د ځانګړي کډوالۍ ویزې (SIV) په اړه مهم تازه معلومات:

حکومت د افغانانو لپاره د ځانګړې کډوالۍ ویزې (SIV) غوښتونکو ته د ویزو ورکول ځنډولي دي.

د افغان ځانګړي کډوالۍ ویزې (SIV) پروګرام له مخې د COM تایید لپاره د غوښتنلیک سپارلو وروستۍ نېټه د ۲۰۲۵ کال د دسمبر ۳۱مه وه.

که تاسو د COM یوه پاتې غوښتنه ولرئ، د متحده ایالاتو حکومت ویلي دي چې ستاسو د پاتې COM غوښتنلیک لپاره د هر ډول پاتې اسنادو د سپارلو وروستۍ نېټه د ۲۰۲۶ کال د جون ۵مه ده.

که تاسو د COM د ردلیک (denial letter) ترلاسه کړئ او د استیناف (appeal) حق لرئ، نو تاسو باید د پرېکړې لیک له استول کېدو څخه ۱۲۰ ورځې وخت ولرئ، حتی که دا نېټه د ۲۰۲۶ کال د جون له ۵مې وروسته هم وي. د ۲۰۲۶ کال د جون د ۵مې نېټه یوازې د یوې ځنډېدلې غوښتنلیک لپاره د اضافي اسنادو سپارلو لپاره ده.

تاسو دلته پدې اړه نور معلومات ترلاسه کولی شئ چې دا د SIV غوښتونکو لپاره څه مانا لري.

دا مقاله وروستی ځل د ۲۰۲۶ کال د جون په ۲۹مه نېټه تازه شوې ده

لنډیز

دا لارښود هغو افغانانو ته معلومات ورکوي چې د متحده ایالاتو د حکومت یا یو امریکایي قراردادي لپاره یې کار کړی او د ځانګړي کډوالۍ ویزې لپاره غوښتنه کوي. دا په انټرنیټ کې ستاسو د پخواني څارونکي یا کارګمارونکي د لټون څرنګوالي په اړه معلومات ورکوي.

د دې لپاره چې د سپارښتنې او د کارموندنې د تایید په لیکونو کې باید څه شامل وي، د نورو معلوماتو لپاره مهرباني وکړئ دا لارښود وګورئ. 

د خپل څارونکي د لټون ځای:

• له خپلو هر هغه څارونکي سره اړیکه ونیسئ چې نومونه یې درته معلوم دي. هر څومره چې تاسو له ډیرو خلکو سره اړیکه ونیسئ، هغومره به د مثبت ځواب ترلاسه کولو احتمال ډیر وي.

•  په څومره لارو چې امکان لري اړیکه ونیسئ.

• ځینې څارونکي عام نومونه لري. د بېلګې په توګه، په متحده ایالاتو کې یو عام لومړی او تخلصي نوم مایک جانسن دی. ډیری خلک به دا نوم ولري. تاسو ممکن په ټولنیزو رسنیو کې د همدې نوم سره یو پروفایل ومومئ. تاسو کولی شئ یوه جمله پکې شامل کړئ چې وایي، "زه هیله لرم چې تاسو هماغه مایک جانسن یاست چې زما څارنه یې کوله."

• که څارونکي عامه نوم ولري، نو د خپل څارونکي د عکسونو لیدل هم ګټور کیدی شي، کوم چې د هغه په پېژندلو کې مرسته کولی شي.

دا هغه ویب پاڼې دي چې ځینو کسانو د خپلو څارونکو په لټون کې ګټورې ګڼلې دي:

• LinkedIn.com: ډیری څارونکي په لینکډین کې دي. د لټون په پورتنۍ کرښه کې د خپل څارونکي نوم ولټوئ. بیا، د سکرین په کیڼ اړخ کې، تاسو کولی شئ پایلې فلټر کړئ. د 'اوسني کارګمارونکي' یا 'پخواني کارګمارونکي' فلټر په کارولو سره فلټر کړئ.

•   Facebook.com: تاسو کولی شئ په فیسبوک کې له احتمالي څارونکو او کارګمارونکو سره اړیکه ونیسئ او خبرې اترې وکړئ. د هغوی نوم ولټوئ او د هغوی د کارموندنې له مخې یې فلټر کړئ.

خپل پخواني څارونکي یا ګمارونکي ته څنګه بریښنالیک واستوئ

•  که ستاسو څارونکی پوځي یا علمي لقب ولري، نو د مرستې غوښتنې په لومړني اړیکې کې یې په لقب سره خطاب کړئ. که نه، نو د "محترمه" (Ms.) یا "محترم" (Mr.) څخه کار واخلئ.

• خپل نوم ورکړئ. که تاسو مستعار نوم لرئ، خپل څارونکي یا کارګمارونکي ته خپل مستعار نوم ووایاست. ممکن دوی ستاسو مستعار نوم ستاسو له قانوني نوم څخه ډېر په یاد ولري.

• هغه نېټې او ځای ورکړئ چې تاسو له څارونکي یا کارګمارونکي سره کار کړی دی.

• خپل یو عکس هم ور ورسره ضمیمه کړئ. که لرئ، نو د خپل څارونکي یا کوم بل امریکایي پوځي یا دولتي کارکوونکي سره خپل عکس ور اضافه کړئ.

• تشریح کړئ چې تاسو د ځانګړي کډوالۍ ویزې پروګرام له لارې متحده ایالاتو ته د تللو لپاره غوښتنه کوئ. هغه خطر تشریح کړئ چې تاسو د خپل کار له امله ورسره مخ شوي یاست.

•  تشریح کړئ چې تاسو د خپلې غوښتنلیک لپاره د سپارښتنې لیک یا د بشري سرچینو (HR) لیک ته اړتیا لرئ.

•  که تاسو له هغوی څخه کومه زړه لیک ولرئ، نو باید هغه لیک له خپل بریښنالیک سره ضمیمه کړئ.

•  د سپارښتنې لیک یا د بشري سرچینو (HR) لیک اړتیاوو په اړه د متحده ایالاتو د بهرنیو چارو وزارت دا معلومات واستوئ.

•  د هغوی څخه د خپلې غوښتنې د پام کې نیولو لپاره مننه وکړئ. درناوی، ادب او صبر ولرئ. 

د مرستې غوښتنه

تاسو یا ستاسو خپلوان ممکن وغواړي چې د دې پروسې سره د مرستې لپاره د کډوالۍ له یوه وکیل څخه پوښتنه وکړي. دلته یو څو سرچینې دي:

• د دې وېب فورمې په کارولو سره له IRAP څخه د مرستې غوښتنه وکړئ.

•  له IRAP څخه د مرستې غوښتلو په اړه معلومات دلته دي.

• که تاسو په اردن کې یاست، تاسو کولی شئ د دې فورمې په کارولو سره د IRAP اردن څخه د مرستې غوښتنه وکړئ. که فورمه تړل شوې وي، تاسو کولی شئ وروسته بېرته وګورئ.

•  په متحده ایالاتو کې د مهاجرت د وړیا حقوقي خدماتو وړاندې کوونکو لیست دلته شتون لري.

• په متحده ایالاتو کې د شخصي مهاجرت وکیلانو لیست دلته شتون لري.