እዚ ጽሑፍ’ዚ  20 ግንቦት (May) 2025 ተሓዲሱ።

ሓጺር መግለጺ 

አብ አሜሪካ ዘለው ሓደ ሓደ ውልቀሰባት፤ አዝማዶም ናብ አሜሪካ መጺኦም ክጽንበሩዎም ኪሓቱ ይክእሉ። እዚ መምርሒ’ዚ ነዚ ሕቶ ምጽንባር ንምሕታት ኪምልኡ ብዛዕባ ዘለዎም መመልከቲታት ዝርዝር ይህብ። እዚ ግን አብ ስድራቤት ዝምርኮዝ ፕሮግራማት ብሙሉኡ አይሽፍንን እዩ።    

አብ’ዚ  አብ ስድራቤት ዝምርኮዝ ፕሮግራም ንምጽንባር  እቲ ዝድለ ብቁ፟ዕነት አብዘን ዝስዕባ ክልተ ነጥብታት ይምርኮዝ፤  

• አብ አሜሪካ ዘሎ ውልቀሰብ ዘለዎ ሕጋዊ ወረቀ፟ት 
• አብ ሞንጎ እቲ አብ አሜሪካ ዘሎን ናብ አሜሪካ ኪመጽእ ዝድለ ዘሎ ሰብን ዘሎ ዝምድና  

ከም ተወሳኺ’ውን  ነዚ ዝስዕብ ምርዳእ አገዳሲ እዩ፤

• እተን ኩለን ነዚ ዝምልከታ ፕሮግራማት፤ እቲ አብ አሜሪካ ዝርከብ ሓታታይ፤ ካልእ ሰብ ኪጽንበሮ ንምምልካት ብቁ፟ዕ ከምዝኾነ ዘረድእ ሰነዳትን መረጋገጺታትን ከቅ፟ርብ ይሓታ።
• ሓደ ሓደ ፕሮግራማት ድማ መመልከቲ ዝውሃበሉ መጨረስታ መዓልቲን ዝኸፈል ገንዘብን አለወን። ገለ ገለ ሰባት ድማ ንሓደ ሰብ ንምምጻእን ነቲ ሰብ ንምሕጋዝን ካብ ሓደ ንላዕሊ ቅጺ ኪመልኡ የድልዮም ይኸውን። 
• አብ ብዙሓት ኩነታት፤ ርሕቅ፟ ንዝበሉ አዝማድ ዝሕግዝ ትርጉም ዘለዎ ፕሮግራም የለን። 

ንነፍስወከፍ ፕሮግራም፤ እዚ መምርሒ እዚ ዝያዳ ሓበሬታ ናብ ትረኽቡሉ መራኸቢታት ዘምርሕ እዩ። 

ዜጋታት አሜሪካን ናይ አሜሪካ ሕጋውን ቀዋምን መንበሪ ዘለዎም ተቀ፟መጥቲን

ዜጋታት አሜሪካን አብ አሜሪካ ሕጋውን ቀዋምን መንበሪ ዘለዎም ተቀ፟መጥትን ገለ አዝማዶም ናብ አሜሪካ መጺኦም ክሕወስዎም ከመልክቱ ይኽእሉ።  አብ ገለ ኩነታት ግን እዞም አዝማድ፤ ቅድሚ ናብ አሜሪካ ምምጽኦም፤ ሓያሎ ዓመታት ኪጽበዩ  ይኽእሉ እዮም።  

ሕጋዊን ቀወምትን ተቀ፟መጥቲ (Lawful permanent residents (ኤል-ፒ-አር-LPRs) ተሓዝቲ ግሪን ካርድ (green card holders) ተባሂሎም ይጽውዑ እዮም።  እዚኦም፤ ሰብ ሓዳሮምን ዘይተመርዓው ደቆምን ናብ አሜሪካ ኪመጹሎም ኪሓቱ ይኸእሉ። 

ዜጋታት አሜሪካ፤  ሰብ ሓዳሮምን አብ ዝኾነ ዕድመ ዘለውን፤ ምርዑዋት ኮኑ ዘይምርዑዋት ደቆምን ንምምጻእ ከመልክቱ ይኽእሉ። ዕድሚኦም ካብ 21 ዓመት ንላዕሊ ዝኾኑ ዜጋታት አሜሪካ፤ አሓቶምን አሕዋቶምን ከምኡ’ውን ወለዶምን ናብ አሜሪካ ከምጽኡ ኪሓቱ ይ እሉ።  

ነዚ መስርሕ መመልከቲ ንምጅማር ውልቀሰባት ነቲ ቅጺ አይ-130 ( I-130) ዝብሃል መመልከቲ ፎርም ክመልኡ አለዎም። ብዛዕባ’ዚ መስርሕ አይ-130 ( I-130) ዝያዳ ሓበሬታ አብዚ ይርከብ።  

አብ መጨረስታ፤ ዜጋታት አሜሪካ፤ ቅድመ መርዓ፤ ሕጽያቶም ናብ አሜሪካ ከምጽኡ ከመልክቱ ይኽእሉ።  እዚ መጀመሪ መስርሕ ድማ አይ-129ኤፍ ( I-129F) ተባሂሉ ይጽዋዕ። ተወሳኺ ሓበሬታ ብዛዕባ ቪዛ ሕጹያት አብዚ ይርከብ። 

ደቂ ሶርያንን ደቂ ኢራቅ፟ን አዝማድ ዘለዎም ዜጋታት አሜሪካን ሕጋውን ቀወምትን ተቀ፟ማጦ አሜሪካን 

አቅ፟ድም አቢሉ፤ አይ-130 ( I-130) ንኽረኽቡ ዝተፈቀ፟ደሎም ዜጋታት ኢራቅ፟ን ሶርያን (ከምቲ አብ ላዕሊ ዝተገልጸ) ወረቀ፟ት ስደተኛ ንምርካብ ከመልክቱ ይፍቀደሎም ኔሩ። ይኹን እምበር አብ ጥሪ (January) 2025፤ ፕሬዚደንት ትራምፕ እቲ ፕሮግራም ምቅ፟ባል ስደተኛታት አሜሪካ ( U.S. Refugee Admissions Program (ዩ-ኤስ-አር-ኤ-ፒ-USRAP) ስራሕ ደው ከብል አዚዙ። እተን መደባት ዳይሬክት አክሰስ ደቂ ኢራቅ፟ን ሶርያን (Iraqi and Syrian Direct Access Programs) ድማ አካል  ፕሮግራም ምቅ፟ባል ስደተኛታት አሜሪካ ( U.S. Refugee Admissions Program (ዩ-ኤስ-አር-ኤ-ፒ-USRAP) ስለዝኾነ ስራሕ ጠጠው አቢለን  አለዋ። እዚ ማለት ድማ አብዚ እዋን’ዚ መንግስቲ አሜሪካ ምስ’ዚ ፕሮግራም ዝተሓሓዝ ሓደስቲ መመልከቲታት አይቅበልን ማለት እዩ።  .

ብዛዕባ እቲ ዝተገብረ ምድስካል ፕሮግራም ምጥያስ ስደተኛታት ዝያዳ ሓበሬታ አብዚ ይርከብ።

ብዛዕባዚ አይ-130 (I-130)ንኽረኽቡ ዝተፈቀ፟ደሎም ደቂ ኢራንን ደቂ ሶርያን ዝምልከትአካይዳ መደብ ዳይሬክት አክሰስ (Direct Access) ተባሂሉ ዝጽዋዕ ፕሮግራም ዝያዳ ሓበሬታ አብዚ ይርከብ። 

ደቂ ኮሎምብያ፣ ኩባ፣ ኤኮዶር፣ ጓቴማላ፣ ሄይቲ ወይ ድማ ኤልሳልቫዶር ዝኾኑ አዝማድ ዘለዎም ዜጋታት አሜሪካን ሕጋውን ቀዋምን ወረቀ፟ት ዘለዎም ተቀ፟መጥቲ አሜሪካን 

አቀ፟ድም አቢሎም፤ ዜጋታት አሜሪካን ሕጋውን ቀወምትን ተቀ፟መጥቲ አሜሪካን፤ ነቶም ደቂ ኮሎምብያ፣ ኩባ፣ ኤኮዶር፣ ጓቴማላ፣ ሄይቲ ወይ ድማ ኤልሳልቫዶር ዝኾኑ አዝማዶም፤ በቲ ምስ ስድራዳግመ-ምጥርናፍ ( Family Reunification Parole (ኤፍ-አር-ፒ-FRP) ዝብል መደብ ናብ አሜሪካ ከምጸኡ ይኽእሉ ኔሮም።  ይኹን እምበር አብ ጥሪ January 2025፤ መንግስቲ አሜሪካ ነዚ ዓይነቱ መመልከቲ ምቅ፟ባል ጠጠው አቢሉ አሎ። ዜጋታት አሜሪካን ሕጋውን ቀወምትን ተቀ፟መጥቲ አሜሪካን፣ ነቲ ቅጺ አይ-130 ( I-130) ተጠቂ፟ሞም ሕጂ’ውን ካብዘን ዝተጠቅ፟ሳ ሃገራት አዝማዶም ከምጸኡ ኪሓቱ ይኸእሉ እዮም። ብዛዕባ’ዚ መስርሕ አይ-130 ( I-130) ዝያዳ ሓበሬታ አብዚ ይርከብ።

ስደተኛታትን ጽግዕተኛታትን አብ አሜሪካ

አብ አሜሪካ ወረቀ፟ት ስደተኛ ዝረኸቡ ሰባት፤ ምስ ሰብ ሓዳሮም ኪጽንበሩ ከመልክቱ ይኸእሉ። ዕድመ ደቆምን ሰብ ሓዳር ምዃኖምን ዘይምዃኖምን አብ ግምት አትዩ ድማ ደቆም ንኸምጽኡ ኪሓቱ ይኸእሉ። ነዚ ድማ ቅጺ አይ-730 (I-730) ዝብሃል ቅጺ ተጠቂ፟ሞም ኪትግብሩ ይኸእሉ።  እዚ ቅጺ ዘብቀዓሉ ግዜ ክልተ ዓመት እዩ። ዝያዳ ሓበሬታ ብዛዕባ መስርሕ  አይ-730 ( I-730 ) አብዚ ይርከብ። 

ልክዕ ከምቶም ጽግዕተኛታት፤ ከም ስደተኛታት ኮይኖም አብ አሜሪካ ዝተጣየሱ ሰባት’ውን ምስ ሰብ ሓዳሮም ወይ ድማ ዕድሜኦም ካብ 21 ዓመት ንታሕቲ ምስዝኾኑን ገና ሓዳር ምስዘይገበሩን ደቆምን በዚ ቅጺ አይ-730 ( I-730) ኪጽንበሩ ከመልክቱ ይኸእሉ። ይኹን እምበር አብ ወርሒ ጥሪ (January) 2025፤ ፕሬዚደንት ትራምፕ ነቲ መደብ ምቅ፟ባል ስደተኛታት አሜሪካ (U.S. Refugee Admissions Program (USRAP) ከምዝድስክል ጌሩ። በቲ ዝተወስደ ስጉምቲ ምድስካል ድማ እቲ ንአዝማድ ስደተኛታት ዝምልከት መደብ ምስኡ ደስኪሉ። ብዛዕባ’ዚ መስርሕ  አይ-730 (I-730) ተወሳኺ ሓበሬታ አብዚ ይርከብ። ከምኡ’ውን ብዛዕባ እቲ እዋናዊ ምድስካል መደብ ምጥያስ አብዚ ይርከብ።

ነቶም ስድራቤት እቶም ስደተኛታትን ጽግዕተኛታትን ከምኡ’ውን አዝማድ ደቂ አፍጋኒስታንን ኢራቅን ንዘለዎም ሰባት ዝምልከት ካለ ፕራዮሪቲ 3 (Priority 3) ምጽንባር ስድራ ቤት ዝብሃል ካልእ መደብ አሎ። ይኹን እምበር ወርሒ ጥሪ (January) 2025፤ ፕሬዚደንት ትራምፕ ነቲ መደብ ምቅ፟ባል ስደተኛታት አሜሪካ (U.S. Refugee Admissions Program (USRAP) ከምዝድስክል ጌሩ። ብምኳኑ ድማ አብ’ዚ እዋን’ዚ እዚ መደብ ፕራዮሪቲ 3 (Priority 3) ሓደሽቲ መመልከቲታት አይቅበልን እዩ ዘሎ፤ አይሰርሕን እዩ ዘሎ። ብዛዕባ’ዚ ፕራዮሪቲ 3 (Priority 3) ዝያዳ ሓበሬታ አብዚ አሎ። ከምኡ’ውን ብዛዕባ እቲ እዋናዊ ምድስካል መደብ ምጥያስ አብዚ ይርከብ።

ፍሉይ ቪዛ ስደተኛታት ዘለዎም አብ አሜሪካ ዘለው ደቂ ኢራቅ፟ን አፍጋኒስታንን

ፍሉይ ቪዛ ስደተኛታት ዘለዎም አብ አሜሪካ ዘለው ደቂ ኢራቅ፟ን አፍጋኒስታንን፤ ሰብ ሓዳሮምን ደቆምን ንምምጻእ ክኽእሉ አብ ሓደ ሓደ እዋናት ከመልክቱ ይኽእሉ። እዚ ድማ ነቲ “ፍሉይ ቪዛ ተኸቲልካ ምስ ስድራ ምጽንባር” ወይ ድማ “ፋሎዊንግ ቱ ጆይን” (following to join the SIV) ይብሃል። ተወሳኺ ሓበሬታ ብዛዕባ’ዚ ፍሉይ ቪዛ ስደተኛታት ዘለዎም አብ አሜሪካ ዘለው ደቂ ኢራቅ፟ን አፍጋኒስታንን ዝምልከት መመርሒ ኢራፕ (IRAP)  አብዚ ይርከብ።

ካብ ደቆምን ሓዳሮምን ዝተፈላለዩን ምሕረት ዝተገብረሎምን ደቂ አፍጋን 

ክፍሊ ጉዳይ ውሽጢ ሃገር አሜሪካ ( Department of State) ዳግመ-ምጥርናፍ ስድራ አፍጋናውያን (Afghan Family Reunification) ዝብል ዌብሳይት አለዎ። እቲ ዌብሳይት፤ ምሕረት ረኺቦም ወይ ድማ አብቲ ዘለውዎ ናይ ደረጃ ምሕረት ዘለው ወይ ድማ ግዜያዊ ሓለዋ ዝግበረሎም  ናብ አሜሪካ ንዝተሰደዱ ደቂ አፍጋኒስታን ዝምልከትን ምስ ስድርኦም ኪጽንበሩ ዝሓቱሉን  ቅጺ አለዎ። እዚ ቅጺ ዲ-ኤስ-4317 ( DS-4317) ይብሃል፣ አብዚ ድማ ይርከብ። 

አብ አሜሪካ አዝማድ ዘለዎም ጉጅለ ውሑዳት ሃይማኖታውያን ደቂ ኢራን 

አብ አሜሪካ ብሕጋዊ መገዲ ዝቅ፟መጡ ኢራናውያን አዝማዶም ዝኾኑ ሃይማኖታውያን ደቂ ኢራን ካብ ዓዶምንኽመጹን ንኽጣየሱን በቲ ሎተንበርግ ፕሮግራም (Lautenberg Program) ዝብሃል መደብ ኪሓቱ ይኽእሉ ኔሮም። ይኹን እምበር አብ ጥሪ ( January) 2025፤ ፕሬዚደንት ትራምፕ ነቲ መደብ ምቅ፟ባል ስደተኛታት አሜሪካ ( U.S. Refugee Admissions Program (ዩ-ኤስ-አር-ኤ-ፒ-USRAP) ጠጠው ክብል አዚዙ።  እቲ ሎተንበርግ ፕሮግራም (Lautenberg Program) አካል ናይቲ መደብ ምቅ፟ባል ስደተኛታት አሜሪካ ( U.S. Refugee Admissions Program (USRAP) ስለዝኾነ አብዚ እዋን’ዚ ሓደሽቲ መመልከቲታት አይቅበልን ዘሎ። ብዛዕባ’ዚ ሎተንበርግ ፕሮግራም (Lautenberg Program) ዝያዳ ሓበሬታ አብዚ አሎ። ከምኡ’ውን ብዛዕባ’ዚ እዋናዊ ኩነታት ምጥያስ አብዚ ሓበሬታ አሎ። 

አብ አሜሪካ አዝማድ ዘለዎም ደቂ ኤል ሳልቫዶር፣ ጓቴማላን፣ ሆንዱራንስን 

እቲ መደብ  ቆልዑ ሴንትራል አሜሪካ (Central American Minors) ካም-(CAM) ዝብሃል መደብ፤ ነቶም አብ ኤልሳልቫዶር፣ ጓቴማላን ሆንዱራንስን አብ ስቃ፟ይን መከራን ዘለው ቆልዑን ካልኦት አባላት ስድራን ንምምጻእን ብሕጋዊ መገዲ አብ አሜሪካ ምስ ዝነብሩ አዝማዶም ንኽጽንበሩ ንምሕጋዝን ዝሕግዝ ካልእ መገዲ እዩ። ይኹን እምበር አብ ጥሪ (January) 2025፤ ፕሬዚደንት ትራምፕ እዚ መደብ ምቅ፟ባል ስደተኛታት አሜሪካ  (U.S. Refugee Admissions Program (ዩ-ኤስ-አር-ኤ-ፒ-USRAP)) ስርሑ ጠጠው ከብል ትእዛዝ ሂቡ።  እዚ መደብ ካም (CAM ) አካል ዩ-ኤስ-አር-ኤ-ፒ-USRAP) ስለዝኾነ አብዚ እዋን’ዚ ሓደሽቲ መመልከቲታት አይቅበልን ዘሎ። ብዛዕባ’ ዚ መደብ ካም (CAM) ዝያዳ ሓበሬታ አብዚ ይርከብ። ከምኡ’ውን ብዛዕባ እዋናዊ መደብ ምጥያስ ዝያዳ ሓበሬታ አብዚ ይርከብ።