دا معلوماتي سند د 2025 کال د می په 20 مه نوی شوی دی

لنډیز

په متحده ایالاتو کې ځینې کسان کولی شي د خپلو کورنیو غړو لپاره درخواست کړي ترڅو په متحده ایالاتو کې له هغوی سره یوځای شي. دغه لارښود د کورنیو د بیرته یوځای کیدو په باب ځیني غوښتنلیکونه وړاندې کوي. دغه لارښود د کورنیو د بیرته یوځای کیدنې لپاره د غوښتنلیکونو ټول پروګرامونه ترپوښښ لاندې نه راولي.

کورنۍ سره د یوځای کیدنې د پروګرام واجدیت شرایط عموما:

• په متحده ايالاتو کې د شخص قانوني حالت.

• په امريکا کې د ميشت شخص او د هغه د خپلوان تر منځ اړيکه.

بله مهمه موضوع چې په اړه یې باید وپوهیږو دا ده چې:

• ټول پروګرامونه اسنادو او شواهدو ته اړتیا لري ترڅو ثبوت کړي چې ایا په متحده ایالاتو کې میشت شخص د کورنۍ غړي سره د یوځای کیدنې د غوښتنلیک لپاره واجد شرایط دی که نه.

• ځینې پروګرامونه ځانګړی وخت او لګښتونه لري. ځینې کسان کولی شي د کورنۍ ورته غړي سره د مرستې لپاره له یو پروګرام څخه ډیرو پروګرامونو کې درخواست وکړي.
• په ډېرو حالاتو کې، داسې اړوند پروګرام نه شته چې د زياتو لرې خپلوانو مرسته وشي.

د هر پروګرام لپاره، دا لارښود د زياتو معلوماتو په موخه له نورو مضامينو سره تړلی دی. 

د متحده ایالاتو اتباع او په متحده ایالاتو کې قانوني دايمي اوسیدونکي

د متحده ایالاتو اتباع او دایمي قانوني اوسیدونکي کولی شي د خپلو کورنیو ځینو غړو لپاره درخواست وکړي ترڅو متحده ایالاتو ته راشي. په ځینو حالاتو کې، د کورنۍ غړي باید متحده ایالاتو ته له راتګ مخکې، کلونه انتظار وکړي.

دایمي قانوني اوسیدونکي د ګرین کارت لرونکو په نوم هم یادیږي. هغوی کولی شي خپلو میرمنو یا خاوندانو او مجردو ماشومانو لپاره درخواست وکړي ترڅو متحده ایالاتو ته راشي.

د متحده ايالاتو اتباع کولای شي د خپلې جوړې او ماشوم لپاره په هر عمر او هر مدني حالت کې درخواست وکړي. له ۲۱ کاله څخه زيات عمر درلودونکي د متحده ايالاتو اتباع همداراز کولای شي د خپلو خويندو وروڼو يا والدينو لپاره درخواست وکړي. اشخاص يوه فورمه چې ای‑۱۳۰ ورته وايي اچوي تر څو د دې درخواست پروسه پيل کړي. د ای‑۱۳۰پروسې په اړه لا زيات معلومات دلته دي.

په پای کې، د متحده ایالاتو اتباع هم کولی شي له واده مخکې، خپلو نامزادانو لپاره درخواست وکړي ترڅو هغوی سره په متحده ایالاتو کې یوځای شي. هغوی باید ددې لړۍ د پیل کولو لپاره I-129F فورمه ډکه کړي. نامزادانو لپاره د ویزې د پروسې په باب لازیات معلومات دلته ترلاسه کیدی شي. 

د متحده ایالاتو اتباع او دایمي قانوني اوسیدونکي چې سوري او عراقي خپلوان لري

پخوا، د I-130 منظور شوي غوښتنلیک لرونکي عراقي او سوري تبعه (څرنګه چې پورته یې یادونه وشوه) هم کولی شول چې په متحده ایالاتو کې د کډوالۍ موقف لپاره درخواست وکړي. خو د 2025 کال په جنورۍ کې، ولسمشر ټرمپ یو فرمان صادر کړ چې ددې فرمان پربنسټ یې د متحده ایالاتو د کډوالو د منلو پروګرام (USRAP) بند کړ. د عراق او سوريې اتباعو لپاره د مستقیم لاسرسي پروګرام د USRAP د پروګرام یوه برخه ده، نو ځکه دا پروګرام هم بند شوی دی. دا په دې معنی دی چې اوس مهال، د متحده ایالاتو دولت په دې پروګرام کې نوي غوښتنلیکونه نه مني.  

د کډوالو د بیامیشتیدنې د پروګرام د بندیز په اړه لازیات معلومات دلته وګورئ. 

د I-130 منظور شوي غوښتنلیک لرونکی عراقي او سوري اتباعو لپاره د مستقیم لاسرسي پروګرام په اړه د نویو پرمختګونو معلومات دلته ترلاسه کړئ. 

 د متحده ایالاتو هغه اتباع یا دایمي قانوني اوسیدونکي چې په کولمبیا، کیوبا، اکوادور، ګواتیمالا، هیتي، یا سالوادور کې خپلوان لري

د متحده ایالاتو اتباعو او قانوني دایمي اوسیدونکو چې په کولمبیا، کیوبا، اکوادور، ګواتیمالا، هیتي، یا سالوادور کې خپلوان لري، پخوا کولی شول چې خپل د کورنۍ غړي د کورنیو د یوځای کیدو د پرول پروګرام (FRP) له لارې متحده ایالاتو ته راولي. خو د 2025 کال په جنورۍ کې د متحده ایالاتو دولت د FRP غوښتنلیکونو منل بند کړ. د متحده ایالاتو اتباع او قانوني دایمي اوسیدونکي اوس هم کولی شي چې د خپلو کورنیو غړو لپاره چې ددې هیوادونو اتباع دي، د I-130 فورمې د ډکولو له لارې درخواست وکړي. تاسو کولی شئ چې د I-130 فورمې په اړه لازیات معلومات دلته ترلاسه کړئ. 

په متحده ایالاتو کې کډوال او پناه غوښتونکي

هغه کسان چې په متحده ایالاتو کې یې د پناه غوښتنې حالت منظور شوي دی کولی شي خپلو میرمنو یا خاوندانو سره د یوځای کیدو غوښتنه وکړي. هغوی همداراز کولی شي د خپلو ماشومانو د عمر او مدني حالت په پام کې نیولو سره، خپلو ماشومانو سره د یوځای کیدو غوښتنه هم وکړي. هغوی کولی شي د I-730 فورمې په کارولو سره، درخواست وکړي. دې پروګرام ته د درخواست کولو وخت یا مهلت دوه کاله دی. I-730 په اړه لازیات معلومات دلته ترلاسه کیدی شي.

د پناه غوښتونکو په شان، هغه خلک چې په متحده ایالاتو کې د کډوالو په توګه بیا میشت شوي دي کولی شي د I-730 فورمې له لارې خپلو میرمنو او خاوندانو او ۲۱ کلونو څخه لږ عمر لرونکو مجردو ماشومانو سره یوځای شي. خو د 2025 کال په جنورۍ کې، ولسمشر ټرمپ یو فرمان صادر کړ چې ددې فرمان پربنسټ یې د متحده ایالاتو د کډوالو د منلو پروګرام (USRAP) بند کړ. د کورنیو د بیامیشت شویو غړو په استازیتوب د I-730 کیسونه هم له دې بندیز څخه زیانمن شوي دي. د I-730 پروسې په اړه لازیات معلومات دلته وګورئ او د بیامیشتیدنې موجوده بندیز په اړه لازیات معلومات دلته وګورئ. 

د کډوالۍ او پناه غوښتنې حالت لرونکو کسانو د کورنیو د غړو او همداراز د افغان او عراقي اتباعو د کډوالۍ ځانګړو ویزو SIV لرونکو لپاره یو بل پروګرام هم شته چې د کورنیو د یوځای کیدنې "د 3 شمیرې لومړیتوب لرونکي پروګرام" په نوم یادیږي. خو د 2025 کال په جنورۍ کې، ولسمشر ټرمپ یو فرمان صادر کړ چې ددې فرمان پربنسټ یې د متحده ایالاتو د کډوالو د منلو پروګرام (USRAP) بند کړ. د 3 شمیرې لومړیتوب لرونکی پروګرام اوس مهال نوي غوښتنلیکونه نه مني. د ۳ شمیرې لومړیتوب لرونکي پروګرام په اړه لازیات معلومات دلته وګورئ، او د  بیامیشتیدنې موجوده بندیز په اړه لازیات معلومات دلته وګورئ. 

په متحده ایالاتو کې د کډوالۍ ځانګړې ویزې لرونکي عراقي او افغان اتباع

په متحده ایالاتو کې د کډوالۍ ځانګړې ویزې (SIV) لرونکي افغان او عراقي اتباع کولی شي خپلو میرمنو او خاوندانو او ماشومانو لپاره درخواست وکړي ترڅو هغوی سره یوځای شي. دا پروسه SIV لرونکي شخص سره د یوځای کیدو د پروسې په نوم یادیږي. د کډوالۍ ځانګړې ویزې (SIV) لرونکو په اړه معلومات د IRAP په دغې لارښود کې ترلاسه کړئ. 

د لنډمهالې استوګنې (پرول) لرونکي افغانان چې له خپلو میرمنو یا خاوندانو او ماشومانو څخه جلا شوي دي

د بهرنیو چارو وزارت د افغان کورنیو د بیا یوځای کیدو لپاره یوه وب پاڼه لري. په دې وب پاڼه کې د هغو افغانانو لپاره یوه فورمه موجوده ده چې د تخلیې د پروسې له لارې متحده ایالاتو ته راغلي او دلته ورته د لنډمهالې بشردوستانه استوګنې اجازه (پرول) ورکړل شوې او د خپل پرول د مودې په لړ کې په دې هیواد کې اوسیږي یا ورته لنډمهال خوندي حالت ورکړل شوی دی. دغه کسان کولی شي ددې فورمې په کارولو سره خپلو کورنیو سره د یوځای کیدو غوښتنه وکړي. دا فورمه د DS-4317 په نوم یادیږي او دلته ترلاسه کیدی شي. 

د ایران مذهبي اقلیتونه چې په متحده ایالاتو کې خپلوان لري

هغه کسان چې په متحده ایالاتو کې په قانوني توګه ژوند کوي پخوا کولی شول چې د خپلو کورنیو مذهبي اقلیتونو غړو سره مرسته وکړي ترڅو د Lautenberg پروګرام له لارې د کډوالو د بیامیشتیدنې لپاره درخواست وکړي. خو د 2025 کال په جنورۍ کې، ولسمشر ټرمپ یو فرمان صادر کړ چې ددې فرمان پربنسټ یې د متحده ایالاتو د کډوالو د منلو پروګرام (USRAP) بند کړ. د Lautenberg  پروګرام د USRAP د پروګرام یوه برخه ده، چې اوس مهال نوي غوښتنلیکونه نه مني. د Lautenberg  پروګرام په اړه لازیات معلومات دلته ترلاسه کړئ. او د  بیامیشتیدنې موجوده بندیز په اړه لازیات معلومات دلته وګورئ. 

د ال سلوادور، ګواتیمالا، او هاندورس هیوادونو اتباع چې په متحده ایالاتو کې د کورنۍ غړي لري

د مرکزي امریکا د کوچنیانو پروګرام (CAM) د ماشومانو او د کورنیو نورو غړو لپاره چې په ال سلوادور، ګواتیمالا، او هاندورس هیوادونو کې له ځورونې او خطر سره مخ دي قانوني لاره ده ترڅو خپلو میندو او پلرونو سره چې په متحده ایالاتو کې په قانوني توګه ژوند کوي، یوځای شي. خو د 2025 کال په جنورۍ کې، ولسمشر ټرمپ یو فرمان صادر کړ چې ددې فرمان پربنسټ یې د متحده ایالاتو د کډوالو د منلو پروګرام (USRAP) بند کړ. CAM پروګرام د USRAP پروګرام یوه برخه ده او اوس مهال نوي غوښتنلیکونه نه مني. د CAM پروګرام په اړه لازیات معلومات دلته ترلاسه کړئ، او د  بیامیشتیدنې موجوده بندیز په اړه لازیات معلومات دلته وګورئ.