Mashruuca Caawinta Qaxoontiga Caalamiga ah (IRAP) waxa uu siiyaa caawimo sharci oo bilaash ah qaar ka mid ah qaxootiga iyo barakacayaasha.
- IRAP waxay caawisaa dadka qaar inay helaan adeegyo oo ay diyaariyaan codsiyada qaxootiga iyo fiisaha.
- IRAP kama mid aha dawlad, IOM, ama UNHCR.
- IRAP ma siin karto sharci qaxooti ama fiisooyin mana dadajin karto kiisaska.
- IRAP ma bixin karto kaalmo dhaqaale, ma heli karto ama ma bixin karto guryaha, mana heli karto shaqooyin.
- Dhammaan caawinta IRAP waa bilaash. Ma jiro qof ku xiran IRAP xaq uma laha inuu ku weydiiyo lacag ama adeeg kale.
IRAP waxay go'aansataa inay caawiso dadka iyadoo ku saleysan baahidooda iyo u qalmida heerka socdaalka. IRAP ma go'aansato in ay caawiso dadka iyada oo loo eegayo shuruudo kale oo bulsho ama siyaasadeed ama diimeed.
Mareegtan waxa ay ku siinaysaa macluumaad guud oo ku saabsan hababka sharci ee ay heli karaan qaxootiga qaarkood. Looma jeedo talo sharci ahaan codsiyada shakhsi ahaaneed.
Shuruudaha ayaa laga yaabaa inay isbedelaan. Had iyo jeer hubi shuruudaha hadda jira ee dawladda ama wakaalada markaad go'aaminayso codsigaaga.
Haddii aad ku jirto xaalad degdeg ah oo qaxooti, waxaan kugula talineynaa inaad la xiriirto xafiiska UNHCR ee dalka aad ku nooshahay.
Tan iyo Janaayo 20, 2025, dowladda Maraykanka waxay sameysay isbadallo badan oo siyaasadeed oo saameyn ku leh dadka ku sugan xududka Maraykanka iyo Mexico. Isbadalladan badan ayaa weli aad u jahwareersan, dhamaan qareennada iyo dadka isku dayaya inay soo galaan Maraykanka xuduudka. Halkan waxaa ku qoran waxa aan ilaa hadda ognahay:
CBP One Lama Heli Karo Mar Dambe
App-ka CBP One ee moobilka looma isticmaali karo ballamo la xiriira xadka mar dambe. Dawladda Mareykanka ayaa jojisay dhammaan ballamadii jiray. Ballamo cusub lama heli karo. Ma jiro hab kale oo ballamo loogu sameeyo in lagu tago xadka Mareykanka hadda.
Sharciga MPP ama “Sii Joogitaanka Mexico”
Dowladda Mareykanka ayaa sheegtay in sharciga MPP ama “Sii Joogitaanka Mexico” uu soo noqonayo. MPP wuxuu ahaa siyaasad ka dhigaysa dadka inay sugaan kiiska xeerka socdaalka Mareykanka ee Mexico. Hadda, ma garanayno cidda lagu dari doono barnaamijkan. Ma garanayno sida faahfaahinta barnaamijkan uu u shaqeyn doono markan, laakiin waxaan cusboonaysiin doonnaa boggan marka aan wax badan ogaano.
Tallaabooyin Kale oo Saameynaya Xududka Mareykanka-Mexico
Dowladda Mareykanka ayaa sheegtay in xududka Mareykanka iyo Mexico uu xiranyahay. Waxaan si sax ah u ogeyn waxa ay tani ka dhigan tahay. Waxay u muuqataa in dowladda Mareykanka ay sheeganeyso inay xaq u leeyihiin in dadka xadka lagu soo celiyo, iyaga oo aan marin nidaam sharci ah.
Si kastaba ha ahaatee, waxaan ognahay in dowladda Mareykanka ay ka shaqeyneyso in si dhaqso ah loo dhoofiyo dadka. Mararka qaarkood, taas ayaa ka dhigaysa mid aad u adag in dadka ay adeegsadaan xuquuqdooda, oo ay ku jirto xuquuqda ay u leeyihiin inay codsadaan magangelyo. Hadda, ma garanayno sida dadka ay ugu dalban karaan magangelyo xududka Mareykanka iyo Mexico.
Waxaan Cusboonaysiin Doonnaa Boggan Markaan Wax Badan Ogaano
Mar kale, xaaladdu waa mid aad aan lo hubin oo si degdeg ah iskubadelaysa hadda. Si kastaba ha ahaatee, IRAP waxay ku dadaali doontaa inay la wadaagto macluumaadka sida aan ugu baranayno.
Waxaan cusboonaysiin doonnaa boggan marka aan helno macluumaad dheeraad ah.