REMAK: Enfòmasyon sa yo se apati 7 Jen 2024 yo soti. Nou eseye mete yo ajou lè gen chanjman enpòtan, men li te kapab gentan chanje paske lwa imigrasyon Etazini yo chanje trè rapid. Enfòmasyon sa a se pou edikasyon nou men yo pa de konsèy legal. 

Ki sa atik sa a genyen ladan l?

1. Ki ajans ameriken ki ka mete moun nan prizon?
2. Ki moun yo ka mete moun nan prizon
3. Konbyen tan yo ka fè yon moun fè nan prizon
4. Kisa k ap pase lè yo mete yon moun nan prizon
5. Dwa moun ki nan prizon
6. Kijan pou konnen si yo mete nan prizon yon zanmi oswa manm fanmi.

1.  Ki Ajans Ameriken Ki Ka Mete Moun Nan Prizon?

Depatman Sekirite Enteryè Ameriken an fè pati gouvènman an. Yo gen de ajans ki ka kenbe moun anba lwa imigrasyon nan peyi Etazini:

1. Ranfòsman Imigrasyon ak Ladwàn (ICE): se responsab pou fè respekte lwa imigrasyon Ozetazini. ICE ka arete ak kenbe moun pou yon sèten kantite tan Ozetazini ki pa gen bon pèmisyon pou yo la oswa ki pa swiv règ yo pou antre Ozetazini.
2. Pwoteksyon Ladwann ak Fwontyè Etzini (CBP) reponsab pou bay moun antre Etazini nan pò antre yo epi Garati ke moun yo aplike lalwa ameriken sou fwontyè antre yo. CBP ka arete nenpòt moun ki ap chache antre Etazini nan yon pòt antre yo. CBP arete moun kap eseye antre Etazini nan de kote, la hielera ansanm ak la perrerai, men tou genyen lòt kote yo ka mete migran yo nan prizon pou plis tan.

2. Èske Yo Ap Mete Mwen Nan Prizon?

Nenpòt moun ka arete lè w ap apwoche fwontyè ameriken an, tankou moun ki antre ak yon randevou, moun ki eseye travèse nan yon pò antre san randevou, ak moun ki travèse san pèmisyon epi yo kenbe li.

Posibilite pou yo aretew la ogmante si ou:

• te depòte Etazini deja ; 
• ki gen pase kriminèl nan nenpòt peyi a;
• ou pa gen yon randevou ak CBP ;
• ap eseye antre Etazini san pèmisyon; epi/oswa 
• se yon granmoun ki ap vwayaje pou kont ou san yon timoun minè. 

Gen yon randevou pou prezante sou fwontyè a baw plis garanti pou yo pa arete w.

3. Si Yo mete m nan Prizon, Pou Konbyen Tan Mwen Ap nan Prizon?

Bagay ki afekte konbyen tan yo kenbe w nan prizon:

1. Ki ajans ki kenbe w (ICE oswa CBP)

2. Si w kalifye pou liberasyon imigrasyon

3. Si ou gen yon istwa imigrasyon nan peyi Etazini.

4. Si ou gen yon istwa kriminèl nan peyi Etazini.

CBP mete imigran ki toupre fwontyè a nan prizon. Kisa CBP ka fè?

• Yo ka refize antre nan peyi Etazini nan
  • Fèw retounen nan peyi lakay ou oswa
  • Voye ou Meksik si ou soti Meksik, Ayiti, Kiba, Nikaragwa, oswa Venezyela.
•  Kenbe ou pou de semèn.
• Kenbe ou jiskaske yo fè entèvyou kredib laperèz oubyen entèvyou rezonab laperèz.
• Voye w nan yon sant detansyon Imigrasyon ak Ladwàn (ICE).

Si yo voye w nan yon sant detansyon ICE, kisa ICE ka fè?

• Depòte w, sa ka pran jou, mwa oswa ane.
• Lage w pou konplete ka w an deyò prizon an oswa kenbe w jiskaske yon tribunal pran yon desizyon final nan ka imigrasyon w la, sa ki ka pran jou, mwa oswa ane. 

4. Kisa k ap pase nan Prizon Imigrasyon a?

Pifò moun yo te arete yo pral depòte byen vit atravè yon pwosesis ki rele " depòtatasyon akselere". Sa rive souvan nan lokal detansyon CBP yo.

Ki jan sa ye nan sant prizon CBP yo?

• Li kapab trè difisil.
• Konfidansyalite, swen medikal, ak douch yo limite.
• CBP ka pa gen kabann, epi ou ka oblije dòmi atè a.
• Yo pral pran nan men w bagay tankou telefòn ak dokiman yo. Pou rezon sa a, moun ki ka antre nan CBP/ICE ta dwe memorize nimewo telefòn enpòtan yo e voye pa imèl kopi dokiman enpòtan bay moun ou fè konfyans yo davans.
• Ou gen dwa pou pale ak avoka, ak fanmi, men aksè nan telefòn yo trè limite.
• Ou gendwa pa gen aksè a dokiman ka w la oswa menm yon plim ak papye.

Ki jan sa ye nan sant prizon ICE a?

• Li kapab trè difisil.
• Yo pral pran nan men w bagay tankou telefòn ak dokiman yo. Pou rezon sa a, moun ki ka antre nan CBP/ICE ta dwe memorize nimewo telefòn enpòtan yo e voye pa imèl kopi dokiman enpòtan bay moun ou fè konfyans yo davans.
• Ou gen dwa pou mande swen fizik, dantè, ak swen medikal, men souvan moun yo resevwa swen ki pa apwopriye.
• Ou gen dwa pou pale ak avoka ak fanmi. Ou pral oblije peye pou apèl ou fè nan prizon an. Ou ka fè apèl gratis bay avoka atravè pwogram espesyal.
• Ou ka travay sou aplikasyon imigrasyon nan prizon an epi ou ka mande aksè nan yon bibliyotèk lalwa sou plas.

Si w nan pwosesis depòtasyon rapid (“depòtatasyon akselere”) epi ou di ofisyèl Ameriken yo ke ou pè pou w retounen nan peyi w, w ap oblije fè yon “Entèvyou Laperèz Kredib” oswa “Entèvyou Laperèz Rezonab”. Sa a se yon entèvyou kote yo pral poze w kesyon sou poukisa ou te kite peyi orijin ou epi yon ofisye ap deside si ou ka avanse epi aplike pou azil. 

5. Ki Dwa Moun Gen nan Prizon?

Tout moun gen dwa pou yo pale ak yon avoka pou kont li lè yo nan prizon. Sepandan, gouvènman ameriken an pa pral bay oswa peye pou yon avoka.

Ki jan ou ka pale ak yon avoka?

•  Nan sant CBP, ou kapab sèlman kontakte avoka nan telefòn. 
• Nan etablisman ICE, ou kapab kontakte yon avoka nan telefòn oswa atravè yon vizit an pèsòn.

Jwenn yon avoka se trè difisil pandan ke ou nan prizon. Sepandan, pale ak yon avoka se pi bon fason pou yon moun konnen opsyon yo sou fason pou soti nan prizon.

Ki jan moun jwenn yon avoka?

•  Nan lokal CBP yo, li pi difisil paske li difisil pou pale ak fanmi, epi paske entèvyou ak ofisye imigrasyon yo rive byen vit - menm nan kèk èdtan. Nan lokal CBP ta dwe genyen yon lis avoka gratis nan chak kabin telefòn. Manm fanmi yo ta dwe gade nan lis sèvis legal itil ki ka ede yon moun ki nan prizon an: https://www.justice.gov/eoir/page/file/1582586/download 

• Nan lokal ICE yo, gen founisè sèvis legal gratis. Founisè sa yo anpil fwa bay enfòmasyon ak èd sou fason pou mande pou yo libere w nan prizon ICE. Moun ki gen pwòp avoka yo p ap kapab resevwa èd atravè founisè sèvis legal gratis sa yo, men gen lòt sèvis ki disponib pou yo.
  • Nan ICE, ou ka jwenn avoka lè w itilize:
    • Ou ka jwenn lis EOIR Founisè Sèvis Legal Pro Bono yo (nan: https://www.justice.gov/eoir/list-pro-bono-legal-service-providers
    • OSWA konpoze 2150# depi nan sant prizon an) ki montre òganizasyon san bi likratif ki bay yon “Pwogram Oryantasyon Legal (LOP)” nan chak lokal pou bay enfòmasyon legal, resous, epi reponn kesyon. Men, yo pa ka bay avoka endividyèl.
    • Ou ka jwenn Direksyon Sèvis Legal Imigrasyon Nasyonal (nan: https://www.immigrationadvocates.org/nonprofit/legaldirectory/) ki gen yon lis òganizasyon san bi likratif ki bay sèvis imigrasyon legal gratis oswa a pri ki ba.
    • Ou ka jwenn Pwojè Defans Moun k ap Chèche Azil la (nan: https://help.asylumadvocacy.org/private-attorneys/) bay yon lis avoka imigrasyon ki reprezante moun gratis.

Ki jan moun ki nan prizon yo rele fanmi yo?

Moun yo te arete yo kapab fè apèl depi anndan sant prizon an, men yo bezwen peye pou sa. Pa gen moun ki andeyò sant prizon an ki ka rele sant la pou pale dirèkteman ak moun ki chè pou yo a. Sepandan, moun ki andeyò sant prizon an kapab kite mesaj pou moun yo te arete a. Pou plis enfòmasyon vizite: https://www.ice.gov/detention-facilities.

ENPÒTAN: *Ofisyèl gouvènman ameriken an anrejistre epi revize apèl pa telefòn yo oswa videyo ki fèt ak moun ki pa avoka.*

6.     Kijan pou w konnen si yon manm fanmi/zanmi nan prizon imigrasyon?

Lè w ap eseye jwenn yon moun yo ka te arete, sèvi ak ICE Online Detainee Locator System nan https://locator.ice.gov/odls/#/index.

Pou w fè rechèch:

1. Antre Nimewo-A yon moun (nimewo idantifikasyon imigrasyon 9 chif li) ak peyi li fèt. *Si nimewo-A gen 8 chif, ajoute yon zewo nan kòmansman an.

2. Antre enfòmasyon pèsonèl yo tankou non ak siyati yo jan sa ye sou dokiman ki gen rapò ak imigrasyon yo, ak peyi yo fèt la. *Si li pa mache, eseye òtograf non an yon lòt jan.

3. Si de opsyon ki anwo yo pa mache epi yo pa jwenn okenn dosye, tanpri kontakte Liy Enfòmasyon ak Rapò Detansyon ICE ERO nan 1-888-351-4024.

4. Moun ki te arete nan prizon CBP yo pou plis pase 48 èdtan ka lokalize tou nan sistèm sa a apati jen 2024.

Yon fwa yo jwenn yon moun nan sistèm nan, lap montre non yo ak adrès lokal prizon yo ye a.