Maqaalkan waxaa ugu dambaysay in la cusboonaysiiyo 14-ka Luulyo, 2026.

Soo koobid

Dadka qaarkood ee ku nool Maraykanka waxay codsan karaan in xubnaha qoysaskooda ay ugu soo biiraan Maraykanka. Hagahan wuxuu taxayaa qaar ka mid ah codsiyada suurtagalka ah ee dib-u-mideynta qoyska. Ma daboolayo dhammaan barnaamijyada codsiyada socdaalka ee ku salaysan qoyska.

U-qalmitaanka barnaamijyada dib-u-mideynta qoyska guud ahaan wuxuu ku xiran yahay: 

• Xaaladda sharciyeed ee qofka ku sugan Maraykanka. 
• Xiriirka ka dhexeeya qofka ku sugan Maraykanka iyo qaraabadiisa.. 

Sidoo kale waa muhiim in la fahmo:

• Dhammaan barnaamijyadu waxay u baahan yihiin dukumentiyo iyo caddaymo kale oo lagu xaqiijinayo in qofka ku sugan Maraykanka uu u qalmo inuu codsado inuu dib ula midoobo qaraabadiisa.
• Barnaamijyada qaarkood waxay leeyihiin waqtiyo kama dambays ah ama kharashyo gaar ah. Dadka qaarkood waxay codsan karaan in ka badan hal barnaamij si ay u caawiyaan isla qaraabadaas. 
• Xaalado badan, ma jiro barnaamij ku habboon oo lagu caawin karo qaraabada fog.

Barnaamij kasta, hagahan wuxuu ku xiraa maqaallo kale oo macluumaad dheeraad ah laga heli karo.

Xubnaha qoyska ee muwaadiniinta Maraykanka iyo dadka haysta deganaanshaha rasmiga ah ee Maraykanka

Muwaadiniinta Maraykanka iyo dadka haysta deganaanshaha rasmiga ah (green card) waxay u codsan karaan qaar ka mid ah qaraabadooda inay u soo haajiraan Maraykanka. Xaaladaha qaarkood, qaraabadu waxay sugi doonaan sannado badan ka hor inta aysan u soo haajirin Maraykanka.

Dadka haysta deganaanshaha rasmiga ah (LPR) waxaa sidoo kale loo yaqaan dadka haysta green card. Haddii aad haysato green card, waxaad u codsan kartaa xaaskaaga iyo carruurtaada aan guursan inay yimaadaan Maraykanka.

Muwaadiniinta Maraykanka waxay u codsan karaan xaasaskooda iyo carruurtooda da’ kasta leh ama xaalad guur kasta ha lahaadeene. Haddii aad tahay muwaadin Maraykan ah oo da’diisu ka weyn tahay 21 sano, waxaad sidoo kale u codsan kartaa walaalahaaga iyo waalidkaa.

Waxaad buuxin kartaa foomka loo yaqaan I-130 si aad u bilowdo nidaamka codsigan. Macluumaad dheeraad ah oo ku saabsan nidaamka I-130 ayaa halkan ku yaal.

Ugu dambayn, haddii aad tahay muwaadin Maraykan ah, waxaad sidoo kale u codsan kartaa qofka aad doonaysaan inaad is guursataan inuu u soo guuro Maraykanka ka hor inta aydnaan is guursan. Waxaad buuxin doontaa foomka loo yaqaan I-129F si aad u bilowdo nidaamkan. Macluumaad dheeraad ah oo ku saabsan nidaamka fiisaha qofka aad doonaysaan inaad is guursataan ayaa halkan ku yaal.

Xubnaha qoyska ee qaxootiga iyo dadka magangelyada ka helay Maraykanka

Dadka magangelyada ka helay

Haddii aad tahay qof Maraykanka ka helay magangelyo la ansixiyay, waxaad codsan kartaa inaad dib ula midoowdo xaaskaaga. Waxaad sidoo kale codsan kartaa inaad dib ula midoowdo carruurtaada, iyadoo ku xiran da’dooda iyo xaaladdooda guur. Waxaad sidaas ku samayn kartaa adigoo buuxinaya foomka loo yaqaan I-730. Barnaamijkan waxaa lagu codsan karaa muddo laba sano ah. Macluumaad dheeraad ah oo ku saabsan nidaamka I-730 ayaa halkan ku yaal.

Qaxooti

Haddii laguu dejiyay Maraykanka adigoo qaxooti ah, waxaad foomka I-730 u isticmaali kartaa inaad codsato inaad dib ula midoowdo xaaskaaga iyo carruurtaada aan guursan ee ka yar 21 sano jir. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP). Hakintani waxay saameyn ku yeelan doontaa kiiska I-730 ee qaraabadaada. Macluumaad dheeraad ah oo ku saabsan nidaamka I-730 ayaa halkan ku yaal, iyo macluumaad dheeraad ah oo ku saabsan hakinta hadda jirta ee dib-u-dejinta qaxootiga ayaa halkan ku yaal.

Waxa kale oo jira barnaamij loogu talagalay xubnaha qoyska ee dadka haysta xaaladda qaxootinimo ama magangelyo, iyo sidoo kale dadka haysta fiisaha gaarka ah ee muhaajiriinta (SIV) ee Afgaanistaan iyo Ciraaq, kaas oo loo yaqaan barnaamijka isu keenista qoysaska “Priority 3”. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP). Barnaamijka Priority 3 hadda ma aqbalayo codsiyo cusub. Macluumaad dheeraad ah oo ku saabsan nidaamka Priority 3 ayaa halkan ku yaal, iyo macluumaad dheeraad ah oo ku saabsan hakinta hadda jirta ee dib-u-dejinta qaxootiga ayaa halkan ku yaal.

Xubnaha qoyska ee dadka haysta fiisaha gaarka ah ee muhaajiriinta (SIV) ee Ciraaq iyo Afgaanistaan ee ku sugan Maraykanka

Haddii aad tahay qof Ciraaqi ah ama Afgaanistaan ah oo Maraykanka ku jooga isagoo haysta Fiisaha Gaarka ah ee Muhaajiriinta (SIV), xaaladaha qaarkood waxaad u codsan kartaa xaaskaaga iyo carruurtaada inay kugu soo biiraan. Tan waxaa loo yaqaan “following to join” SIV-ga. Hadda, dowladda waxay hakisay bixinta fiisooyinka dadka Afgaanistaan ah ee codsanaya SIV. Macluumaad dheeraad ah wuxuu ku jiraa hagaha IRAP ee loogu talagalay qaraabada dadka haysta SIV.

Barnaamijyo gaar ah oo isu keenista qoysaska qaxootiga

Hore, dowladda Maraykanku waxay dadka qaarkood u oggolaan jirtay inay xubnaha qoyskooda ku biiraan Maraykanka iyada oo loo marayo barnaamijyo gaar ah oo dib-u-dejinta qaxootiga Maraykanka. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP), dowladduna hadda ma aqbalayso ama ma farsamayso codsiyo cusub oo barnaamijyadan ah. Macluumaad dheeraad ah oo ku saabsan hakinta dib-u-dejinta qaxootiga ayaa halkan ku yaal.

Qaar ka mid ah barnaamijyadan gaarka ah ayaa hoos lagu sharaxay si faahfaahsan.

Qaxootiga Suuriya iyo Ciraaq ee leh qaraabo ku sugan Maraykanka.

Hore, muwaadin Ciraaqi ah ama Suuriyaan ah oo haysta I-130 la ansixiyay (sida kor lagu sharaxay) wuxuu sidoo kale codsan karay xaaladda qaxootinimo ee Maraykanka isaga oo adeegsanaya barnaamij gaar ah. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP). Barnaamijyada Direct Access ee Ciraaq iyo Suuriya waxay qayb ka yihiin USRAP, sidaas darteed iyagana waa la hakiyay. Tani waxay ka dhigan tahay in waqtigan dowladda Maraykanku aysan barnaamijkan ka aqbalayn codsiyo cusub.  

Macluumaad dheeraad ah oo ku saabsan hakinta dib-u-dejinta qaxootiga ayaa halkan ku yaal.

Macluumaad dheeraad ah oo ku saabsan wararka cusub ee Barnaamijka Direct Access ee Ciraaqiyiinta iyo Suuriyaanka haysta I-130 la ansixiyay ayaa halkan ku yaal.

Dadka laga tirada badan yahay ee diimaha Iran ee leh qaraabo ku sugan Maraykanka

Dadka si sharci ah ugu noolaa Maraykanka waxay hore ugu caawin jireen qaraabadooda laga tirada badan yahay ee diimaha Iran inay codsadaan dib-u-dejin qaxooti iyada oo loo marayo Barnaamijka Lautenberg. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP). Barnaamijka Lautenberg wuxuu qayb ka yahay USRAP, mana aqbalayo codsiyo cusub waqtigan. Macluumaad dheeraad ah oo ku saabsan Barnaamijka Lautenberg ayaa halkan ku yaal, iyo macluumaad dheeraad ah oo ku saabsan hakinta hadda jirta ee dib-u-dejinta qaxootiga ayaa halkan ku yaal.

Dadka ka soo jeeda El Salvador, Guatemala, iyo Honduras ee leh qaraabo ku sugan Maraykanka 

Barnaamijka Carruurta Ameerikada Dhexe (CAM) wuxuu ahaa waddo sharci ah oo carruurta iyo xubnaha kale ee qoysaska ee wajahaya cadaadis ama khatar ku nool El Salvador, Guatemala, iyo Honduras loogu oggolaan jiray inay dib ula midoobaan waalidiintooda si sharci ah ugu nool Maraykanka. Si kastaba ha ahaatee, Janaayo 2025, Madaxweyne Trump wuxuu soo saaray amar lagu hakiyay Barnaamijka Maraykanka ee Qaabilaadda Qaxootiga (USRAP). Barnaamijka CAM wuxuu qayb ka yahay USRAP, mana aqbalayo codsiyo cusub waqtigan. Macluumaad dheeraad ah oo ku saabsan Barnaamijka CAM ayaa halkan ku yaal, iyo macluumaad dheeraad ah oo ku saabsan hakinta hadda jirta ee dib-u-dejinta qaxootiga ayaa halkan ku yaal.

Caawimaad weydiisasho

Adiga ama qaraabadaada waxaa laga yaabaa inaad rabtaan inaad caawimaad ka raadsataan qareen socdaal oo ku saabsan nidaamkan. Waa kuwan ilo macluumaad oo aad isticmaali kartaan:

• Macluumaad ku saabsan sida caawimaad looga codsado IRAP ayaa halkan ku yaal.
• Haddii aad joogto Urdun, waxaad caawimaad ka codsan kartaa IRAP Jordan adigoo isticmaalaya foomkan. Haddii foomku xiran yahay, waxaad mar kale hubin kartaa waqti dambe.
• Liiska bixiyeyaasha adeegyada sharci ee socdaalka ee bilaashka ah ee gudaha Maraykanka ayaa halkan laga heli karaa.
• Liiska qareennada gaarka loo leeyahay ee arrimaha socdaalka ee gudaha Maraykanka ayaa halkan laga heli karaa.