوښتنلیک کی ښودل شوی دی. افسرته ووایاست چی تاسی د د اعتبار وړ د ډار مرکی د ترسره کولو حق لرۍ، چیری چی تاسی کولای شۍ دا ښکاره کړی چی تاسی د پناه غوښتلو وړتوب لپاره مهم امکانات لری.

داسی اسناد مه امضاء کوۍ چی تاسی ورباندی نه پوهیږۍ. په پخوا وخت کی د کډوالۍ ځانګړی ویزی درلودونکو څخه غوښتل شوی چی اسناد لاسلیک کړی چی په هغی کی د کډوالۍ ځانګړی ویزی غوښتنلیک د انصراف غوښتنه شوی وه. که چیری تاسی غواړی چی په متحده ایالاتو کی پاتی شۍ نو هیڅ داسی اسناد چی په هغه کی د غوښتنلیک انصراف غوښتنه شوی وی مه امضاء کوی.

۳. کله چی تاسی  عراق او افغانستان ته د بیرته ستنیدو یو ډار بیان کړ، تاسی د هیواد څخه نشۍ ایستل کیدای. تاسی به یا په هوایی ډګر کی یا به د توقیف په نورو تاسیساتو کی تر اعتبار وړ ډار مرکی پوری ساتل کیږی. پدی مرحله کی په متحده ایالاتو کی خپل ارتباطی کس سره اړیکه ونیسۍ البته که تر اوسه پوری مو نه وی نیولی او د هغوی څخه وغواړی چی تاسی ته وکیل پیدا کړی.

۴. د اعتبار وړ د ډار مرکی وړاندی د انتظار مرحلی څخه استفاده وکړی او مرکی ته د تیاری په موخه یو وکیل سره خبری وکړۍ. په مرکه کی، ستاسو څخه به د کډوالۍ ځانګړی ویزی د غوښتنلیک په هکله پوښتنی کیږی، نو د کډوالۍ ځانګړی ویزی اړونده اسنادوته بیا کتنه وکړی.

۵. د اعتبار وړ د ډارمرکه کیدای شی مخامخ وی یا هم د تیلفون د لاری  وی. تاسی ممکن دا حق ولری چی وکیل د ځانه سره مخامخ مرکی ته راولۍ او یا هم ستاسو تیلفونی مرکه کی ګډون وکړی. 

۶.  کله چی تاسی د اعتبار وړ ډار مرکه تیره کړی، نو تاسی کولای شی  مخکی د کډوالۍ قاضی څخه د پناه غوښتنه وکړۍ. کله چی تاسی د پناه غوښتنه کوۍ، ممکن تاسی په توقیف کی پاتی شۍ. تاسی کولای شۍ د مجوز د لاری د بند څخه د آزادۍ غوښتنه وکړۍ. د اوسنۍ پالیسی په اساس،  هغه خلک چی د اعتبار وړ د ډار مرکه یی تیره کړی وی امکان لری د مجوز د لاری آزاد شی که چیری خپل هویت بنا کړی، دا پدی معنی چی دوی به د کډوالۍ استماعیه غونډی ته تشریف راوړی، او همدارنګه ټولنی ته به خطر نه وی.

د کډوالۍ ځانګړی ویزی درلودونکی د تفتیش وروسته هیواد ته د ننه کیږی او هغوی مجبور ندی چی د پناه غوښتنی دعوی وکړی. لطفا متحده ایالاتوکی ارتباطی کس سره ژر تر ژره اړیکه ونیسی تر څو هغوی پوه شی چی آیا تاسی د تفتیش څخه بریالی شوی یاست او که چیری توقیف شوی یاست.