IRAP یو چت بات ډیزاین کړی دی چې کډوال او د هغوی کورنۍ کولی شي هغه د حقوقي معلوماتو د پیدا کولو، د کډوالو د بیامیشتیدنې اړوندو حقوقي مرستو د ترلاسه کولو، د کورنیو د یوځای کیدنې او د کډوالۍ ځانګړو ویزو (SIVs) اړوندو حقوقي مرستو د غوښتې لپاره وکاروي. موږ ددې کمپیوټري سیسټم په اړه دا لاندې ډیرې پوښتل شوې پوښتنې ترلاسه کوو: 

چت بات څه شی دی؟

چت بات یو کمپیوټري پروګرام دی چې له کاروونکو سره د اړیکو نیولو او هغوی ته د ګټورو معلوماتو او خدمتونو د وړاندې کولو لپاره ډیزاین شوی دی. 

د IRAP چت بات څه کوي؟

IRAP دغه چت بات ډیزاین کړی دی ترڅو تاسو ته د کډوالو د بیامیشتیدنې، د کورنیو د یوځای کیدنې او د کډوالۍ ځانګړو ویزو (SIVs) اړوند حقوقي معلومات درکړي. چت بات همداراز دا روښانه کوي چې آیا IRAP کولی شي تاسو سره مرسته وکړي که نه.  

IRAP ولې له چت بات څخه کار اخلي؟

IRAP د مرستې لپاره ګڼ شمیر غوښتنلیکونه ترلاسه کوي. له بده مرغه، دا موږ لپاره ډیره ستونزمنه ده چې ټولو غوښتنو ته ځواب ورکړو. زموږ چت بات کولی شي حقوقي معلومات خپاره کړي او قضیې د IRAP د مرستې لپاره په ډیره اغیزمنه توګه وارزوي. 

آیا کولی شم د چت بات له لارې له IRAP څخه د مرستې غوښتنه وکړم؟

هرڅوک کولی شي چې له IRAP څخه د مرستې د ترلاسه کولو لپاره له چت بات څخه استفاده وکړي. خو سره له دې هم، چت بات تاسو ته یوازې په هغه صورت کې د مرستې د غوښتنې اجازه درکوي چې که تاسو په داسې یو حالت کې یاست چې IRAP کولی شي تاسو سره مرسته وکړي او که چیرې IRAP نوې قضیې مني. 

زه کومې مرستې ترلاسه کولی شم؟

زموږ د خدمتونو په اړه د لازیاتو معلوماتو لپاره مهرباني وکړئ دغه مطلب ولولئ.

IRAP ولې زموږ په سیمه کې د بیامیشتیدنې نوې قضیې نه مني؟

IRAP کولی شي یوازې محدود شمیر قضیې په یو وخت کې ومني. همدارنګه، IRAP په هر هیواد کې د هرډول غوښتنلیک سره مرسته نشي کولی. دغه لارښود د هغو مرستو په اړه چې IRAP یې برابروي، ډیر وضاحت ورکوي. 

که چیرې چت بات تاسو ته وویل چې موږ ستاسو له هیواد څخه غوښتنلیکونه نه منو، زموږ فیسبوک او وب پاڼه تعقیب کړئ. که چیرې داسې بدلونونه رامنځته شي چې ښیي کوم خلک کولی شي IRAP ته خپل غوښتنلیکونه وړاندې کړي، موږ به دغه بدلونونه او معلومات په فیسبوک او وب پاڼه کې خپاره کړو. 

زما غوښتنې ته ځواب ویل څومره وخت نیسي؟

معمولا دوو څخه تر څلورو اوونیو پورې وخت نیسي چې د IRAP ټیم د چت بات له لارې ترلاسه شویو غوښتنو ته ځواب ورکړي. که چیرې موږ د مرستې لپاره ډیر شمیر غوښتنې ولرو، کله ناکله کیدی شي غوښتنو ته ځواب، ډیر وخت ونیسي. 

که تاسو زما غوښتنې ته ځواب نه وي ورکړی، آیا زه باید مرستې لپاره بله غوښتنه وسپارم؟ 

مهرباني وکړئ د مرستې لپاره ډیرې غوښتنې مه لیږئ. موږ یو کوچنی ټیم یو، او د ډیر شمیر غوښتنو لیږل کولی شي د هرې غوښتنې کتل او ارزول لا ستونزمن کړي. 

زه څرنګه له چت بات سره خبرې وکړم؟

چت بات سره د خبرو کولو لپاره، په تلیګرام کې add @irapchatbot ولیکئ یا په فیسوک کې موږ ته پیام ولیږئ. وروسته، د لومړي پیام په توګه، “hello” تایپ کړئ. چت بات به تاسو ته ځواب درکړي او تاسو څخه به ستاسو د حالت په اړه یو شمیر پوښتنې وکړي. 

 که تاسو تلګرام کاروئ، د متن تشې یا text box ته نږدې د کړکۍ یا window په تڼۍ کلیک وکړئ ترڅو وګورئ چې پیام ته د ځواب لپاره کوم انتخابونه موجود دي. دا انتخابونه په اتومات ډول په فیسبوک کې څرګندیږي.  

که زه د چت بات سره د خبرو پرمهال تیروتنه وکړم نو څه باید وکړم؟

چت بات سره د خبرو له پیلولو وروسته، تاسو نشئ کولی چې چت بات ته سپارل شوي ځوابونه بدل کړئ. که تاسو تیروتنه وکړه،  د “hello” په لیکلو سره، مکالمه له سره پیل کړئ. تاسو کولی شئ هروخت چې وغواړئ د “end” په لیکلو سره، مکالمه پای ته ورسوئ. 

په چت بات کې د تیروتنې رپوټ څنګه ورکړم؟ 

 که تاسو د چت بات د کارولو پرمهال له کومې ستونزې سره مخ شئ، په چت یا مکالمه کې “000” ولیکئ. دا به مکالمه پای ته ورسوي. تاسو څخه به د هغې ستونزې په اړه د معلوماتو غوښتنه وشي چې تاسو ورسره مخ یاست. IRAP نشی کولی چې مستقیم دغو پیغامونو ته ځواب ووایي، خو موږ د نظریاتو څارنه کوو او د اړتیا په صورت کې، خپل چت بات نوی کوو