دغه معلومات د 2019 کال د می میاشت کی اصلاح شویدی. اړتیاوی کیدای شی بدلون ومومی.

د سفر لپاره چمتووالۍ

• متحده ایالاتو کی د یو کس سره د اړیکی نیولو پلان جوړ کړۍ – د رارسیدو وروسته څومره ژر چی وکړای شۍ باید اړیکه ونیسۍ تر څو حد اقل یو کس به پوهیږی چی تاسی په هوایی ډګر کی توقیف شوی یاست. دا کس کیدای شی د کورنۍ غړۍ، ملګری او پخوانی آمر وی.  
  • هغه کس ته د پرواز معلومات ورکړی، چی په هغه کی ورځ، ساعت، او هغه هوایی ډګر ته چی تاسی رارسیږی شاملیږی.
  • تصمیم ونیسی چی هغه کس سره باید څنګه اړیکه ونیسۍ. آیا هغوی ته به د خپل تیلفون څخه زنګ وهۍ؟ آیا هغوی به تاسی ته په هوایی ډګرکی انتظار وی؟
  • هغوی سره د بیړنی پلان په هکله بحث وکړی، دا چی هغوی به څنګه اقدام وکړی که احیانا تاسی توقیف شي: هغوی باید ستاسی کیسه په رسنیو کی ووایی؟ آیا هغوی باید د انتخابی مقاماتو څخه د مرستی غوښتنه وکړی؟ آیا هغوی باید هڅه وکړی چی تاسی ته وکیل پیدا کړی چی ستاسی قضیه په محکمه کی ثبت کړی؟
• دغه اسناد ځان سره په خپل لاسی بکس کی د ځانه سره ولری نه غټو بکسونو یا بګاژونو کی:
  • ستاسی پاسپورت او د سفر اسناد
  • متحده ایالاتو کی ستاسی د ارتباطی کس د اړیکی معلومات
  • د خپلو حقونو باندی پوه شۍ اسناد.

کډوالۍ تفتیش ته د رسیدو څخه وړاندی

کله چی تاسی لمړی متحده ایالاتو ته راورسیدۍ، د امکان په صورت کی هڅه وکړی چی د خپل ارتباطی کس سره اړیکه ونیسۍ. که چیری تاسی پیغام د تیلفون د نه درلودلو له وجهی نشۍ لیږلۍ، نو هڅه وکړی چی په هوایی ډګر کی د انټرنټ وای فای ته ځان وصل کړی تر څو برښنالیک یا پیغام ولیږل شۍ. تاسی به د تیلفون د استعمال اجازه ونلری کله چی تاسی ګمرک یا د کډوالو ځانګری ساحی ته ورسیدۍ.

د کډوالۍ معاینه کول

د الوتکی څخه د کښته کیدو وروسته، تاسی به د پلټنی لپاره په قطار کی دریږۍ. د پلټنی په لمړی ساحه کی، آفسر ته د سفر اسناد ورکړی. کیدای شی ستاسی څخه د سفر اسنادو په هکله پوښتنی وشی لکه، تاسی ولی دی هیواد ته راغلی یاست او تاسی به د چا سره اوسیږۍ. پوښتنو ته په ریښتینی توګه ځواب ووایی. 

ستاسو عکس او د ګوتی نښان به اخیستل کیږی. متحده ایالات د دې حق لري چې د ټولو هغه شتمنیو پلټنه وکړي چې تاسی  یې راوړي ترڅو دا معلومه کړي چې ایا تاسی پدی هیواد کی د شتون اجازه باید ولری که نه. دا پدی معنی ده چی افسر کیدای شی ستاسو اسناد، ویډیوګانی او عکسونه چی تاسی په برقی وسایلو لکه مبایل یا کمپیوټر که ذخیره شویدی وګوری او کیدای شی هغوی ستاسی وسایل د اوږدی مودی لپاره د معاینی پخاطر د ځانه سره وساتی. البته تاسی کولای شی چی وسایل یا رمز د هغو سره شریک نکړی. البته که تاسی دا کار وکړی 

نو کیدای شی متحده ایالاتو ته د دخول اجازه درنکړل شی.

 پدی مرحله کی ددی امکان شتون لری چی افسر پریکړه وکړی چی تاسی ثانوی معاینی ته د ډیرو پوښتنو لپاره ور

 وغواړی. که تاسی چیری ثانوی پلټنی لپاره وغوښتل شوۍ، تاسی به بلی کوټی ته بیول کیږی. د انتظار په وخت کی تاسی ددی حق لری چی ډوډی، اوبو، د لمانځه ځای او تشناب ته لاسرسۍ ولرۍ. تاسی باید د افسر ته ووای که چیری تاسی درمل ته د لاسرسی اړتیا لری. که چیری تاسی د ثانوی پلټنی لپاره د دو ساعتو ډیر انتظار یاست، تاسی کیدای شی پوښتنه وکړی که چیری تاسی کولای شی په متحده ایالاتو کی خپل ارتباطی کس سره اړیکه ونیسی.

داسی اسناد مه امضاء کوۍ چی تاسی ورباندی نه پوهیږۍ.  که چیری انګلیسی ژبی په مفاهه کی ستونزه لری نو تاسی دا حق لرۍ چی د ژباړونکی غوښتنه وکړۍ.

لطفا په متحده ایالاتو کی خپل ارتباطی کس سره د معاینی د خلاصون وروسته ژر تر ژره اړیکه ونیسۍ تر څو دوی پوه شی چی آیا تاسی د معاینی څخه خلاص او یا که توقیف شوی یاست.

د پناه غوښتنې ادعا کول که چیرې معلومیږی چې ستاسی دخول به رد کیږی

که چیری تاسی متحده ایالاتو ته د دخول اجازه نده درکړل شوی او تاسی هیواد ته د بیرته ستنیدو د زیان ویره لرۍ، نو تاسی ممکن دا حق ولری چی په متحده ایالاتو کی پناه غوښتنه وکړۍ.

د پناه غوښتنی ادعا دا معنی لری چی تاسی متحده ایالاتو ته د رسیدو وروسته د کډوال تعریف ته وړ یاست. یو کډوال هغه څوک دی چی د تعقیب او ځورونی څخه ویره لری یا د تیرو نا خوالو چی د نسل، مذهب، تابعیت، په ځانګړی ټولنیز ګروپ کې غړیتوب، یا سیاسي نظر له امله ځورونی سره مخ شوی وی ګڼل کیږی. ځکه تاسی د متحده ایالاتو سره ستاسو د کار له امله جدي ګواښونه یا ځورونې تجربه کړې وی، تاسی ډیر احتمال لرئ د کډوال تعریف ته وړ کس وګڼل شۍ. که چیری تاسی د خپل میرمنی/ خاوند او ماشومانو سره یو ځای سفرکوۍ، نو په غوښتنلیک کی د هغوی نومونه هم درج کړۍ.

که چیری داسی ښکاری چی ستاسی د دخول څخه به انکار وکړی او تاسی غواړی په متحده ایالاتو کی پاتی شۍ او د پناه غوښتنه وکړی،  آفسر ته ووایاست چی تاسی ډاریږی چی هیواد ته بیرته ستانه شۍ، څرنګه چی ستاسی د کډوالۍ ځانګړی ویزی غوښتنلیک کی ښودل شوی دی. افسرته ووایاست چی تاسی د د اعتبار وړ د ډار مرکی د ترسره کولو حق لرۍ، چیری چی تاسی کولای شۍ دا ښکاره کړی چی تاسی د پناه غوښتلو وړتوب لپاره مهم امکانات لری.

کله چی تاسی خپل هیواد ته د بیرته ستنیدو یو ډار بیان کړ، تاسی به دهیواد څخه نه ایستل کیږی. تاسی به یا په هوایی ډګر کی یا به د توقیف په نورو تاسیساتو کی تر اعتبار وړ ډار مرکی پوری ساتل کیږی. پدی مرحله کی په متحده ایالاتو کی خپل ارتباطی کس سره اړیکه ونیسۍ البته که تر اوسه پوری مو نه وی نیولی او د هغوی څخه وغواړی چی تاسی ته وکیل پیدا کړی.

د اعتبار وړ د ډار مرکی وړاندی د انتظار مرحلی څخه استفاده وکړی او مرکی ته د تیارۍ په موخه یو وکیل سره خبری وکړۍ.

د اعتبار وړ د ډارمرکه کیدای شی مخامخ وی یا هم د تیلفون د لاری  واقع شی. تاسی ممکن دا حق ولری چی وکیل د ځانه سره مخامخ مرکی ته راولۍ او یا هم ستاسو تیلفونی مرکه کی ګډون وکړی.

کله چی تاسی د اعتبار وړ ډار مرکه تیره کړی، نو تاسی کولای شی  مخکی د کډوالۍ قاضی څخه د پناه غوښتنه وکړۍ. کله چی تاسی د پناه غوښتنه کوۍ، ممکن تاسی په توقیف کی پاتی شۍ. تاسی کولای شۍ د مجوز د لاری د بند څخه د آزادۍ غوښتنه وکړۍ. د اوسنۍ پالیسی په اساس،  هغه خلک چی د اعتبار وړ د ډار مرکه یی تیره کړی وی امکان لری د مجوز د لاری آزاد شی که چیری خپل هویت بنا کړی، دا پدی معنی چی دوی به د کډوالۍ استماعیه غونډی ته تشریف راوړی، او همدارنګه ټولنی ته به خطر نه وی.