د کډوالو مرستې نړيواله پروژه (آی ار ای پي) ځينو کډوالو او بې ځايه شويو خلکو ته وړيا قانوني مرستې چمتو کوي.
- آی ار ای پي له ځينو خلکو سره مرسته کوي، چې خدمات پيدا کړي، او د کډوالۍ يا ويزې غوښتنو لپاره چمتوالي ونيسي
- آی ار ای پي د هيڅ دولت، آی او ايم، يا يو اين ايچ سي ار برخه نه ده
- آی ار ای پي نه شي کولای چاته د کډوالۍ حيثيت، يا ويزه ورکړي، يا يې قضيې چټکې کړي
- آی ار ای پي نه شي کولای مالي مرستې چمتو کړي، د هستوګنځي لپاره پيسې ورکړي، يا دندې پيدا کړي
- د آی ار ای پي ټولې مرستې وړيا دي. هيڅوک چې له آی ار ای پي سره شريک دی دا حق نه لري چې له تاسې څخه د پيسو يا نورو خدماتو غوښتنه وکړي.
آی ار ای پي پرېکړه کوي چې له خلکو سره د کډوالۍ د حيثيت لپاره د هغوی د اړتياوو او وړتياوو پر اساس مرستې وکړي. آی ار ای پي دا پرېکړه نه کوي چې له خلکو سره د نورو ټولنيزو يا سياسي يا مذهبي معيارونو پر اساس مرسته وکړي.
دا ويبپاڼه د قانوني پروسو په هکله چې ځينو کډوالو ته مهيا دي، عمومي معلومات ورکوي. دا د انفرادي غوښتنو لپاره د قانوني مشورې په معنی نه دی.
دا معلومات د ۲۰۲٣ کال د جنوری په مياشت کې بيا کتل شوي. کېدای شي غوښتنې بدلې شي. هميشه د حکومت يا هغې ادارې نوي معلومات وګوره، چې ستا د غوښتنې په اړه پرېکړه کوي.
که ته داسې کډوال يې چې په بېړه کې يې، موږ سپارښتنه کوو چې په هغه هيواد کې د يو اين ايچ سي ار له دفتر سره اړيکه ونیسه چرته چې اوس ژوند کوې.
لنډیز
هغه کډوال چې غواړي د خپلې کورنۍ له غړيو سره يو ځای شي، بيلا بيلې پروسې لري، چې په کاناډا کې د دوی د اوسېدو د مودې پورې اړوند دي.
ممکنه ده چې ته په کاناډا کې د خپلوانو سره د يو ځای کېدو وړتيا ولرې، که چېرې تاسې د خپلې کورنۍ غړی په خپلو فورمو کې کاناډا ته د داخليدو لپاره په تاسې پورې تړلي درج کړي وي. ته بايد په کاناډا کې د ځای پر ځای کېدو څخه وروسته په يو کال کې د خپلو خپلوانو لپاره د يو اين ايچ سي ار يا خصوصي ملاتړ له لارې قضيه ثبت کړې. له کوبيک پرته د کاناډا د ټولو ولايتونو لپاره د کډوالو د کورنۍ د يو ځآی کېدو په اړه د معلوماتو په اړوند د کاناډا د حکومت معلومات په دې ويبپاڼه کې دي. د کډوالو د کورنۍ د بيا يو ځای کېدو لپاره د کوبيک د پروسې په اړه معلومات په دې ځای کې دي.
که ته چېرې په کاناډا کې له يو کال زيات اوسېدلی يې، يا د پورته پروګرام لپاره په بل دليل وړتيا نه لرې، د کورنيو د بيا يو ځای کېدو په اړه د کاناډا د حکومت ويبپاڼه دلته ده. د کوبيک د کورنۍ د بيا يو ځای کېدو د پروسې په اړه معلومات دلته دي. د مستقيم خپلوان سره د بيا يو ځآی کېدو په اړه معلمات دلته دي. له لرې خپلوانو سره د بيا يو ځای کېدو په اړه معلومات دلته دي.
په محدودو حالاتو کې، د کاناډا اتباع او اوسيدونکي هم کولای شي، چې په کاناډا کې د ځای پر ځای کېدو لپاره د کډوالو مالي ملاتړ وکړي. د کډوالو لپاره د شخصي مالي ملاتړ په اړه معلومات دلته دي. په امهاريک، عربي، دري، فارسي، اورومو، صومالي، هسپانوي، سواحلي، او ټيګراني ژبو نور معلومات دلته دي.