Սույն հոդվածը վերջին անգամ խմբագրվել է 2025 թվականի մայիսի 20-ին:

Ամփոփ նկարագիր

ԱՄՆ-ում որոշ անհատներ կարող են դիմել իրենց ազգականներին Միացյալ Նահանգներում միանալու համար: Այս ուղեցույցում թվարկված են ընտանիքի վերամիավորման որոշ դիմումներ: Այն չի ներառում ընտանիքի վերաբերյալ դիմումների բոլոր ծրագրերը:

Ընտանիքների վերամիավորման ծրագրերի իրավասությունը հիմնականում պայմանավորված է հետևյալով. 

• Միացյալ Նահանգներում  անձի իրավական կարգավիճակով,
• Միացյալ Նահանգներում գտնվող անձի և նրա ազգականի միջև հարաբերություններով։ 

Կարևոր է նաև հասկանալ, որ.

• Բոլոր ծրագրերը պահանջում են փաստաթղթեր և այլ ապացույցներ այն մասին, որ ԱՄՆ-ում գտնվող անձն իրավասու է դիմելու իր ազգականի հետ վերամիավորվելու համար:
• Որոշ ծրագրեր ունեն կոնկրետ ժամկետներ կամ վճարներ: Ոմանք կարող են դիմել մեկից ավելի ծրագրերի նույն ազգականին օգնելու համար: 
• Շատ դեպքերում չկա համապատասխան ծրագիր ավելի հեռավոր ազգականներին օգնելու համար:

Յուրաքանչյուր ծրագրի համար այս ուղեցույցը հղումներ է կատարում այլ հոդվածների՝ լրացուցիչ տեղեկությունների համար:

ԱՄՆ քաղաքացիներ և Միացյալ Նահանգներում օրինական մշտական ​​բնակիչներ

ԱՄՆ քաղաքացիները և օրինական մշտական ​​բնակիչները կարող են դիմել որոշ ազգականների՝ Միացյալ Նահանգներ տեղափոխվելու համար: Որոշ իրավիճակներում հարազատները ստիպված կլինեն երկար տարիներ սպասել, մինչև նրանք կարողանան տեղափոխվել Միացյալ Նահանգներ:

Օրինական մշտական ​​բնակիչները (LPR-ներ) կոչվում են նաև կանաչ քարտ ունեցողներ: Նրանք կարող են դիմել իրենց ամուսնու/կնոջ և չամուսնացած երեխաների՝ ԱՄՆ գալու համար։

ԱՄՆ քաղաքացիները կարող են դիմել իրենց ամուսնու/կնոջ և ցանկացած տարիքի կամ ամուսնական կարգավիճակ ունեցող երեխաների համար: 21 տարեկանից բարձր ԱՄՆ քաղաքացիները կարող են դիմել նաև իրենց եղբայրերի, քույրերի և ծնողների համար: 

Անհատները ներկայացնում են I-130 ձևաթուղթ՝ այս դիմումի գործընթացը սկսելու համար: Լրացուցիչ տեղեկություններ I-130 գործընթացի մասին՝ այստեղ։

Վերջապես, ԱՄՆ քաղաքացիները կարող են նաև դիմել իրենց փեսացուի/հարսնացուի համար, որպեսզի նա տեղափոխվի Միացյալ Նահանգներ նախքան ամուսնանալը: Նրանք ներկայացնում են I-129F ձևաթուղթ՝ այս գործընթացը սկսելու համար։ Լրացուցիչ տեղեկություններ փեսացուի/հարսնացուի վիզայի գործընթացի մասին` այստեղ։

Սիրիացի և իրաքցի ազգականներ ունեցող ԱՄՆ քաղաքացիներ և օրինական մշտական ​​բնակիչներ

Նախկինում Իրաքի կամ Սիրիայի քաղաքացին, որն ուներ հաստատված I-130 (ինչպես նկարագրված է վերևում), նույնպես կարող էր դիմել Միացյալ Նահանգներում փախստականի կարգավիճակ ստանալու համար: Սակայն 2025 թվականի հունվարին նախագահ Թրամփը հրամանագիր է արձակել, որով դադարեցվել է ԱՄՆ փախստականների ընդունման ծրագիրը (ԱՄՆ ՓԸԾ, USRAP): Իրաքցիների և սիրիացիների ուղղակի մուտքի ծրագրերը ԱՄՆ ՓԸԾ մաս են կազմում, ուստի դրանք նույնպես դադարեցվել են: Սա նշանակում է, որ ներկա պահին ԱՄՆ կառավարությունը չի ընդունում նոր դիմումներ այս ծրագրում:

Փախստականների վերաբնակեցումը դադարեցնելու մասին լրացուցիչ տեղեկություններ կարող եք գտնել այստեղ:

Հաստատված I-130 ունեցող իրաքցիների և սիրիացիների ուղղակի մուտքի ծրագրի վերաբերյալ զարգացումների մասին լրացուցիչ տեղեկություններ կարող եք գտնել այստեղ:

ԱՄՆ քաղաքացիները և Միացյալ Նահանգներում օրինական մշտական բնակիչները, որոնք ունեն ազգականներ Կոլումբիայում, Կուբայում, Էկվադորում, Գվատեմալայում, Հայիթիում կամ Սալվադորում

ԱՄՆ այն քաղաքացիները և Միացյալ Նահանգներում օրինական մշտական այն բնակիչները, որոնք ունեն ազգականներ Կոլումբիայում, Կուբայում, Էկվադորում, Գվատեմալայում, Հայիթիում կամ Սալվադորում, նախկինում կարող էին իրենց ազգականներին բերել Ընտանիքի վերամիավորման պայմանական վաղաժամկետ ազատման (ԸՎՊԱ (FRP)) գործընթացի միջոցով: Սակայն ԱՄՆ կառավարությունը դադարեցրել է ԸՎՊԱ դիմումների ընդունումը 2025 թվականի հունվարին: ԱՄՆ քաղաքացիները և օրինական մշտական ​​բնակիչները դեռևս կարող են շարունակել դիմումներ ներկայացնել այդ երկրներից իրենց ազգականների համար I-130 ձևաթղթերի միջոցով: I-130 գործընթացի մասին լրացուցիչ տեղեկություններ կարող եք գտնել այստեղ:  

Փախստականները և ապաստան ստացածները Միացյալ Նահանգներում

Մարդիկ, ովքեր հաստատել են ապաստանի կարգավիճակը Միացյալ Նահանգներում, կարող են դիմել իրենց ամուսնու/կնոջ հետ վերամիավորվելու համար: Նրանք կարող են նաև դիմել իրենց երեխաների հետ վերամիավորվելու համար` կախված երեխաների տարիքից և ընտանեկան կարգավիճակից։ Նրանք կարող են դա անել` I-730 կոչվող ձևաթղթի միջոցով: Այս ծրագրին դիմելու համար կա երկու տարվա ժամկետ: I-730 գործընթացի մասին լրացուցիչ տեղեկություններ կարող եք գտնել այստեղ։

Ապաստան ստացածների նման` այն մարդիկ,  որոնք վերաբնակվել են Միացյալ Նահանգներում որպես փախստականներ, կարող են դիմել իրենց ամուսինների/կանանց և 21 տարեկանից փոքր չամուսնացած երեխաների հետ վերամիավորվելու համար` I-730 ձևաթղթի միջոցով: Սակայն 2025 թվականի հունվարին նախագահ Թրամփը հրամանագիր է արձակել` դադարեցնելով ԱՄՆ փախստականների ընդունման ծրագիրը (USRAP): Այս դադարեցումը վերաբերում է նաև վերաբնակեցված փախստականների ազգականների անունից ներկայացված I-730 գործերին: I-730 գործընթացի մասին լրացուցիչ տեղեկություններ կարող եք գտնել այստեղ, իսկ ներկայիս վերաբնակեցումը դադարեցնելու վերաբերյալ լրացուցիչ տեղեկություններ` այստեղ:

Գոյություն ունի նաև մեկ այլ ծրագիր փախստականի կամ ապաստան ստացողի կարգավիճակ ունեցող մարդկանց ընտանիքի անդամների, ինչպես նաև Աֆղանստանի և Իրաքի` հատուկ ներգաղթային վիզաներ (SIV) ունեցող քաղաքացիների համար, որը կոչվում է «Առաջնահերթություն 3» ընտանիքների վերամիավորման ծրագիր: Սակայն 2025 թվականի հունվարին նախագահ Թրամփը հրամանագիր է արձակել` դադարեցնելով ԱՄՆ փախստականների ընդունման ծրագիրը (USRAP): «Առաջնահերթություն 3» ծրագիրն այս պահին դիմումներ չի ընդունում: Առաջնահերթություն 3 գործընթացի մասին լրացուցիչ տեղեկություններ կարող եք գտնել այստեղ, իսկ ներկայումս վերաբնակեցումը դադարեցնելու մասին լրացուցիչ տեղեկություններ` այստեղ:

Միացյալ Նահանգներում իրաքցի և աֆղանստանցի հատուկ ներգաղթային վիզաներ (SIV) ստացողները

Միացյալ Նահանգներում իրաքցի և աֆղանստանցի հատուկ ներգաղթային վիզաներ (SIV) ստացողները կարող են դիմել իրենց ամուսնու /կնոջ և երեխաների հետ որոշ իրավիճակներում միանալու համար: Սա կոչվում է «հետևել միանալու համար» SIV-ին: Լրացուցիչ տեղեկություններ ներկայացված են IRAP-ի այս ուղեցույցում՝ հատուկ ներգաղթային վիզաներ (SIV) ստացողների հարազատների համար:

Աֆղանստանցի պայմանական վաղաժամկետ ազատված անձինք, որոնք բաժանված են իրենց ամուսիններից/կանանցից և երեխաներից

Պետքարտուղարությունն ունի աֆղանական ընտանիքների վերամիավորման կայքէջ։ Կայքն ունի ձևաթուղթ այն աֆղանստանցիների համար, ովքեր տարհանվել են Միացյալ Նահանգներ և ովքեր ստացել են պայմանական վաղաժամկետ ազատություն  և մնում են պայմանական վաղաժամկետ ազատման իրենց ժամանակահատվածում կամ ստացել են ժամանակավոր պաշտպանության կարգավիճակ` դիմելու ընտանիքի վերամիավորման համար: Ձևաթուղթը կոչվում է DS-4317 և հասանելի է այստեղ։

Իրանցի կրոնական փոքրամասնության ներկայացուցիչներ, որոնք ունեն ազգականներ Միացյալ Նահանգներում

ԱՄՆ-ում օրինական կերպով բնակվող անձինք կարող են օգնել իրենց` իրանցի կրոնական փոքրամասնություն համարվող ազգականներին դիմել փախստականների վերաբնակեցման համար Լաուտենբերգ ծրագրի շրջանակներում: Սակայն 2025 թվականի հունվարին նախագահ Թրամփը հրամանագիր է արձակել` դադարեցնելով ԱՄՆ փախստականների ընդունման ծրագիրը (USRAP), և այն չի ընդունում նոր դիմումներ այս պահին: Լաուտենբերգի ծրագրի վերաբերյալ լրացուցիչ տեղեկություններ կարելի է գտնել այստեղ, իսկ ներկայումս վերաբնակեցումը դադարեցնելու մասին լրացուցիչ տեղեկություններ` այստեղ:

Մարդիկ Էլ Սալվադորից, Գվատեմալայից և Հոնդուրասից, որոնք ազգականներ ունեն Միացյալ Նահանգներում

Կենտրոնական Ամերիկայի անչափահասների  վերաբերյալ (CAM) ծրագիրը օրինական ճանապարհ է Էլ Սալվադորում, Գվատեմալայում և Հոնդուրասում հալածանքների կամ վտանգի ենթարկված երեխաների և ընտանիքի այլ անդամների համար՝ վերամիավորվելու Միացյալ Նահանգներում օրինականորեն ներկա ծնողների հետ: Սակայն 2025 թվականի հունվարին նախագահ Թրամփը հրամանագիր է արձակել` դադարեցնելով ԱՄՆ փախստականների ընդունման ծրագիրը (USRAP):  Կենտրոնական Ամերիկայի անչափահասների  վերաբերյալ (CAM) ծրագիրը հանդիսանում է ԱՄՆ փախստականների ընդունման ծրագրի (USRAP) մաս, և այն չի ընդունում նոր դիմումներ այս պահին:  Կենտրոնական Ամերիկայի անչափահասների  վերաբերյալ (CAM) ծրագրի վերաբերյալ լրացուցիչ տեղեկություններ կարելի է գտնել այստեղ, իսկ ներկայումս վերաբնակեցումը դադարեցնելու մասին լրացուցիչ տեղեկություններ` այստեղ։