እዚ ጽሑፍ ንመወዳእታ ግዜ ብዕለት 20 ነሓሰ 2026 ተሓዲሱ

እዚ መምሪሒ’ዚ ምስ ሓደ ብሕሶት አብ ኢራፕ (IRAP) እሰርሕ እዬ ወይ ድማ ንኢራፕ እውክል እዬ ምስ ዝበል ሰብ ኪትራኸቡ ከለኹም ብዛዕባ ኪትገብሩዎ ትኽእሉ ነገራት ሓበሬታ ዝህብ እዩ። 

ኢራፕ (IRAP) ዝህቦ ሓገዝ ኩሉ ናጻ እዩ፡ 

• ሕጊ ዝምልከት ሓገዝ ኪንገብረልኩም ከለና ዝኾነ ገንዘብ አይነኽፍለኩም ኢና ወይ ድማ ዝኾነ አገልግሎት ክትህቡ አይንሓተኩምን ኢና።.

• ዝኾነ ምስ ኢራፕ ምትእስሳር ዘለዎ’ውን ገንዘብ ናይ ምሕታት ወይ ድማ አገልግሎት ክትህቡ ናይ ምውካስ መሰል የብሉን። 
• ስራሕ ኪትሓቱ ከለኹም’ውን ገንዘብ አይነኽፍለኩምን ኢና።  
• ዝኾነ ነገር ብሎተሪ ወይ በዕጫ አይንገብርን፤ ሽልማት ወይ ገንዘብ’ውን አይንህብን።
• ስም ተጠቃሚ (username) ወይ ድማ ሚስጢራዊ ቃልኩም (password) ኪትህቡና አይንሓተኩምን ኢና።.

 ነዘን ዝሰዕባ ነገራት፤ ንዝኾነ ሰብ ገንዘብ አይትኽፈሉ፡ 

• ምስ ኢራፕ ( IRAP) ንኽትራኸቡ ዝገበረ ሰብ
• ካብ ኢራፕ ዝኾነ ሓገዝ ኪትረኽቡ ከለኹም
• ካብ ዩ-ኤን-ኤች-ሲ-አር (UNHCR.) ሓገዝ ንምርካብ 
• አብ ኢራፕ (IRAP) ስራሕ ኪትረኽቡ መመልከቲ ኪተእትው ከለኹም 

ኢራፕ (IRAP) ርክባት ኪገብር ከሎ ወግዓዊ ብዝኾነ መገዲ ጥራይ እዩ። 

• ኢሜል ክንሰደልኩም ከለና፤ መጨረስትኡ @refugeerights.org ካብ ዝኾነ አድራሻ ጥራይ ኢና ንሰደልኩም።

• ኢራፕ (IRAP) ኩሉ ስርሑ ዘካይድ በክልተ መርበባት ሓበሬታ (websites) ጥራይ ኢዩ።

• ኢራፕሊጋልኢንፎ  iraplegalinfo.org
• ሬፉጂራይትስ refugeerights.org 

• ወግዓዊ ማሕበራዊ መራኸቢታት ኢራፕ (IRAP) እዘን ዝሰዕባ እየን፡ 
  • ፌስቡክ Facebook 
  • ቻትቦት ፌስቡክ Facebook Chatbot 
  • ትዊተር X/Twitter: @IRAP
  • Bluesky: @irap.bsky.social
  • ወግዓዊ ኢንስታግራም ኢራፕ Instagram: @RefugeeAssistance

ዝኾነ ተግባር-ምትላል ከጋጥም ከሎ፤ ሪፖርት ኪትገብሩ ወይ ኪተፍልጡ ትኽእሉ፤

ብሓሶት ሰራሕተኛ ኢራፕ (IRAP) እዬ ዝብል ሰብ ምሳኹም ኪራኸብ ይደሊ ከምዘሎ እንድሕር ጠርጢርኩም፤ በጃኹም ናብ  fraudalert@refugeerights.org ኢሜል ግበሩ። እዚ ኢሜል'ዚ ተግባራት ምትላል ጥራይ ዝቅ፟በል ኢሜል እዩ።  ኢራፕ (IRAP) ነዚ ኢሜል’ዚ ሕጊ ዝምልከት ሓገዝ ኪረኽቡ ዝሓቱ ሰባት ንዘቅ፟ርብዎ ሕቶ ንምምላስ  አይጥቀመሉን እዩ።