دا مقاله وروستی ځل د ۲۰۲۵ کال د اپرېل په ۱۶مه نېټه اپدیت شوې ده

خلاصه

دا مقاله تشریح کوي چې اوس مهال د هغو کسانو لپاره د مهاجرت د تنفیذ په برخه کې څه روان دي، کوم چې د متحده ایالاتو-مکسیکو د سرحد له لارې د CBP One د اپوینتمنت له لارې امریکا ته داخل شوي دي. دا د لاندې پوښتنو ځوابونه ورکوي، لکه:

-        زه څنګه پوهېدای شم چې دا بدلون پر ما اغېز کوي؟

-          زه یو خبرتیا (نوتیس) ترلاسه کړی چې وايي زما پارول پای ته رسېدلی — دا څه معنی لري؟

-          که زه دا خبرتیا ترلاسه کړم، آیا کومه لاره شته چې زه لا هم په متحده ایالاتو کې پاتې شم؟

دا معلومات یوازې د هغو کسانو لپاره دي چې د CBP One اپلیکیشن له لارې د امریکا-مکسیکو سرحد باندې د ملاقاتونو له لارې پارول ترلاسه کړې ده. ځینې نور پارول پروګرامونه هم د CBP One موبایل اپلیکیشن کاروي، خو دا مقاله د هغو خلکو لپاره اړوند نه ده چې د نورو پروګرامونو له لارې داخل شوي وي.

CBP One  پارول څه شی دی؟ دا د امریکا او مکسیکو په سرحد څنګه کار کاوه؟

د مې ۲۰۲۳ څخه تر جنورۍ ۲۰۲۵ پورې، ډېرو خلکو د "CBP One" رسمي اپلېکېشن څخه استفاده وکړه څو د امریکا او مکسیکو ترمنځ په ځینو رسمي سرحدي نقطو کې د ملاقات وختونه واخلي.  (POE) یا د "ورود رسمي نقطه" هغه ځای دی چې خلک پرې له یو هېواده بل هېواد ته قانوني تګ راتګ کوي.

ډېری خلک چې د CBP One ملاقات له لارې متحده ایالاتو ته داخل شوي، هغوی ته د "پارول" په نوم یو موقف ورکړل شوی او یو خبرتیا (notice) هم ورکړل شوې چې باید د مهاجرت محکمې ته حاضر شي. پارول هغه موقف دی چې غیر امریکایي وګړو ته اجازه ورکوي څو د یو ټاکلي، موقتي وخت لپاره په امریکا کې ژوند وکړي (خو دا اجازه دایمي نه وي).

زما د CBP One پارول نېټه کله پای ته رسېږي؟

پارول کولی شي تر درې کلونو پورې ورکړل شي. ډیری هغه خلک چې د CBP One ملاقاتونو له لارې د امریکا-مکسیکو پولې ته داخل شوي، دوه کلنه پارول وخت ورکړل شوی و.

تاسې کولی شئ د خپل پارول وخت په خپل I-94 فورم کې وګورئ. تاسې کولی شئ خپل I-94 آنلاین دلته وګورئ. دولت ښایي د پارول پای نیټه بدل کړې وي په هغه آنلاین سیسټم کې د نیټې بدلولو له لارې.

خلک لا هم کولای شي چې د CBP One له لارې د داخلېدو لپاره وخت واخلي؟

نه، په جنوري ۲۰۲۵ کې، د امریکا حکومت د دې اجازه ورکول بند کړل چې خلک د CBP One اپلیکیشن په دې توګه وکاروي او ټول موجود ملاقاتونه لغوه کړل.

په مارچ ۲۰۲۵ کې، دولت د CBP One اپلیکیشن ځای ناستې ته یوه نوې اپلیکیشن چې "CBP Home" نومیږي، معرفي کړه. که څه هم دې نوې اپلیکیشن کې ځینې د اصلي CBP One اپلیکیشن ورته فعالیتونه شته، خو دا د هغې سره ورته نه ده. د CBP Home اپلیکیشن یوه داسې برخه لري چې افراد کولی شي حکومت ته ووايي چې دوی امریکا پریږدي. حکومت عمومًا خلکو ته سپارښتنه کړې چې د دې نوې ځانګړتیا څخه ګټه واخلي ترڅو "ځانګړی دیپورت" وکړي.

د پخواني CBP One اپلیکیشن کې د "CBP" وروسته کلمه "One"  وه. نوې اپلیکیشن، CBP Home، ډېر ورته ښکاري، خو پکې د "One" پر ځای "Home" لیکل شوي دي.

ما ته یو اطلاعیه راغلی چې وایي زما پارول پای ته رسېدلی. دا څه معنا لري؟

دا اطلاعیه څه ده؟

د ۲۰۲۵ کال د اپرېل په پیل کې، د امریکا حکومت ځینو کسانو ته داسې ایمیلونه لېږلي چې عنوان‌یې دی: "د پارول پای ته رسېدو خبرتیا". په دې ایمیلونو کې ویل شوي چې د کورني امنیت وزارت د دوی انفرادي پارول ختموي، او له هغوی غوښتنه شوې چې له هېواده ووځي. ځینې کسانو ته داسې نسخه رسېدلې چې وايي د هغوی پارول به په اوو ورځو کې پای ته ورسېږي. نورو ته بیا داسې نسخه رسېدلې چې وايي د هغوی پارول سمدستي پای ته رسېږي.

ځینې راپورونه ورکړل شوي دي چې هغه کسان چې دا خبرتیا یې ترلاسه کړې وه، وروسته یې یو بل پیغام هم ترلاسه کړی دی چې پکې دا خبرتیا "بېرته اخیستل" شوې او وضاحت ورکړل شوی چې دا خبرتیا په تېروتنه ورلېږل شوې وه. موږ نه پوهېږو چې څومره خلکو ته دا د بېرته اخیستلو پیغامونه لېږل شوي دي.

ولې ما ته دا اطلاعیه راغلې؟

حکومت تر اوسه نه دي اعلان کړي چې دا پرېکړه یې څنګه کړې چې چا ته دا خبرتیا واستوي. تر اوسه زموږ سره هېڅ داسې معلومات نشته چې وښيي یو ځانګړي شخص ولې دا خبرتیا ترلاسه کړې ده.

اوس چې دا اطلاعیه مې ترلاسه کړې، څه باید وکړم؟

ستاسو په خبرتیا کې ممکن ویل شوي وي چې باید فورا یا په راتلونکو اوو ورځو کې له هېواده ووځئ. مخکې له دې چې کومه پرېکړه وکړئ، باید ژر تر ژره له یو د مهاجرت له وکیل سره مشوره وکړئ، تر څو د خپلې ځانګړې قضیې په اړه سمه مشوره ترلاسه کړئ. ستاسو د راتلونکو ګامونو لپاره انتخابونه به پدې پورې تړلي وي چې آیا تاسو بله قانوني اقامه ترلاسه کړې ده، آیا کوم بل غوښتنلیک مو روان دی، او که تاسو د محکمې کومې ټاکلې نیټې ته په تمه یاست.

دا ډېر مهمه ده چې پوه شئ که تاسو د مهاجرت قاضي مخې ته د اورېدنې لپاره ټاکل شوې د محکمې نیټه ولرئ او تاسو حاضر نه شئ، نو قاضي به تاسو ته د "په غیابت کې د ایستلو حکم" صادر کړي. دا معنا لري چې که تاسو خپلې اورېدنې ته حاضر نه شئ، نو د مهاجرت قاضي به فورا ستاسو د ایستلو حکم صادر کړي. کله چې دا پرېکړه وشي، نو د محکمې قضیه بېرته پرانیستل ډېر سخت وي.

تاسو باید دا هم وپوهېږئ چې کېدای شي دا قانوني دلیلونه موجود وي چې دا ډول خبرتیا، چې ستاسو پارول ختموي، غیرقانوني وي. موږ په کلکه سپارښتنه کوو چې د دې موضوع په اړه حتماً له یو د مهاجرت له وکیل څخه ځانګړې قانوني مشوره واخلئ. همداراز، ځینې دعوې د حکومت پر وړاندې د پارول د تګلارو د بدلونونو په اړه وړاندې شوې دي، او امکان لري چې نورې دعوې هم په راتلونکي کې وړاندې شي. د دې قضیو پایلې ممکن ستاسو د قانوني وضعیت په اړه د وړاندې کېدونکو دلایلو اغېزمنې شي.

ځکه چې وضعیتونه ډېر ژر بدلیږي، نو دا ډېر مهمه ده چې د باور وړ او مستند سرچینو څخه تازه معلومات ترلاسه کړئ.

ما اورېدلي چې دولت د ټولو CBP One پارول لرونکو لپاره پارول ختموي، خو ما ته لا اطلاعیه نه ده راغلې. دا څه معنا لري؟

ولې ما ته لا دا اطلاعیه نه ده راغلې؟

دولت  تر اوسه نه دي اعلان کړي چې دا پرېکړه یې څنګه کړې چې چا ته دا خبرتیا واستوي. موږ تر اوسه هېڅ داسې معلومات نه لرو چې وښيي یو ځانګړی شخص ولې دا خبرتیا ترلاسه کړې ده.

که دولت تاسو ته دا خبرتیا لېږلې وي، احتمالاً یې هغه ایمیل پته کارولې چې تاسو یې د CBP One غوښتنلیک لپاره استعمال کړې وه. تاسو باید خپل هغه ایمیل حساب وګورئ، په ځانګړې توګه د سپم فولډر هم چک کړئ. همچنان، د CBP One برنامه اجازه ورکوله چې د مسافرو ډلې د یوه شخص د ایمیل پته لاندې راجستر شي. که چیرې بل چا تاسو د خپلې ډلې سره د اپوینتمنت لپاره ثبت کړی وي، نو ډاډ ترلاسه کړئ چې هغه شخص هم خپل ایمیل وګوري.

که ما لا تر اوسه دا اطلاعیه نه وي ترلاسه کړې، څه باید وکړم؟

د دې پروا نه لرئ چې تاسو خبرتیا ترلاسه کړې ده که نه، دا مهمه ده چې پوه شئ د امریکا حکومت ویلي چې د ډیری خلکو لپاره پارول پای ته رسوي. که تاسو دلته د CBP One پارول لاندې یاست خو تر اوسه دې خبرتیا ته نه یاست رسیدلی، نو تاسو باید هر څومره ژر چې ممکن وي له یوه وکیل سره مشوره وکړئ، ترڅو پوه شئ که ستاسو پارول تر هغه څه چې تاسو تمه لرله، مخکې پای ته ورسیږي، نو ستاسو اختیارونه څه دي.

زما پارول پای ته رسېدلی، یا دولت زما پارول لغوه کړی دی. څه باید پوه شم؟

زه څنګه کولای شم نور قانوني ډول په امریکا کې پاتې شم؟

دا د هر شخص لپاره مختلف دی، نو ستاسو د ځانګړې حالت لپاره د ځواب ترلاسه کولو ترټولو غوره لاره دا ده چې هر څومره ژر چې ممکن وي له یو د مهاجرت له وکیل سره مشوره وکړئ. کېدای شي تاسو نور اختیارونه ولرئ ترڅو په قانوني توګه په متحده ایالاتو کې پاتې شئ، خو دا به د ستاسو د ځانګړو شرایطو پراساس وي.

که له مهاجرتي چارواکو سره مخ شم، څه ممکن رامنځته شي؟

پارول لرونکي چې په تیرو دوو کلونو کې هیواد ته داخل شوي وي، ممکن د " ګړندي ایستلو" پروسې سره مخ شي. ګړندي ایستل هغه پروسه ده چې د امریکا حکومت ته اجازه ورکوي ترڅو خلک ډېر ژر ایستل کړي.
په ګړندي ایستل کې، تاسو حق نلرئ چې د قاضي مخې ته لاړ شئ. پر ځای یې، یو بل دولتي چارواکی کولی شي ستاسو ایستل بې له دې چې تاسو ته د خپلې قضیې د وړاندې کولو فرصت ورکړل شي، امر کړي.
کله چې حکم صادر شي، تاسو کولای شئ چې خپل هیواد ته بیرته ولېږدول شئ. ځینې وختونه، تاسو کولای شئ چې بل هیواد ته هم ایستل شئ. موږ دلته د ګړندي ایستلو په اړه نور معلومات لرو.

زه دا مهال د ICE سره د راپور ورکولو ملاقاتونو ته ځم. څه باید پوه شم؟

یو نوی سیاست چې د ۲۰۲۵ کال د مارچ په میاشت کې خپور شو، د مهاجرت افسرانو ته وايي چې کله دوی د ICE چک-ان غونډې ترسره کوي، نو باید د لاندې ډلو خلکو په اړه فکر وکړي چې که دوی د پناه غوښتنې غوښتنلیک نه وي ورکړی، نو باید د ګړندي ایستلو یا د مهاجرت په محکمه کې د ایستلو قضیې ته ولګول شي:

1. هغه کسان چې د امریکا متحده ایالاتو ته بې له اجازې داخل شوي دي خو د مهاجرت چارواکو له خوا په سرحد کې د امریکا ته د داخلېدو لپاره آزاد شوي، پرته له دې چې څومره وخت مخکې داخل شوي وي. 
2. هغه کسان چې د امریکا متحده ایالاتو ته داخل شوي وي او ورته "مشروط پارول" یا "پارول + د توقیف بدیلونه" ورکړل شوي وي. که ستاسو حالت همداسې وي، نو احتمالاً د مهاجرت افسرانو تاسو ته د داخلېدو پر مهال ویلي وي چې باید د  ICE  له خوا تر څار لاندې اوسئ، ترڅو توقیف نشئ — دا څارنه کېدای شي پښو ته الکترونیکی پایبند ایښوول، د ICE چک-ان غونډو ته تلل، یا افسر ته د خپلو عکسونو لېږل شامل وي. تاسو ته ښایي هم ویل شوي وي چې له یوې ټاکلې فاصلې څخه ډېر سفر نشئ کولی، یا دا چې د شپې له یوې ټاکلې ساعت وروسته له خپل کوره نه شئ وتلی. تاسو باید د ICE  له خوا داسې اسناد ترلاسه کړي وي چې دا شرایط پکې تشریح شوي وي. که تاسو مطمئن نه یاست چې دا شرطونه پر تاسو تطبیقېږي که نه، نو ښه ده چې له یو د مهاجرت له وکیل سره مشوره وکړئ.
3. هغه کسان چې د سرحد پر مهال د مهاجرت افسرانو له خوا ورته “د راپور ورکولو خبرتیا" ورکړل شوې وي. دا راپورورکولو خبرتیا یو سند دی چې تاسو ته وايي باید عموماً د ۶۰ ورځو دننه د ICE دفتر ته حاضر شئ. دا له  “د حاضرېدو خبرتیا” سره توپیر لري، چې پکې ویل کېږي حکومت غواړي ستاسو پر وړاندې د مهاجرت په محکمه کې قضیه پیل کړي.

د ګړندي ایستلو د پروسې په اړه د لا زیاتو او مفصلو معلوماتو لپاره، دلته وګورئ.

که د دې وروستیو پالیسۍ بدلونونو په اړه اندېښنه لرم، څه باید وکړم؟

تاسې ښايي د ټولنیزو رسنیو یا خپلو ټولنو له لارې د کډوالۍ د پالیسۍ د بدلونونو په اړه اوازه‌ګانې واورئ. کله چې دا ډول لوی بدلونونه رامنځته شي، نو ناسم معلومات ډېر ژر خپرېږي، چې دا یو معمول کار دی. مه وېرېږئ چې له بېلابېلو سرچینو معلومات ترلاسه کړئ، او هڅه وکړئ داسې منابع ولولئ یا وکاروئ چې د امریکایي وکیلانو له خوا لیکل شوي یا بیاکتل شوي وي. تاسې کولای شئ د معلوماتو لپاره دا پاڼه هم وګورئ.

که څوک اندېښنه لري چې دا پاليسي بدلونونه ممکن پر دوی د کډوالۍ په انفرادي قضيه اغېز ولري، نو بايد خپله موضوع له يو مهاجرت وکيل سره شريکه کړي. د هر چا قضيه له بلې فرق لري. يو کډوالۍ وکيل درسره مرسته کولی شي چې پوه شئ تاسو به د کومو مرستو لپاره د غوښتنليک وړتيا ولرئ، چې پکې پناه غوښتنه (asylum) هم شامله ده. که غواړئ په خپل سيمه کې يوه غيرانتفاعي اداره پيدا کړئ چې د کډوالۍ خدمات وړاندې کوي، نو دلته وګورئ.

که تاسو له USCIS سره درخواست روان لرئ یا مو مهاجرت محکمه کې دوسیه روانه وي، نو دا ډېره ښه ده چې د دې روانو درخواستونو یا دوسیو ثبوتونه له ځان سره وساتئ. که تاسو له دوه کلونو ډېر وخت د امریکا متحده ایالاتو کې اوسېدلي یاست، نو دلته یو څو اسناد دي چې ښيي تاسو څومره وخت دلته اوسېدلي یاست، او دا اسناد باید تل له ځان سره ولرئ، په ځانګړي ډول که د قانون پلي کوونکو چارواکو لخوا ودرول شئ:

-        د پارول  اسناد

-        د الوتکې ټکټونه

-        ایالتي آیدی کارت

-        د کتابتون کارتونه

-        هغه لیکونه چې د پوست له لارې ستاسو نوم او کور پته پرې ثبت وي

-        د مکتب اسناد

-        د کور کرایه‌ نامې او نور ورته اسناد چې ښيي تاسو له دوو کلونو زیات دلته اوسېدلي یاست

فرقي نه کوي چې تاسو څومره وخت د امریکا په متحده ایالاتو کې اوسېدلي یاست، تل هڅه وکړئ چې د خپل اوسني پارول، د I-94 فورم، او د کاري جواز ثبوت له ځان سره ولرئ.

نور معلومات او سرچینې

•    Know Your Rights information for immigrants from CASA
• Immigration Preparedness Toolkit from the Immigrant Legal Resource Center