ما د سي او ايم  (COM)لخوا د رد لېک ترلاسه کړو. څنګه زه د دې پرېکړې په وړاندې عريضه وکړم؟

د کډوالو مرستې نړيواله پروژه (آی ار ای پي) ځينو کډوالو او بې ځايه شويو خلکو ته وړيا قانوني مرستې چمتو کوي.

• آی ار ای پي له ځينو خلکو سره مرسته کوي، چې خدمات پيدا کړي، او د کډوالۍ يا ويزې غوښتنو لپاره چمتوالي ونيسي
• آی ار ای پي د هيڅ دولت، آی او ايم، يا يو اين ايچ سي ار برخه نه ده
• آی ار ای پي نه شي کولای چاته د کډوالۍ حيثيت، يا ويزه ورکړي، يا يې قضيې چټکې کړي
• آی ار ای پي نه شي کولای مالي مرستې چمتو کړي، د هستوګنځي لپاره پيسې ورکړي، يا دندې پيدا کړي
• د آی ار ای پي ټولې مرستې وړيا دي. هيڅوک چې له آی ار ای پي سره شريک دی دا حق نه لري چې له تاسې څخه د پيسو يا نورو خدماتو غوښتنه وکړي.

آی ار ای پي پرېکړه کوي چې له خلکو سره د کډوالۍ د حيثيت لپاره د هغوی د اړتياوو او وړتياوو پر اساس مرستې وکړي. آی ار ای پي دا پرېکړه نه کوي چې له خلکو سره د نورو ټولنيزو يا سياسي يا مذهبي معيارونو پر اساس مرسته وکړي.

دا ويبپاڼه د قانوني پروسو په هکله چې ځينو کډوالو ته مهيا دي، عمومي معلومات ورکوي. دا د انفرادي غوښتنو لپاره د قانوني مشورې په معنی نه دی.

 غوښتنې ممکن بدلون ومومي. تل د حکومت یا ادارې څخه وروستي معلومات وګورئ چې ستاسو د غوښتنې په اړه پریکړه کوي.

که تاسو د کډوالۍ په بیړني حالت کې یاست، موږ وړاندیز کوو چې تاسو په هغه هیواد کې د UNHCR دفتر سره اړیکه ونیسئ چیرې چې تاسو اوسیږئ.

لنډیز

دا لارښود د هغو افغانانو لپاره دی چې:

• د امريکي د حکومت لپاره يې افغانستان کې کار کړی وي، د امريکي د حکومت له قراردادي کمپنۍ سره يې کار کړی وي، يا يې له نړيوالو سوله ساتو ځواکونو (ايساف) سره کار کړی وي، یا د دې ځواکونو پرځای بل ماموريت سره، او
• د ويزې ملي مرکز (NVC) لپاره يې د ماموريت مشر (COM) ته د تاييد غوښتنلیک وړاندې کړې وي، او د ویزې ملي مرکز څخه يې د رد لیک ترلاسه کړی وي چې د ماموریت مشر لخوا د دوی د تاييد عريضه يې رد کړې وي خو پر دې ليک له ۱۲۰ ورځو کم وخت اوښتی وي او
• غواړي چې د رد په وړاندې عريضه وکړي.

تاسو کولای شئ چې د ویزې ملي مرکز څخه د ماموریت مشر د رد ليک ترلاسه کولو څخه وروسته په ۱۲۰ ورځو کې د ماموریت مشر د رد په وړاندې عريضه وکړئ. ستاسو د COM د رد کیدو د مکتوب نیټه کیدی شي له هغې نیټې څخه مخکې وي چې NVC تاسو ته بریښنالیک لیږلی وو، خو له هغه وخت څخه چې NVC تاسو ته د رد مکتوب لیږلی دی، تاسو 120 ورځې فرصت لرئ. د ماموریت مشر هم کولی شي 120 ورځې وروسته، د تجدید نظر غوښتنلیک یا اپیل ومني.

که ستاسو د COM غوښتنلیک رد شوی وي، خو د رد کیدو د مکتوب له ترلاسه کولو څخه 120 ورځې تیرې شوې وي، تاسو کولی شۍ نوی COM غوښتنلیک ولیږئ. . د ماموریت مشر د تاييد لپاره د بهرنیو چارو وزارت د اړتياوو په اړه معلوماتو لپاره دا ځای وګوره۔ 

دا لارښود د هغو افغانانو لپاره نه دی چې

• د بهرنيو چارو وزارت لخوا د ويزې د عريضې په DS-260  مرحله کې د ويزې د رد د ليک له لارې رد شوي ياست، يا
• د امريکي متحده ايالاتو د کډوالو د داخلې پروګرام له لارې د کډوالو د ځای پر ځای کېدو پروګرام لخوا رد شوی وي

 د ماموریت مشر د رد ليک په اړه

د ماموریت مشر رد ليک ته "د افغانستان د ځانګړي ويزې د حالت لپاره د ماموريت د مشر لخوا د عريضې رد" ويل کيږي۔ د ویزې ملي مرکز به تاسو ته د رد ليک له دې“AfghanSIVApplication@state.gov” ايميل ادرس“CANVCAfghanSIVApplication@state.gov” څخه ايميل کړي. که تاسو چرته د رد ليک ترلاسه نه کړ، او يا دې ورک کړ، ته بايد د ویزې ملي مرکز سره اړيکه ونيسې او د ليک غوښتنه وکړې. 

۱ پړاو: خپل د رد ليک بیا کتنه وکړه او هغه دلايل وګوره چې د مامرویت مشر ستاسو عريضه د کوم علت له کبله رد کړې ده. د رد ليک د غوره کولو برخه لري چې لږ تر لږه يو دا دليل پکې راغلی وي چې ولې د ماموریت مشر د تاييدۍ لخوا رد شوي ياست. کېدای شي په وروستۍ فقره کې دا ليک نور معلومات هم ولري. هغه برخه يا برخې پیدا کړئ چې ستاسې په لیک کې داخلې کړي شوي او هغه ولولئ چې څه مطلب لري چې دا په لاندې لينکونو کې شته.

۲ پړاو: چې يو ځل مو د رد دليل وموند نو بيا بايد تاسو نوي شواهد پيدا کړئ چې د رد ځواب وواياست. نوي شواهد هغه مهال نه غوښتل کيږي که تاسو فکر کوئ چې د ماموریت مشر ستاسو په عريضه کې تېروتنه کړې. په هر حال، که تاسو وکولي شول چې نوي شواهد پیدا کړئ چې شونې ده د رد په ځواب کې بريالی شي، ته بايد هغه هم پکې داخل کړې.

۳ پړاو: خپله عريضه ولیکه. ستاسو په عريضه کې:

• هغه نوي معلومات تشريح کړه چې ته يې شاملوې، هر نوی سند ورسره ونښلوه، او دا واضحه کړه چې ولې دا سند د رد د دليل ځواب کيدلي شي.
• که فکر کوې چې د ماموریت مشر ستا په عريضه کې تېروتنه کړې ده، تشریح کړه چې تېروتنه څه ده.

۴ پړاو: د خپلې عريضې لیکلو وروسته، خپله عريضه په دې ايميلAfghanSIVApplication@state.gov  واستوه. خپل نوم، د د ویزې ملي مرکز د دوسيې شمېره، او د زېږېدو نېټه پکې شامل کړه.

د دې لارښود پاتې برخه د رد بيلا بيل ډولونه تشريح کوي. هغه معلومات او شواهد تشريح کوي، کوم به چې د رد ننګولو په برخه کې مرستندوی وي. په هغه دليل يا دلايلو کيکاږۍ چې ستاسې د رد په ليک کې راغلي دي، تر څو نور معلومات تر لاسه کړئ:

 

زما د رد ليک وايي "له قضيې سره  زیان اړوونکي معلومات يو ځای کړای شوي"

زما د رد ليک وايي "د استخدام موده پوره نه ده"

زما د رد ليک وايي "د امریکې حکومت/ نړیوالو سوله ساتو ځواکونو یا ايساف په استازيتوب د استخدام نه شتون"

زما د رد ليک وايي "د پرېکړې لپاره پوره اسناد نه شته"

زما د رد ليک وايي "باوري او با ارزښته خدمات نه دي تر سره شوي"

 

زما د رد ليک وايي "له دوسيې سره زيان اړونکي معلومات يو ځای کړي شوي دي"

د ماموريت مشر ستاسو عريضه رد کړه، ځکه هغه باور لري چې:

• ته د امريکي د حکومت امنيتي ارزونه کې ناکامه شوی یې; يا
• د امريکي د حکومت سره د کار کولو پر مهال يا د کډوالۍ ځانګړې ویزې د پروسې پر مهال تا څه غلطي کړې.

کېدای شي د رد ليک بيانوي چې د ماموریت مشر باور لري چي له لاندې مواردو څخه يو سم دي: 

1. ته "د کوم [دليل] په اساس له دندې ګوښه یوی یې."

د دې څه مطلب دی؟ 

د ماموریت مشر باور لري چې ته له دندې شړل شوې وې.

 زما د عريضې لپاره به کوم ډول سند ګټور وي؟

ته بايد  دا څرګنده کړې چې:

• تاسو د دندو په ترسره کولو کې د پاتې راتللو یا د شرکت د قوانینو څخه د سرغړونې له امله له دندې اخراج شوي نه یاست؛
• تاسو د دندې له پریښودو مخکې متحده ایالاتو ته "صادقانه او ارزښتناک" خدمتونه وړاندې کړي دي؛ یا
• تاسو د متحده ایالاتو د یو نهاد له خوا بیرته استخدام شوي یاست او د خپلې دندې دیوې برخې په توګه مو صادقانه او ارزښتناک خدمتونه وړاندې کړي دي.

هڅه وکړئ د لاندې شواهدو له جملې څخه یو چمتو کړئ:

• د نوې دندې د تصديق ليک: که ته له دندې ګوښه شوی نه وې، يا په تېروتنې سره وېستل شوې وې، د خپل استخدام کوونکي څخه د تصحيح شوي ليک غوښتنه وکړه.

• • لومړی: د خپل پخواني استخدام کوونکي څخه وغواړه چې ستا لخوا د شرکت د خوشې کولو په اړه د هغوی معلومات څه وايي.
  • دويم: که تېروتنه موجوده وه، نو د کمپنئ يو ثبوت ورکړه چې درسره شته او له هغوی وغواړه چې تېروتنه تصحيح کړي.
  • دريم: که تېروتنه نه شي تصحيح کېدای، مشر يا بل مشر څخه وغواړه چې ستا د استخدام کوونکي نه وغواړي چې تېروتنه تصحيح کړي.
  • څلورم: که ستا استخدام کوونکي تېروتنه تصحيح کړه، له دوی څخه د استخدام د نوي تصديق ليک غوښتنه وکړه چې ستا لخوا د شرکت د خوشې کولو صحيح دليل پکې څرګند وي.
•  د سپارښتنې نوی لیک: که نه شې کولي د استخدام د تصديق نوی ليک ترلاسه کړې، مشر څخه وغواړه چې د سپارښتنې نوی ليک درته وليکي. په دې لیک کې بايد لاندې معلومات موجود وي:
  •  دا باید څرګنده کړي چې ستا کار د امريکي متحده ايالاتو لپاره ولې ارزښتمن وو، او  او له دندې ستاسو ګوښه کیدل ددې خدمتونو ارزښت نه کموي.
  • له دندې څخه د اخراج شرایط توضیح کړئ. ستاسو مشر تشریح کولای شي که چېرې تاسو په خطا ايستل شوي یاست.
  • هغه اساسي معلومات چې بايد د سپارښتنې په ليک کې شامل کړي شي.
• متحده ایالاتو سره د وروستۍ دندې د تصدیق مکتوب او سپارښت لیک.

 که ته په دې حالت کې وې، نو څومره زيات مشران چې دې درلودل او له څومره ډېرو څخه چې ممکنه وي وغواړه چې تا ته د سپارښتنې ليک وليکي يا ستا د ملاتړ لپاره لیک وليکي.

2. تاسې ( د ګوښه کيدو لامل) يا تاسې ( د دليل) له امله (ګوښه) شوې ياستئ او تاسې د امنيتې بهير په ارزونې کې پاتې راغلې ياستئ.

دا په څه معنی ده؟

 د ماموریت مشر په دې باور دې چې تاسې له خپلې دندې له دې امله ویستل شوې ياست چې ستاسې د دندې په  اسنادو کې ليدل کېږي چې تاسې د امنيتې بهير په ارزونه کې پاتې راغلي ياستې.

زما د غوښتنې لپاره به کوم شواهد مرستندوی وي؟

د سپارښتنې نوی ليک: د خپل پخواني مشر نه وغواړه چې ايا دوی کولي شي داسې تشريحي لیک وليکي چې ولې ستاسې د امنيت کتنې ناکامي ناسمه وه. دوی بايد دا ليک همداراز ستا پخواني استخدام کوونکي ته واستوي تر څو دا روښانه کړي چې دا ناکامي تېروتنه وه. دوی بايد هم غوښتنه وکړي چې ستا استخدام کوونکی خپل ثبت معلومات د مشر د څرګندونو په رڼا او ملاتړ کې نوي کړي. د استخدام کوونکو او مشرانو سره د اړيکو لپاره د IRAP لارښود دلته وګوره. ليک بايد هغه اساسي معلومات هم ولري چې  د ماموریت مشر يې د سپارښتنې د ليکونو لپاره غوښتنه کوي.

• • سربیره پردې، که د یو شرکت په امنیتي ارزونو کې ناکام شوي یاست، خو څه موده وروسته په بل شرکت کې ګومارل شوي یاست او ددې شرکت امنیتي ارزونې مو په بریالیتوب بشپړې کړې وي، تاسو کولی شۍ سپارښت لیکونه چې دغه موضوع روښانه کوي، د تجدید نظر له غوښتنلیک یا اپیل سره یوځای کړئ.

 

3. تا "جعلي" اسناد  لیږلي دي
   

د دې څه معنی ده؟

د ماموریت مشر باور لري چې تا لږ تر لږه د ماموریت مشر په عريضه کې يو جعلي سند داخل کړی. خپل د رد ليک ولوله که چېرې د ماموریت مشر روښانه کړې وي تر څو وګورې چې په کوم سند دوی باور لري چې جعلي دی.

که دا نه وي روښانه چې کوم سند جعلي دی، خپل داخل کړي اسناد ټول بيا وګوره. ته بايد ټول هغه غير عادي شيان وګورې چې کېدای شي د دې ښودنه کوي چې دا اصلي نه دي. که د رد ليک روښانه کړې وي چې کوم سند جعلي دی، ته بايد دا سند وګورې تر څو وګورې چې په هغې کې کوم غير معمولي څه شته چې د دې ښودنه کوي چې دا اصلي نه دی.

 

زما د عريضې لپاره به کوم شواهد مرسته کوونکي وي؟

که ته پوهېږې چې په کوم سند د ماموریت مشر د جعل فکر کوي، له هغه شخص يا دفتر سره اړيکه ونيسه چې دا ليک يا سند يې ليکلی. ورڅخه وغواړه چې ايا دوی:

• سره د  ماموریت مشر لخوا اړيکه نيول شوې وه چې دا ليک تاييد کړي، او
• دوی يو نوی ليک وليکي چې تاييدوي
• چې د ماموریت مشر ته استول شوی سند دوی ليکلی او اصلي دی او
• دا چې اصلي لیک مجاز او واقعي دی. نوی ليک هم بايد لومړني اساسي معلومات چې غوښتنه یې شوې، ولري.

د استخدام کوونکو او مشرانو د پیدا کولو لپاره د IRAP لارښود دلته وګوره. که ته نه پوهېږې چې د ماموریت مشر څه فکر کوي کوم سند جعلي دی، له هر هغه شخص څخه نوی ليک وغواړه چې تاته يې په لومړي ځل لیکلی وو او تا په خپله عريضه کې داخل کړی وو. نوی ليک هم بايد اساسي معلومات ولري چې د سپارښتنې او استخدام لېکونو لپاره اړتیا لري.

4. وموندل شول چې ته "د امريکي له سفارت سره د امنيتي دلايلو پر اساس د کار کولو لپاره وړ نه وې".

دا څه معنی لري؟

د ماموریت مشر باور لري چې تا د امريکي متحده ايالاتو سفارت ته د کار کولو لپاره غوښتنه وکړه خو تاته کار درنه کړل شو ځکه چې ته د امنيتي کتنې په برخه کې بريالی نه شوې.

 زما د غوښتنې لپاره به کوم شواهد مرستندوی وي؟

د سپارښتنې نوی ليک: د خپل پخواني مشر نه وغواړه چې ايا دوی کولي شي داسې تشريحي لیک وليکي چې ولې ستاسې د امنيت کتنې ناکامي ناسمه وه. دوی بايد دا ليک همداراز ستا پخواني استخدام کوونکي ته واستوي تر څو دا روښانه کړي چې دا ناکامي تېروتنه وه. دوی بايد هم غوښتنه وکړي چې ستا استخدام کوونکی خپل ثبت معلومات د مشر د څرګندونو په رڼا او ملاتړ کې تازه کړي. د استخدام کوونکو او مشرانو سره د اړيکو لپاره د IRAP لارښود دلته وګوره. ليک بايد هغه اساسي معلومات هم ولري چې سي او ايم يې د سپارښتنې د ليکونو لپاره غوښتنه کوي.

• • سربیره پردې، که د یو شرکت په امنیتي ارزونو کې ناکام شوي یاست، خو څه موده وروسته په بل شرکت کې ګومارل شوي یاست او ددې شرکت امنیتي ارزونې مو په بریالیتوب بشپړې کړې وي، تاسو کولی شۍ سپارښت لیکونه چې دغه موضوع روښانه کوي، د تجدید نظر له غوښتنلیک یا اپیل سره یوځای کړئ.

زما د رد ليک وايي "د کار کولو کمه موده"

ته بايد دا وښايې چي تا لږ تر لږه يو کال کار کړی.  تر 2021 پورې ، قانون یوازې یو کال کار ته اړتیا لري.

 یو قانون چې په 2021 کې تصویب شوی د کار لازمه موده د دوه کلونو څخه یو کال ته کموي. که ستاسو د COM درخواست له دې امله رد شوی و چې ستاسو "د خدمت اوږدوالی کافي نه و"، نو کېدلی شي چې تاسو اوس د COM د منظورۍ لپاره حقدار یاست.

 اوس په تاسو دا ثابتول لازمي دي چې تاسو د متحده ایالاتو دولت یا د هغې لخوا یا د مرستې د نړیوال امنیتي ځواک (ISAF) یا د یوې ځایناستي ماموریت لخوا د لږ تر لږه یو کال (12 میاشتو) لپاره په کار ګومارل شوي وئ. که تاسو ته رد ځواب درکړل شوی و نو تاسو دا په خپل اپیل کې شاملولی شئ:

"ما مخکې د COM درخواست ورکړی و کوم چې د خدمت د ناکافي مودې له امله رد شوی و. د افغان اتحادیانو د حفاظت قانون، کوم چې د 2021 د بیړني امنیت د ضمیمه يي اختصاصاتو لخوا اصلاح شوی دی، د خدمت اړینه موده د 2 کلونو څخه 1 کال ته ټیټه کړې ده. زه باور لرم چې زه اوس د COM منظورۍ حقدار یم او دغې منظورۍ درخواست کوم."

“I previously submitted a COM application that was denied for insufficient length of service. The Afghan Allies protection Act, as amended by the Emergency Security Supplemental Appropriations Act of 2021 has lowered the necessary length of service from 2 years to 1 year. I believe that I am now eligible for COM approval and request such approval.”

 تاسو باید COM ته یو نوی درخواست ورکړئ که چیرته تاسو اپیل کړی و او ستاسو اپیل په دې دلیل رد شوی و چې:

• د شرط د پوره کولو لپاره ستاسو د دندې موده کافي نه وه، یا
• تاسو د دوه کلونو د کار ثبوت نه درلود. 

د COM درخواست د ورکولو په اړه د IRAP سرچینې تاسو سره د درخواست په داخلولو کې مرسته کولی شي.

• سوپروایزرانو سره د تماس نیولو په اړه د IRAP لارښود دلته دی.
• د هغو معلوماتو چې ستاسو د سپارښتنې او د وظیفې په لیکونو کې باید وي په اړه د IRAP لارښود دلته دی.
• د تماس د معلوماتو د موندلو په اړه د IRAP لارښود دلته دی.

که تاسو مخکې نه د COM درخواست ورکړی وي او پرېکړې ته انتظار کې وي، نو تاسو دې وخت کې د نورو قدمونو اخیستلو ته اړتیا نلرئ.

که تاسو یو پوره کال کار نه وي کړی، نو مهرباني وکړئ افغانانو لپاره د متحده ایالاتو لخوا د مهاجرت د نوي پروګرام په اړه دا لارښود ولولئ.

که تاسو د متحده ایالاتو له پوځ سره د لیکنې او شفاهي ژباړن په توګه کار کړی وي: که تا په مستقیم ډول د امريکي د پوځ سره ژباړن په توګه له يو کال څخه زيات کار کړی وي، ممکنه ده چې ته د ايس ايۍ وي د يو جلا پروګرام لپاره  واجد شرایط شي چې هغې ته د ۱۰۵۹ پروګرام وايي. دا چې هغې پروګرام ته څنګه عريضه کولي شې معلومات يې دلته دي.

 

د رد ليک کېدای شي واضحه کړي چې د ماموریت مشر باور لري يو له لاندې مواردو څخه سم دی: 

• تاسو "د اړتيا وړ استخدام اوږده موده نه لرې."

د دې څه معنی ده؟

د 30م سپتمبر 2015 نه وروسته ورکړل شوو درخواستونو کې شرط دا و چې د دوه کلونو کار ښکاره کړي. خو دا قانون 2021 کې بدل شو. په درخواست ورکوونکو اوس فقط اړینه ده چې یو کال کار وښايي.

1.  دماموریت مشر نه شي تاييدولای چې ستا کار "د پوره وخت کار سره برابر نه دی"

دا څه معنی لري؟

په داسې حال کې چې ته د معلوم شمېر کلونو لپاره استخدام شوی يې، دماموریت مشر باور لري چې تا يوازې پس له وخته کار کړی. د دې لپاره چې وړ واوسې تا بايد د خپل استخدام لپاره پوره وخت کار کړی وي.

3. تا په هغه وخت کې د پوره کلونو لپاره کار نه دی کړی په کوم وخت کې چې ستا استخدام کوونکي قرارداد درلود.

ستا د رد ليک کېدای شي څه داسې ووايي چې: "ستا استخدام کوونکي د قرارداد يا فرعي قرارداد لپاره د امريکي متحده ايالاتو سره يوه شمېره داخله کړې، د ورکړل شوي قرارداد د کار موده وه د [نېټه] څخه تر دی [نېټه] پورې. په داسې حال کې چې ته له [نېټه] څخه تر دې [نېټه] پورې په کار ګمارل شوې وې کوم چې تاته د يو وړتيا لرونکي قرارداد تر مخې يوازې د [شمېره] مياشتو کار وخت درکوي. په همدې اساس، ته د امريکي متحده ايالاتو د حکومت لخوا يا د حکومت په استازيتوب يا د نړيوالو سوله ساتونکو ځواکونو (ايساف) لخوا د غوښتل شوي کار مودې اوږدوالی نه لرې."

 دا څه معنی لري؟

د ماموریت مشر باور لري چې ستا ګومارونکي د امريکي له حکومت سره قرارداد يا فرعي قرارداد درلود. د ماموریت مشر همداراز باور لري چې تا د اړتيا وړ کلونو لپاره د خپل ګمارونکي لپاره کار کړی دی.

په هر حال، تا بايد هم هغه هومره وخت کار کړی وی څومره وخت چې ستا ګومارونکي د امريکي د حکومت سره قرارداد يا فرعي قرارداد درلود.

 که زما د رد لېک په دې دلایلو کې د یو يادونه کوي نو زما لپاره به کوم شواهد مرستندویه وي؟

• نوي ليکونه چې تېروتنې تصحيح کوي: د خپلو ټولو کارونو نېټې وګوره چې په ټولو اسنادو کې يې يادونه شوې اوتا د سي او ايم له عريضې سره يو ځای کړي. وګوره چې تېروتنې شته. که کومه تېروتنه وه. د سند د جوړونکي سره اړيکه ونيسه چې د دې تصحيح وکړي او نوی ليک وليکي که چېرې کومه تېروتنه وه. د ګمارونکو او مشرانو سره د اړيکې لپاره لارښود دلته وګوره. ليک بايد هغه اساسي معلومات هم ولري چې د کار او د سپارښتنې د ليکونو لپاره غوښتنه کوي.
• د وړ ګرځولو نور کار:
  • که تاسو په مختلفو وختونو کې څو بیلابیلو شرکتونو سره کار کړی وي چې موده یې یو یا دوو کلونو ته رسیږي، تاسو باید د استخدام د هرې دورې سپارښت لیک او د دندې تصدیق پاڼه وړاندې کړئ.
    
    که ستاسو د دندې موده له ټاکل شوې مودې څخه لنډه وي، تاسو د COM منظورۍ لپاره واجد شرایط نه یاست.
    • تاسو کولی شۍ پاتې موده له یو واجد شرایط ګومارونکي سره کار وکړئ او وروسته بیا د COM غوښتنلیک ولیږئ. بیلابیلو ګومارونکو سره د دندې مودې سره یوځای کړئ ترڅو د کار اړینه موده پوره کړئ.

4. ستا ګومارونکي د ټاکلې مودې لپاره د امريکي متحده ايالاتو د حکومت سره قرارداد يا فرعي قرارداد نه درلود.

ستا د رد ليک کېدای شي څه داسې ووايي چې: "پر دنده ستا ګومارونکې د عريضه کوونکي د استخدام پر مهال د امريکي له حکومت سره قراردادونه يا فرعي قراردادونه درلودل، خو دا قراردادونه يا فرعي قراردادونه يوازې د يوې متراکمې مودې لپاره وو، چې هغه [شمير] مياشتې وې، په همدې اساس ته د هغه شرايطو سره برابر نه يې چې هغه د امريکي د حکومت لپاره د لږ تر لږه دوه کلونو وفادارۍ او ارزښتمن خدمت لپاره دي."

 دا څه معنی لري؟

د ماموریت مشر باور لري چې ستا ګومارونکي د امریکي له حکومت سره څنګه چې وړ دی هغه شان قرارداد يا فرعي قرارداد درلود. خو سره له دې، قرارداد د پوره اوږدې مودې لپاره نه وو يا تا د هغې مودې څخه د يو څه مودې لپاره کار کړی چې ستا شرکت يو قرارداد درلود.

ته بايد په هغه موده کې چې ستا ګومارونکي د امريکي له حکومت سره قرارداد يا فرعي قرارداد درلود څومره چې يې غوښتنه کيږي تاسو باید هماغه شمیر کلونو لپاره په کار ګومارل شوې وی.

زما د غوښتنې لپاره کوم ډول شواهد ګټور وي؟

• د قرارداد (قراردادونو) ثبوت: که ته باور لرې چې دا تېروتنه وه، کوښښ وکړه چې د خپل استخداموونکي يا څآرونکي څخه د قرارداد (قراردادونو) ثبوت پيدا کړې.

• د امريکا له حکومت سره ستا د استخداموونکي د قرارداد د ثابتولو په موخه د لارښوونو لپاره دلته وګوره. که ته يوه کاپي ترلاسه کړې، همداراز د بشري منابعو د څانګې نوی ليک ترلاسه کړه کوم چې ټولې هغه تېروتنې تصحيح کوي چې په لومړي ليک کې وې او له خپلې عريضې سره يو ځای يې داخل کړه.
• د استخداموونکو او څارونکو سره د اړيکې د لارښوونې لپاره دلته وګوره.
•  دې ليک کې بايد همدا راز د ايچ ار د ليک په اړه غوښتل شوي اساسي معلومات هم شامل وي.

• د وړ ګرځولو نور کار:
• که قرارداد پوره اوږد نه وو، نو بيا ته د  ماموریت مشر د تاييد لپاره له شرايطو سره برابر نه يې.
• که چېرې تا د يو بل امريکايي استخداموونکي لپاره کار کړی وي او ټول اړين اسناد لرې چې د همدې دندې پر اساس د ايس ايۍ وي (SIV) لپاره عريضه وکړې، ته بايد دا معلومات هم په خپله عريضه کې داخل کړې.
• که چېرې نه لرې، ته به دې ته اړتيا ولرې چې پاتې وخت کې د امريکا د حکومت لپاره کار وکړې او بيا به د کام لپاره نوې عريضه داخله کړې. ته کولای شې د ګڼو وختونو او جلا جلا استخداموونکو لپاره د کار مودې سره يو ځای کړې تر څو د استخدام اړينه موده پوره کړې.

 زما د رد ليک وايي "د امريکي د حکومت/ايساف لخوا يا د دوی په استازيتوب د استخدام کم والی"

د  واجدیت شرایط لپاره:

• تا بايد د ايساف/آر ايس، د امريکي حکومت، يا يو شرکت لپاره چې د امريکي له حکومت سره يې قرارداد درلود، کار کړی وي.
• دماموریت مشر بايد وکولي شي چې ستا د کار ثبوت تايید کړي.
• دماموریت مشر  بايد وکولي شي چې تاييد کړي چې هغه شرکت چې تا ورسره کار کړی د امريکي له حکومت سره يې هغه وخت کې قرارداد درلود چې ته يې استخدام کړی وی. د قرارداد د ثبوت د تر لاسه کولو په اړه د صلاح مشورې لپاره دلته وګوره.

د رد ليک کېدای شي دا تشریح کړي چې دماموریت مشر باور لري چي يو له لاندې مواردو څخه سم دی: 

1. د ماموریت مشر "شواهد نه درلودل" يا يې نه شول کولي چې " د امريکي د حکومت د معلوماتو په مرکزونو کې د قرارداد معلومات" تايید کړي."

دا څه معنی لري؟

دماموریت مشر د امريکي د حکومت سره ستا د ګومارونکي د قرارداد معلومات اونه موندو. د دې مطلب دا نه دی چې قرارداد نشته.

 زما د غوښتنې لپاره به کوم ډول شواهد ګټور وي؟

د قرارداد ثبوت: ستاسود قرارداد ثبوت موندلو لپاره د IRAP لارښود دلته وګورئ. که ته يوه کاپي ترلاسه کړې، همداراز د بشري سرچینو د څانګې نوی ليک ترلاسه کړه کوم چې ټولې هغه تېروتنې تصحيح کوي چې په لومړي ليک کې وې او له خپلې عريضې سره يو ځای يې داخل کړه. د استخدام کوونکو او څارونکو سره د اړيکې نېولو لپاره لارښونه دلته وګوره. ليک کې بايد همداراز اساسي معلومات شامل وي چې د یو ايچ ار ليک لپاره پکار وي. 

2. تا يو قرارداد داخل کړی چې هغه "ستاسو د کار په وخت کې موجود نه وو."

دا څه معنی لري؟

دماموریت مشر باور لري چې ستا ګومارونکي د امريکي له حکومت سره قرارداد يا فرعي قرارداد درلود، لکه چې غوښتنه يې شوې. خو سره له دې، دا قرارداد هغه وخت کې نه و چې تا هلته دنده تر سره کوله. ته بايد په هم هغه وخت کې په کار ګومارل شوې يې چې ستا ګومارونکي د امريکي له حکومت سره قرارداد يا فرعي قرارداد درلود.

 زما د عريضې لپاره به کوم ډول شواهد مرستندویه وي؟

• د قرارداد ثبوت :که ته باور لرې چې دا تېروتنه وه، کوښښ وکړه چې د خپل استخداموونکي يا څآرونکي څخه د قرارداد يوه کاپي ترلاسه کړې او دا یقېنې کړه چې دا ستا د کار وخت رانغاړي. ستاسود قرارداد ثبوت موندلو لپاره د IRAP لارښود دلته وګورئ. که ته يوه کاپي ترلاسه کړې، همداراز د ايچ ار نوی ليک ترلاسه کړه کوم چې ټولې هغه تېروتنې تصحيح کوي چې په لومړي ليک کې وې او له خپلې عريضې سره يو ځای يې داخل کړه. د استخدام کوونکو او څارونکو سره د اړيکې نېولو لپاره د  IRAPلارښود دلته وګوره. دې ليک کې بايد همداراز اساسي معلومات شامل وي چې د یو ايچ ار ليک لپاره پکار وي.
•  نورې واجد شرایط دندې:
  • که چېرې ستا استخدام په هغه وخت کې نه و په کوم وخت کې چې ستا استخداموونکي د امريکا له حکومت سره قرارداد درلود، بيا ستا کار د دماموریت مشر  د تاييد لپاره له شرايطو سره سمون نه خوري.
  • که چېرې تا د يو بل امريکايي استخداموونکو لپاره کار کړی وي او ټول اړين اسناد لرې چې د همدې دندې په شمول د قرارداد معلومات پر اساس د ايس ايۍ وي (SIV) لپاره عريضه وکړې، ته بايد دا معلومات هم په خپله عريضه کې داخل کړې.
  • که چېرې نه لرې، ته به دې ته اړتيا ولرې چې پاتې وخت کې د امريکا د حکومت لپاره کار وکړې او بيا به د کام لپاره نوې عريضه داخله کړې. ته کولای شې د ګڼو وختونو او جلا جلا استخداموونکو لپاره د کار مودې سره يو ځای کړې تر څو د استخدام اړينه موده پوره کړې.

3. د کار ډول او نوعیت، تاسو د کډوالۍ ځانګړې ویزې لپاره نه واجد شرایط کوي، ځکه چې تاسو د لیکنې او شفاهي ژباړن په توګه دنده ترسره کړې نه ده، او حساس او د اعتماد وړ فعالیتونه مو ترسره کړي نه دي.

دلته د IRAP لارښوود د هغو کسانو لپاره د لاسرسي وړ دی چې پکې توضیح شوي دي چې دغه کسان په دې دلیل رد شوي دي چې د لیکنې یا شفاهي ژباړن په توګه یې دنده نه ده ترسره کړې، یا یې حساس او د اعتبار وړ فعالیتونه نه دي ترسره کړي.

 

4. ستاسو ګومارونکي د بلاعوضو مرستو، جایزې، تعاوني قراردادونو یا لایسنس په چوکاټ کې کار کړی دی.

ددې معنی څه ده؟
ستاسو شرکت د متحده ایالاتو له حکومت سره سم قرارداد نه درلود. ددې لپاره چې ستاسو کار یا دنده واجد شرایط وګڼل شي، ګومارونکي باید قرارداد ولري.

کوم شواهد به د تجدید نظر غوښتنلیک یا اپیل لپاره ګټور وي؟

• د قرارداد ثبوت: که تاسو فکر کوۍ چې کومه خطا شوې ده، هڅه وکړئ چې له خپل ګومارونکي یا مستقیم آمر څخه قرارداد ترلاسه کړئ. د قرارداد د ثبوت د پیدا کولو لپاره، د IRAP لارښوود دلته وګورئ. د قرارداد د یو نقل د پیدا کولو په صورت کې، د بشري سرچینو د څانګې مکتوب هم ترلاسه کړئ چې پکې په لومړي مکتوب کې هرډول خطا اصلاح شوې وي او بیا هغه د تجدید نظر غوښتنلیک یا اپیل سره یوځای ولیږئ. ګومارونکو او آمرینو سره د اړیکې لپاره، د IRAP لارښوود دلته وګورئ. په دې مکتوب کې باید د بشري سرچینو د څانګې لومړني لازم معلومات شامل وي.
• نورې واجد شرایط دندې:
  • که ستاسو ګومارنه د قرارداد پربنسټ نه وي، په دې صورت کې تاسو د COM منظورۍ لپاره واجد شرایط نه یاست.
  • که تاسو متحده ایالاتو پورې تړلو نورو ګومارونکو سره کار کړی وي او د همدې وظیفې پربنسټ تاسو د کډوالۍ ځانګړې ویزې SIV لپاره د درخواست کولو شواهد او معلومات په لاس کې لرۍ، تاسو کولی شۍ همدا معلومات د تجدید نظر له غوښتنلیک یا اپیل سره یوځای ولیږئ.
  • که دا شواهد په لاس کې نلرۍ، تاسو کولی شۍ چې د پاتې مودې په اړه د متحده ایالاتو له حکومت سره اړیکه ونیسئ او بیا د COM منظورۍ لپاره نوی غوښتنلیک ولیږئ. تاسو کولی شۍ بیلابیلو ګومارونکو سره د کار مودې سره یوځای کړئ ترڅو د استخدام د اړتیا وړ موده پوره کړئ.
    
    که تاسو د بلاعوضو مرستو، جایزې، تعاوني قراردادونو په چوکاټ کې دنده ترسره کړې وي، مهرباني وکړئ افغانانو لپاره د متحده ایالاتو د کډوالۍ نوي پروګرام په اړه دغه لارښوود ولولئ.
    

زما د رد ليک وايي "د پرېکړې لپاره د پوره اسنادو کمښت"

ستا د سي او ايم عريضې د داخلولو اړينو اسنادو د پوره لست د کتلو لپاره دلته کلک کړئ. ته بايد دا ټول اسناد داخل کړې، د ټولو غوښتل شوو معلوماتو سره يو ځای، تر څو د سي او ايم تاييدي تر لاسه کړې.

د  IRAPلارښود تشریح کوي چې ستا د سپارښتنې ليک او ستا د کار کولو تاييدۍ ليک بايد څه ولري.

د رد ليک کېدای شي تشریح کړي چې: 

1. "تا [اسناد] نه دي مهيا کړي "

ستا په عريضه کې، ته بايد هغه اسناد ورکړې چې د رد په لست کې شامل کړي شوي دي. د هغو اسنادو د پوره لست لپاره چې ته يې بايد وسپارې دلته کلک کړئ. که رد وايي چې تا د ګومارنې د تاييد ليک يا د سپارښتنې لیک نه دی داخل کړی، دلته کېکاږه تر څو وګورې چې هر ليک کې بايد څه ته ځای ورکړل شي.

 

2. د ماموریت مشر "نه شي کولي ستا د سپارښتنې د ليک د اصلي والي يا سموالی تاييد وکړي"

دا څه معنی لري؟

د ماموریت مشر به ستا له مشرانو او استخداموونکو سره اړيکه ونيسي تر څو ډاډ تر لاسه کړي چې ليک اصلي او سم دی. ته کېدای شي له دې امله رد شوی يې چې د ليک ليکونکي د تايید لپاره د ماموریت مشر غوښتنه تر لاسه کړې، خو ځواب يې ورته نه دی ويلی، يا د ليک ليکونکي د سي او ايم غوښتنه نه ده تر لاسه کړې.

 

زما د عريضې لپاره به کوم شواهد مرستندویه وي؟

د تازه اړيکو د معلوماتو درلودونکی نوی ليک:

له هغه شخص يا دفتر سره اړيکه ونيسه چا چې ليک يا سند لیکلي. له دوی وپوښته چې ايا د سي او ايم لخوا د ایمیل ”@state.gov“ ادرس له لارې ورسره اړيکه نيول شوې وه تر څو د ليک تاييد وکړي. دوی دې خپل د سپام فولډر او د ایمیل زېرمه هم وګوری. که له سي او ايم څخه يې کوم اي ميل تر لاسه کړی نه وي، له دوی پوښتنه وکړه چې ايا نوی لیک ليکلی شي. په نوي ليک کې بايد شامل وي:

• د دې تاييد چې د ماموریت مشر ته استول شوی ليک يا سند دوی ليکلی دی او دا چې لومړی ليک سم او اصلي دی؛
• د دې وضاحت چې دوی له د ماموریت مشر څخه د ليک د تاييد لپاره غوښتنه نه ده تر لاسه کړې؛
• تاييد چې دوی د ليک د تصديق په موخه د اړيکې نيولو لپاره چمتو دی؛ او
•  يو ايميل ادرس چې دوی يې په منظم ډول ګوري.
• ليک بايد اساسي غوښتل شوي معلومات هم ولري کوم چې د سي او ايم د تايید لپاره په داسې ډول لیکونو کې شامل وي.

د ګومارونکو او مشرانو سره د اړيکې د لارښونې لپاره دلته وګورئ.

3. ستا د سپارښتنې لیک نيمګړی وو

دا څه معنی لري؟

د سپارښتنې هغه ليک کې چې تا داخل کړی ټول غوښتل شوي معلومات نه لري.

 زما د غوښتنې لپاره به کوم ډول شواهد ګټور وي؟

د سپارښتنې نوی لیک تر لاسه کړه چې ټول غوښتل شوي معلومات پکې شامل وي. د  IRAPلارښود چې ستا ليک بايد څه ولري تشریح کوي دلته وګوره.

مهمه یادونه: د ۲۰۲۱ کال له مني څخه مخکې، د بهرنیو چارو د وزارت د شرایطو سره سم باید د متحده ایالاتو یو تبعه سپارښت لیک لاسلیک کړی وای او یایې افغان آمر سره په ګډه لاسلیک کړی وای. د بهرنیو چارو وزارت دا تاییدوي چې اوس لازمه نه ده چې د متحده ایالاتو تبعه دې سپارښت لیک ولیکي یا لاسلیک کړي. د بهرنیو چارو وزارت په لارښوود کې په واضح توګه ویل شوي دي چې "ښه به وي" چې د متحده ایالاتو تبعه چې د قرارداد مسوولیت په غاړه لري افغان آمر سره چې د متحده ایالاتو تبعه ندی، په ګډه مکتوب لاسلیک کړي او د معلوماتو د سموالي او دقت په اړه خپل اطمینان څرګند کړي. خو بیا هم دا اوس مهال یو شرط نه ګڼل کیږي. که چیرې د ویزې ملي مرکز له تاسو څخه وغواړي چې د خپل امریکایي آمر له خوا مکتوب ترلاسه کړئ، تاسو هغوی ته توضیح کولی شۍ چې اوس دا شرط د تطبیق وړ نه دی. که چیرې ستاسو غوښتنلیک په همدې دلیل ځنډول شو�� یا رد شوی وي، تاسو کولی شۍ �� ماموریت د رییس له خوا د غوښتنلیک د رد کیدو د مرستې فورمې له لارې چې د IRAP له خوا جوړه شوې ده، د مرستې غوښتنه وکړئ. 

4. "ستا د دندې د ليک ډول او جوړښت" د ماموریت مشر يې پوښتنې ته اړ کړ چې ايا هغه جعلي وو او "دوی ونه شول کولي چې د سند د جايزوالي حالت تاييد کړي."

دا څه معنی لري؟

د جوړښت او ډول پر اساس، د ماموریت مشر باور کوي چې د بشري سرچينو د ديپارتمنت لخوا د دندې د تاييد ليکل شوی لیک جعلي دی ۔

 زما د غوښتنې لپاره به کوم شواهد مرستندوی وي؟

له هغه شخص يا دفتر سره اړيکه ونيسه چې دا سند يې لیکلی. له دوی وپوښته چې ايا دوی:

1. سره د د ماموریت مشر لخوا د ايميل ”@state.gov“ادرس له لارې اړيکه نيول شوې چې لیک تايید کړي، او
2. دوی کولي شي نوی بل لیک وليکي او تاييد کړي چې هغه بل ليک يا سند کوم چې سي او ايم ته سپارل شوی، دوی ليکلی، او دا چې لومړی لیک مجاز او اصلي دی. په لیک کې بايد اساسي لومړني غوښتل شوي معلومات هم وي، کوم چې د دې ډول ليک لپاره غوښتل کيږي.

د استخدام کوونکو او مشرانو سره د اړيکو لپاره لارښونه دلته وګوره.

5. د بشري سرچينو د ديپارتمنت لخوا ستا د دندې د تايید ليک بشپړ نه و، د بشري سرچینو د څانګې لخوا صادر شوی نه و، يا د دې لپاره نه و صادر شوی چې د ايس ايۍ وي لپاره وکارول شی.

دا څه معنی؟

د دندې هغه ليک کې چې تا داخل کړی ټول هغه معلومات پکې نه وو چې غوښتنه يې کيږي يا د اړوند دفتر لخوا صادر شوی نه دی.

 زما د عريضې لپاره به کوم شواهد مرستندوی وي؟

د د بشري منابعو ديپارتمنت څخه يو نوې د دندې د تاييد لیک تر لاسه کړه چې ټول هغه غوښتل شوي معلومات پکې شامل وي. د  IRAPلارښود د هغه موادو لپاره چې بايد ستا ليک کې پکار دي دلته وګوره. که ستا شرکت په قرارداد کار کړی وي، نو يقيني کړه چې ستا ليک د قرارداد شمېره لري. د قراردادونو د شواهدو وړاندې کولو په اړه د IRAP لارښود دلته وګوره.

سربیره پردې، ستاسو ګومارونکی کولی شي خپل شرکت په "ربیت پروژه " کې ثبت کړي ترڅو له دې لارې ستاسو دنده تصدیق شي.

 که زما شرکت نور موجود نه وي، يا زما د دندې اړوند ثبت شوي اسناد نه لري؟

که ستا شرکت نور موجود نه وي او يا ثبت اسناد نه لري، خپل مستقیم آمر یا په اداره کې بل لوړپوړي چارواکي څخه وغواړه چې يو لیک وليکي. دا لیک بايد د سپارښتنې له ليک څخه جلا وي. دا ليک بايد:

• دا واضحه کړي چې شرکت نور نه دی موجود يا هيڅ ثبت شوي اسناد نه لري.
• ستا د دندې د پیل او پای نېټې وليکي.
• له شرکت څخه د جلا کېدو علت وليکي که چېرې تاسو هلته نور کار نه کوئ.
• هغه معلومات چې مخکې لیکل شوي څومره چې ممکنه وي هومره معلومات ولري د ايچ ار د ليک د غوښتنو لپاره.

ته بايد همداراز کوښښ وکړې چې د خپلو آمرینو یا نورو لوړپوړو چارواکو څخه څومره چې کولي شې ډېر ليکونه تر لاسه کړې. دا مشران بايد په خپلو ليکونو کې واضحه کړي چې دوی کله له تاسو سره کار کړی دی. دا به له تا سره مرسته وکړي چې د امکان تر حده د دندې زياته وړتيا ثابته کړې.

 زما د رد ليک وايي "د وفادارانه او ارزښتمن خدمت کموالی"

د رد ليک باید تشریح کوي چې د ماموریت مشر باور لري چي له لاندې مواردو څخه يو سم دي:

1. ستاسو د دوسيې سره زيان اړونکي معلومات يو ځای کړي شوي دي

2. ته "د دې دليل په واسطه لرې شوې وې" يا "په دې دليل لرې شوې وې [دليل]."

د دې څه مطلب دی؟

د ماموریت مشر باور لري چې ته له دندې شړل شوې وې.

 زما د عريضې لپاره به کوم ډول سند کومک کوونکی وي؟

ته بايد وښايې دا چې

• ته په دې وجه نه وې شړل شوې چې په خپله دنده کې نا شونې وې يا دې د کمپنۍ قانون مات کړی;
• تا د دندې تر پرېښودو مخکې د امريکي متحده ايالاتو لپاره "وفادارانه او ارزښتمن خدمات" تر سره کړي. که 
• تاسو د متحده ایالاتو د یو نهاد له خوا بیرته استخدام شوي یاست او د نوې دندې د یوې برخې په توګه، تاسو صادقانه او ارزښتناک خدمتونه وړاندې کړي دي.

د نوې دندې د تصديق ليک: که ته له دندې نه وېستل شوې نه وئ، يا په تېروتنې سره ايستل شوې وې، د خپل استخدام کوونکي څخه د تصحيح شوي ليک غوښتنه وکړه. هغه څنګه.

• لومړی: د خپل پخواني استخدام کوونکي څخه وغواړه چې ستا لخوا د شرکت د خوشې کولو په اړه د هغوی معلومات څه وايي.
• دويم: که تېروتنه موجوده وه، نو د کمپنۍ يو ثبوت ورکړه چې درسره شته او له هغوی وغواړه چې تېروتنه تصحيح کړي.
• دريم: که تېروتنه نه شي تصحيح کېدای،  مستقیم آمر یا بل لوړپوړي چارواکي څخه وغواړه چې ستا د استخدامکوونکي نه وغواړي چې تېروتنه تصحيح کړي.
• څلورم: که ستا استخدامکوونکي تېروتنه تصحيح کړه، له دوی څخه د استخدام د نوي تصديق ليک غوښتنه وکړه چې ستا لخوا د شرکت د خوشې کولو صحيح دليل پکې څرګند وي.

د سپارښتنې نوی لیک: که نه شې کولي د استخدام د تصديق نوی ليک تر لاسه کړې، خپل مستقیم آمر یا په اداره کې بل لوړپوړي چارواکي څخه وغواړه چې د سپارښتنې نوی ليک درته وليکي. په دې لیک کې بايد موجود وي:

• تشريح وي چې ستا کار د امريکي متحده ايالاتو لپاره ولې ارزښتمن وو، او دا چې له دندې ستا ايستل ولې دې هر څه ته بدلون نه ورکوي.
• له دندې څخه د اخراج شرایط توضیح کړئ. ستا مشرتشريح کولای شي چې ته په خطا ايستل شوې يې.
• د سپارښتنې په ليک کې هغه اساسي اړین معلومات شامل کړه.

● د هرې وروستۍ دندې تصدیق او سپارښت لیک چې د متحده ایالاتو په استازیتوب ترسره شوې وي

 که ته په دې حالت کې وې، نو څومره زيات مشران چې دې درلودل او له څومره ډېرو څخه چې ممکنه وي وغواړه چې تا ته د سپارښتنې ليک وليکي يا ستا د ملاتړ لپاره لیک وليکي.

3. تا "جعلي" اسناد داخل کړي

د دې څه معنی ده؟

د ماموریت مشر باور لري چې تا لږ تر لږه د د ماموریت مشر په عريضه کې يو جعلي سند داخل کړی. خپل د رد ليک ولوله که چېرې د ماموریت مشر روښانه کړې وي تر څو وګورې چې په کوم سند دوی باور لري چې جعلي دی.

که دا نه وي روښانه چې کوم سند جعلي دی، خپل داخل کړي اسناد ټول بيا وګوره. ته بايد ټول هغه غير عادي شيان وګورې چې کېدای شي د دې ښودنه کوي چې دا اصلي نه دي. که د رد ليک روښانه کړې وي چې کوم سند جعلي دی، ته بايد دا سند وګورې تر څو وګورې چې په هغې کې کوم غير معمولي څه شته چې د دې ښودنه کوي چې دا اصلي نه دی.

زما د عريضې لپاره به کوم شواهد مرسته کوونکي وي؟

که ته پوهېږې چې په کوم سند سي او ايم د جعلي فکر کوي، له هغه شخص يا دفتر سره اړيکه ونيسه چې دا ليک يا سند يې ليکلی. ورڅخه وغواړه چې ايا دوی:

• سره د سي او ايم لخوا اړيکه نيول شوې وه چې دا ليک تاييد کړي؛ او
• دوی يو نوی ليک وليکي چې تاييدوي
•  چې سي او ايم ته استول شوی سند دوی ليکلی او اصلي دی او
• دا چې اصلي لیک مجاز او واقعي دی. نوی ليک هم بايد اساسي معلومات چې غوښتنه یې شوې د دغه قسمه لیک لپاره ولري.

د استخدامکوونکو او مشرانو د پیدا کولولپاره لارښونه دلته وګوره. که ته نه پوهېږې چې سي او ايم څه فکر کوي کوم سند جعلي دی، له هر هغه شخص څخه نوی ليک وغواړه چې تاته يې په لومړي ځل لیکلی وو او تا په خپله عريضه کې داخل کړی وو. نوی ليک هم بايد اساسي معلومات چې غوښتنه یې شوې د دغه قسمه لیک لپاره ولري.

4. وموندل شول چې ته "د امريکي له سفارت سره د امنيتي دلايلو پر اساس د کار کولو لپاره وړ نه وې".

دا څه معنی لري؟

د ماموریت مشر لري چې تا د امريکي د متحده ايالاتو سفارت ته د کار کولو لپاره غوښتنه وکړه خو تاته کار درنه کړل شو ځکه چې ته د امنيتي کتنې په برخه کې بريالی نه شوې.

 زما د غوښتنې لپاره به کوم شواهد مرستندویه وي؟

د سپارښتنې نوی ليک: د خپل پخواني مشر نه وغواړه چې ايا که دوی کولي شي داسې تشريحي لیک وليکي چې ولې ستاسې د امنيت کتنې ناکامي ناسمه وه. دوی بايد دا ليک همداراز ستا پخواني استخدامکوونکي ته واستوي تر څو دا روښانه کړي چې دا ناکامي تېرو تنه وه. دوی بايد غوښتنه وکړي چې ستا استخدامکوونکی خپل ثبت معلومات د مشر د څرګندونو په رڼا او ملاتړ کې تازه کړي. د استخدامکوونکو او مشرانو د پیدا کولولپاره لارښونه دلته وګوره. ليک بايد هغه اساسي معلومات هم ولري چې د سپارښتنې د ليکونو لپاره غوښتنه کوي.

• • سربیره پردې، که د یو شرکت په امنیتي ارزونو کې ناکام شوي یاست، خو څه موده وروسته په بل شرکت کې ګومارل شوي یاست او ددې شرکت امنیتي ارزونې مو په بریالیتوب بشپړې کړې وي، تاسو کولی شۍ سپارښت لیکونه چې دغه موضوع روښانه کوي، د تجدید نظر له غوښتنلیک یا اپیل سره یوځای کړئ.

5. تا له IMS سره دنده تر سره کړې

IMS قضيې بايد د ویزې ملي مرکز لخوا بيا کتنه ترلاسه کړي. که تا له ايۍ ايم ايس سره دنده ترسره کړي او د سي او ايم رد دې ترلاسه کړی کوم کې چې ويل شوي چې ستا دنده وړتيا نه لري، د ویزې ملي مرکز ته ايميل وکړه چې د بيا کتنې غوښتنه وکړې. IRAP د امريکي د حکومت او ايۍ ايم ايس تر منځ څو قراردادونه روښانه کړي.

د مرستې غوښتنه

کېدای شي چې تاسې يا ستاسې خپلوان په دې پروسه کې د مرستې لپاره د کډوالۍ د يو حقوقي وکيل غوښتنه وکړي. لاندې ځينې سرچينې دي:

له IRAP څخه د مرستې

• له آی ار ای پي څخه د مرستې د غوښتلو په اړه معلومات دلته دي.
• که تاسې په اردون کې يئ، تاسې کولای شئ د اردون آی ار ای پي د مرستې غوښتنه د دې فورمې په کارولو سره کولای شئ. که فورمه بنده وي، ته کولای شې په يوه بله او وروسته نېټه کې يې وګورې.

د نورو سازمانونو مرسته

• د امريکا په متحده ايالاتو کې د کډوالۍ د ويړیا حقوقي خدماتو وړاندې کوونکو يو نوملړ په دې ځای کې شته. دا څارنوالان د IRAP سره اړه نه لری.  
• د امريکا په متحده ايالاتو کې د کډوالۍ شخصي وکيلانو نوملړ په دې ځای کې دی. مهربانی وکړئ په یاد ولرئ چې د مهاجرت خصوصی څارنوالان د خپلو خدماتو لپاره فیس اخلی. دا څارنوالان د IRAP سره اړه نه لری.  

ددې ویب فورم په کارولو سره له IRAP څخه د مرستې غوښتنه وکړئ. دا ویب فورم د هرې میاشت په لومړۍ ورځ د کابل په وخت مازدیګر 6:30 بجې پرانیستل کیږي او د همدې میاشتې لپاره د اعظمي شمیر غوښتنلیکونو له ترلاسه کولو وروسته چې موږ یې منلی شو، بندیږي.