خلاصه

دا مقاله د هغو کسانو لپاره ده چې د دایمي قانوني استوګنې LPRs) یا د ګرین کارت لرونکي) حیثیت یې د افغان ځانګړي کډوال ویزې (SIV) له لارې ترلاسه کړی وي او هغوی ته خبر ورکړل شوی وي چې د دوی د COM (د ماموریت رئیس) لومړنۍ منظوري "لغوه" شوې ده.

په دې مقاله کې توضیح شوی چې د COM د منظوري د لغوه کولو خبرتیا ترلاسه کول څه معنا لري، تاسو څنګه کولی شئ دې پرېکړې ته اعتراض وکړئ، او دا حالت ستاسو د متحده ایالاتو قانوني وضعیت باندې څه اغېز لري. همدارنګه، مقاله دا ټینګار کوي چې یو محلي وکیل پیدا کړئ  څو له تاسو سره د بدیلو انتخابونو په ارزونه کې مرسته وکړي، چې خپل ځان او مهاجرتي وضعیت خوندي وساتئ.

"د ماموریت رئیس د افغان ځانګړي کډوال ویزې لپاره د ملاتړ لغوه کولو" لیک څه شی دی؟

که تاسو د ملي ويزې مرکز (NVC) لخوا یو ایمیل ترلاسه کړئ چې د afghansivapplication@state.gov   یا canvcafghansivapplication@state.gov   څخه استول شوی وي او یوه ضمیمه ولري چې د "رئیس هیئت نمایندګي لخوا د افغان ځانګړي مهاجر ویزې د ملاتړ لغوه کول" عنوان لري، تاسو باید په دقت سره په لیک کې ذکر شوې معلومات وڅیړئ.

دا لیک داسې ښکاري:

دا لیک به وضاحت تشریح کوي چې که څه هم تاسو په تیرو کې خپل SIV غوښتنلیک کې COM تایید ترلاسه کړی وو – ښایي څو کاله مخکې – د امریکا حکومت ستاسو قضیه بیا کتلي او پریکړه کړې چې دا تایید "لغو" کړي یا بیرته یې واخلي. کله ناکله دا هم "ابطال" بلل کیږي.

عموماً، په لومړي پاراګراف کې چې لاندې چک شوی خانې دي، د رئیس هیئت نمایندګۍ د ملاتړ د لغو کولو دلیل تشریح کیږي. دغه لیک به هم ووايي چې تاسو له هغې ورځې څخه چې لیک تاسو ته ایمیل شوی 120 ورځې وخت لرئ تر څو د دې پریکړې په اړه تجدید نظر وکړئ، لکه څنګه چې هر SIV غوښتنلیک کوونکی چې د خپل SIV غوښتنلیک پروسې په لومړیو مرحلو کې د COM ردولو لیک ترلاسه كوي. IRAP د COM رد کولو د تجدید نظر تیاري لپاره دلته معلومات لري.

که زما د لغوه کولو پر وړاندې اعتراض رد شي، څه به وشي؟ 

که تاسو یو اپیل وړاندې کړئ او وروسته له NVC څخه یوه لیک ترلاسه کړئ چې د "د افغان ځانګړي کډوال ویزې پروګرام لپاره د اپیل رد" په نوم وي، نو دې معنی لري چې ستاسو اپیل رد شوی دی. دغه لیک ممکن داسې ښکاري:

که تاسو دا ډول رد د غوښتنې لیک ترلاسه کړی وي، تاسو نور نشئ کولی د دې قضیې لپاره بل اپیل وړاندې کړئ. خو تاسو تل حق لرئ چې د COM نوی غوښتنلیک پیل کړئ. هر نوی COM غوښتنلیک باید هغه دلایل په پام کې ونیسي چې ستاسو په پخوانیو رد د غوښتنې یاداښتونو کې ذکر شوي و.

که تاسو د COM "د ملاتړ لغوه کولو" یاداښت ترلاسه کړئ او تاسو اپیل نه کوئ یا ستاسو اپیل رد شي، نو لغوه کول به نهایي شي. تاسو به نور د COM معتبر تایید ونه لرئ. دې مانا ده چې ستاسو اصلي دلیل د SIV ترلاسه کولو لپاره نور شتون نلري. نو له همدې امله، تاسو ممکن یو لیک د USCIS څخه هم ترلاسه کړئ چې تاسو ته خبر درکړي چې ستاسو اصلي ویزه "درخواست" هم لغوه شي.

د USCIS څخه "د لغوه کولو نیت اطلاع" څه دی؟

که ستاسو COM تایید لغوه شي، نو د SIV لپاره اصلي بنسټ نور شتون نلري. نو ځکه، د متحده ایالاتو د شهروندی او مهاجرت خدماتو اداره (USCIS) ممکن تاسو ته یو لیک واستوي چې "د لغو نیت اطلاعیه" نومیږي. د لیک لومړۍ صفحه ممکن داسې ښکاري:

د لیک دویمه پاڼه به هغه معلومات ولري چې وضاحت ورکوي چې ولې ستاسو د SIV لپاره اصلي اساس موجود نه دی. لیک به ووایي چې ستاسو د SIV بنسټیزغوښتنه (که ستاسو I-360 یا DS-157 وي) هم لغوه کیږي.

دا کیدای شي دا معنا ولري چې تاسو به د "اخراج پروسه" لاندې راشئ، چې دې سره د امریکا حکومت ممکن ستاسو د ګرین کارت لغو کولو او تاسو ته د امریکا متحده ایالاتو څخه د وتلو امر وکړي.

باقي کوم ګامونه باید پورته کړم؟ 

ځکه چې امکان لري ستاسو د COM تایید پراساس صادر شوی ګرین کارت لغوه شي، نو دا مهمه ده چې ټول هغه نور انتخابونه وپیژنئ چې ښايي ستاسو لپاره د دې لپاره موجود وي چې خپل قانوني حالت په متحده ایالاتو کې وساتئ. د مثال په ډول:

-        د پناه غوښتنې لپاره غوښتنه کول (مهرباني وکړئ یادونه وکړئ چې دا مطلب یوازې په انګلیسي ژبه ده)،

-        د لنډمهالي محافظت شوي وضعیت (Temporary Protected Status) لپاره غوښتنه کول، یا

-        د نورو لارو لپاره غوښتنه کول ترڅو په متحده ایالاتو کې پاتې شئ، چې دا ممکن ستاسو د ځانګړو شرایطو پر اساس شوني یا ناشوني وي.

تاسو باید د خپل سیمې له یو د مهاجرت وکیل سره مشوره وکړئ. د وړیا یا کم لګښتي خدماتو وړاندې کوونکو یو لست دلته شته او د پیسو په بدل کې خدماتو وړاندې کوونکو یو لست هم دلته شتون لري. دا لستونه په انګلیسي ژبه دي.