Maqaalkan waxaa ugu dambeyntii la cusboonaysiiyay 15-ka Abriil, 2026 

Soo koobid

Bishii Janaayo 2026, dowladda Mareykanka waxay billowday Siyaasad Xannibaadda Qaxootiga (Refugee Detention Policy), taasoo ay ku bilaabeen inay qabtaan oo xiraan qaxooti ku sugan Minnesota oo aan weli helin sharciga deggenaanshaha joogtada ah (ama “green card”). Tani waxay ahayd bilowga siyaasad waddanka oo dhan ka hirgashay oo lagu xirayo qaxootiga aan helin green card-kooda ka dib hal sano oo ay Mareykanka joogeen. 

24-kii Janaayo 2026, koox qaxooti ah ayaa gudbisay dacwad kooxeed (class action lawsuit) si loo joojiyo Siyaasadda Xannibaadda Qaxootiga ee si gaar ah uga socota Minnesota. Koox kale oo ka duwan ayaa sidoo kale dacwad ka gudbisay Maxkamadda Degmada Massachusetts si loo joojiyo siyaasaddaas heer qaran ahaan (waddanka oo dhan). 

Cusboonaysiin hakad ku meel gaar ah 

Garsoore ku sugan Massachusetts ayaa amray in siyaasaddan lagu xiro laguna qabto qaxootiga aan haysan green card aysan sii socon karin inta dacwadda ay socoto. Si kale haddii loo dhigo, ICE looma oggola inay qabato ama xabsiga dhigto qaxootiga sababta oo ah inaysan haysan green card. ICE weli way qaban kartaa ama xabsiga dhigi kartaa qaxooti sababo kale awgood, sida haddii lagu helay dembiyo gaar ah oo ay galeen. Halkan ayaad ka akhrisan kartaa macluumaad dheeraad ah oo ku saabsan in lagu hayo xabsiga ICE.

Maxaa hadda ka dhacaya Minnesota ?

• Maxkamadda Minnesota ayaa hore u amartay dowladda inay sii deyso qaxootiga lagu hayay Minnesota ee la xiray sababta oo ah ma aysan haysan green card. Waxaan aaminsanahay in qaxootigii laga qaaday Minnesota loona diray Texas sidoo kale dib loogu soo celiyay Minnesota isla markaana la sii daayay.
• Dacwaddii ka socotay Minnesota waa la laalay. Tani waxay ka dhigan tahay in aan hadda jirin amar maxkamadeed oo si gaar ah uga hadlaya xannibaadda qaxootiga ee Minnesota. Aad bay muhiim u tahay in la ogaado in amarka maxkamadda ee Massachusetts uu joojinayo siyaasaddan meel kasta, oo ay ku jirto Minnesota. Sidaas darteed, qaxootiga ku sugan Minnesota wali waa laga ilaalinayaa in la xiro kaliya sababta oo ah weli ma aysan helin green card-kooda..
• Qaxootiga ku sugan Minnesota ayaa helay ogeysiisyo lagu soo diray guryahooda oo ka yimid Waaxda Amniga Gudaha (DHS). Ogeysiisyadan waxay qaxootiga ku waajibinayaan inay ka soo qaybgalaan wareysi ku saabsan green card iyo “dib-u-eegis” (re-vetting). Waa inaad ka soo qaybgashaa wareysigan, waxaana si xooggan kugula talineynaa inaad la xiriirto qareen si aad u hesho talo sharci ka hor wareysiga. 
  • Inta lagu jiro wareysiga, waxaa laga yaabaa in lagu weydiiyo su’aalo badan oo ku saabsan sababta aad uga tagtay dalkaagii hooyo ama sababta aad uga baqeyso inaad halkaas ku laabato. Su’aalahan waxay aad ugu ekaan karaan kuwii hore lagaa weydiiyay markii laguu wareysanayay dibadda. Waa inaad si taxaddar leh oo daacadnimo leh uga jawaabtaa, sida aad sameysay wareysiyadii hore. Haddii ay suurtagal tahay, waa inaad la xiriirtaa qareen socdaal si aad u hesho talo gaar ah ka hor wareysigan . 
    • Waxaad wax badan ka baran kartaa wareysiyadan dib-u-eegista (re-vetting) halkan, iyo sida loogu diyaar garoobo halkan. 
  • If you receive an interview notice and do not attend or reschedule, DHS may try to end your refugee status or deport you.

Maxaa hadda ka dhacaya Mareykanka? 

• 18-kii Febraayo, dowladda waxay soo saartay siyaasad oggolaanaysa in dalka oo dhan laga qabto laguna xiro qaxootiga aan haysan green card.. 
• 23-kii Maarso, maxkamad ku taalla Massachusetts ayaa amartay dowladda inay joojiso siyaasaddan lagu xiro qaxootiga sababta oo ah weli ma haystaan green card. Amarkan wuxuu khuseeyaa qaxootiga dalka oo dhan inta dacwadda laga gaarayo go’aan kama dambeys ah, laakiin natiijada ugu dambeysa ee kiiska ayaa laga yaabaa inay ka duwanaato. .

Qaraabaday ayaa la xiray. Maxaan sameyn karaa? 

Haddii qaraabadaada 

1. uu yahay qaxooti 

iyo

2. uusan haysan kaarka deganaanshaha rasmiga ah (Green Card) 

iyo

3. waa la xidhay sababtoo ah ma haysto kaarka deganaanshaha rasmiga ah (Green Card)  

Fadlan iimayl u dir refugeedetentioncase@refugeerights.org adigoo ku daraya macluumaadka soo socda : 

• Magaca buuxa ee qofka 
• Lambarkooda A ee qaxootiga (kani waa lambar ka kooban 9 tiro, oo u badan inuu ku bilaabmo 253)
  • Tilmaamaha ku saabsan sida loo helo lambarkaaga A waxaa laga heli karaa Tallaabada 3.3 ee ilahan.
• Jinsiyaddooda 
• Goobtii ugu dambeysay ee lagu hayay, haddii aad taqaanid
• Dadka ka soo qaadi kara qofka xarunta lagu hayo (sida qareen ama qaraabo
• Taariikhda iyo waqtiga qofka la xidhay

Waxaa la i xidhay, balse waxaan leeyahay ballan ama taariikh maxkamadeed ka dib marka la i sii daayo. Maxaan sameeyaa? 

Waxaan maqalnay in qaar ka mid ah qaxootiga la xidhay sababo la xiriira in aysan haysan kaarka deganaanshaha (Green Card) la sii deynayo, laakiin laga rabo inay ka qayb galaan wareysiyo ama dhageysi ay la yeeshaan garsoore socdaal (immigration judge). Waxa kale oo suurtogal ah in ICE ay kuu sheegtay in sii deyntaada ay leedahay shuruudo. Haddii ay tani kugu dhacday, fadlan nala soo xiriir. Waxaad iimayl u diri kartaa refugeedetentioncase@refugeerights.org.

Maxaa xiga oo dhici doona?

Hakinta ku-meel-gaarka ah ma aha go’aan kama dambays ah. Maxkamaduhu weli ma aysan go’aamin in xidhista qaxootiga aan weli haysan kaarka deganaanshaha (Green Card) ay sharci-darro tahay iyo in kale. Waxaan filaynaa in garsooruhu uu gaari doono go’aan kama dambays ah ka dib marka uu dib u eego kiiska oo dhan, waxaana suurtagal ah in go’aanka kama dambays ahi uu ka duwanaado kan hadda . 

Weli waa muhiim in aad ka warqabto xuquuqdaada. Haddii markii aad timid lagu caawiyey hay’ad dib-u-dejin, waxaa faa’iido leh in aad hadda la xiriirto si aad u hesho macluumaad dheeraad ah.

Ilaha kale ee macluumaadka 

• Waxaan ku noolahay Maraykanka, waxaanan haystaa xaaladda qaxootinimo. Maxaan u baahanahay in aan ogaado? 
• Waxaan ku haystaa xaaladda qaxootinimo gudaha Maraykanka. Maxaan sameeyaa haddii ICE i xiro? 
• Sideen u codsan karaa nuqul ka mid ah codsigayga qaxootinimo ee Maraykanka? 

• Sideen u sameeyaa xisaab online ah oo USCIS ah? (Maqaalkani wuxuu dhammaystirayaa kan kor ku xusan)